Galatas 2:2 - NandevaBiblia

² Tẽvã ahajy haipe heshahakasherã hareka aimbatyjy hãndi reta tũpao ñakarã'õre, ambeu kavishu reta Ñee kavi ambeuva haimba Judiova retape, opaite ãñehãvape ajapova opareimba verã.

Galatas 2:2 Iomraidhean Croise

Mateo 10:16

Pikuapo, avisha rãĩmi she apyrỹmondo avara vasure mbytepe. Hãrã piko kuaapo mboi rãĩmi, hareka pykasure rãĩmi heko poshymbaa.

Hechos 15:12

Hãrã opaite ñymbaty õre opa chirĩrĩ reta, jasakahe reta Bernabé hareka Pablo ĩñee, mbeu ñynõĩshu mbaikavi hesha verã Ñanderu Tũpa japo vekua hai reta rupii haimba Judiovare mbyteipi.

Hechos 15:2

Pablo hareka Bernabé pya ohoãhe reta, hãrã hokava rehe heta mbai hei ijupe reta. Hãma Tũpa jyrojaheare Antioquiape'õre mondo reta Pablo hãndi Bernabé hareka ynga reta mi'ĩrũ verã Jerusalenpe, kova mbai rehe jyraha apostolre hareka kuakuavare ẽvape ijetahe hãndi verãre.

Hechos 15:4

Vãhẽmã jyraha Jerusalenperã, Apostolre hãrã kuakuava tũpaope'õre hareka Tũpa hope ñymboivare myvãhẽ kavi reta. Haipe Pablo hareka Bernabé mbeu kavishu reta opaite Tũpa japova haire rupii.

Hechos 18:9

Pente pyhare Ñandeja ijetashu Pablo hesape'ouva rupive heishu: Ijeta katu jyvyĩño, avy ñimĩchirĩrĩ, avy kyje!

Hechos 23:11

Hoka ĩrũ arajya pyharepe Ñandeja ijeshakashu Pablo hãrã heishu: Ñymykyrẽy katu Pablo, ko Jerusalenpe shymbeuva rãĩmipo, shymbeujykui Romape.

Hechos 5:34

Tẽvã opaite mburuvishare mbytepe ẽẽ pente fariseo Gamaliel he'iashuva Moisés mbypara vekua pyrỹmboi ihea hareka opava haihuva hoka tentape, hãrã sapy'ãĩ nohẽka katoape Apostol retape.

Romano 9:16

Hãrã ha'ẽã kuareta pota hareka õñehããrã, Tũpa rupii rãnga, hai pyryparekova.

1 Corintios 1:23

tẽvã ore mbe'uha Cristo ryheva mbysavavaha vekua kurusure. Kova ñee rehe heta Judiore poshyjyre, hãrã haimba Judiovare pevarã mbaimba vekua rãĩmishu kova ñee.

1 Corintios 2:2

Hãrã ãĩme'ãĩ pynymbyteperã, koñeĩ aijetahe Jesucristo ryheva, jaishu, manorã vekua kurusure.

1 Corintios 9:24

Pikuaa jyve ñanivape ĩñoñokuevare, heta'ẽ ñaniva, tẽvã penteĩ'ẽ me'ẽãshuva maĩnunga. Hãrã piñyhããngatu pipity verã jyve me'ẽãpe verã.

1 Corintios 9:26

Hãrã she ãñanireiãã, mbaimba apity verã rãĩmi; hareka airãrõãvaĩjy yvytu nupa'iva rãĩmi.

2 Corintios 12:1

Ãñete, mba'ẽã ñambijehu ñandeĩ jaijeta jai ñandijeherã. Tẽvã kyrãñoĩpo aijetahe shyresape ouva hareka Ñandeja shymbyheshakava.

Galatas 1:12

Ha'eã me'ẽãshea, ha'eãvãĩjy aikuava kuareta retaivi, Jesucristo teiva rãnga heshakashe.

Galatas 1:16

Heshakashe Tay ambeu verã ĩñee haimba Judiore pãũpi. Hokava ikorã, mbava kuaretãã aha airureshu shymbarakuaa verã,

Galatas 1:6

Mbyry rãnga amaĩ are'ãĩtemba pimymbyryshi Tũpa, pynyrẽnova heshakape pya kavi Jesucristo rupii, yngava ñee kavi pyroja verã.

Galatas 2:6

Tẽvã tũpao miñaka'iare vateve'õ, he'iãshe reta yngava añono verã apyrỹmboiheva. Haijyvepe she pevarã jyvavyã haikavira maĩrã mba'ety, shara Tũpa hỹnonde opaite kuimbaire jyvache.

Galatas 2:9

Santiago, Pedro hareka Juan, kuaahava huvisha pyrãntavare tũpaope mbai vasuvevare, kuaa mondo reta Tũpa meẽsheva ajapo verã hareka heshaka reta ñi'ĩrũ oreva, meẽ ore ipo she hareka Bernabé, hãrã pente ñeepe iñyñonoha ohoa verã Judiombavare'õpe hareka haire Judiore'õpe.

Galatas 5:7

Pee rãnga peñepyrõ kavitẽ kueve. Mbavara akuarã pindijoko pypoi pijapo verã añeteva?

Filipenses 2:16

Tãnta pẽĩhe hokava Ñee kavi meẽva tykove. Kyrã, Cristo oujymarã shypya horypo pyndyrehe, aikuama ãñanireĩã hareka amba'aporeiarã.

Filipenses 2:29

Pymyvãhẽshu Ñandeja heepe vy'akue ryheve, hareka hai rãĩmiva pyndyroryñoĩpo hãndi.

1 Tesalonicenses 3:5

Hãme rãnga, katuveama ãhãrõrã ãmondo Timoteo, shara aipota aikuaa ĩmeĩrateritẽ piroja. She rãnga akyje Ãña japokajype verã mbai porãmbava hareka opaite pyhejareijy verã japoha pyndyrehe vekua.

2 Timoteo 4:7

She ñyrãrõpe ãĩrãrõ kavi, japypeve ãñani hareka mapeã apoi airojahe Tũpa.

Hebreos 12:1

Opaite hokava kuaretare ĩme'ẽ ñandijerekue ñandyresha'ẽva! Hãrã opapo ñambijiche mbai porãmba vekua ñandochava, shara tykove hai pente mbaretepe jykarerava.