Galatas 2:11 - NandevaBiblia

¹¹ Tẽvã Pedro ouma tenta Antioquiaperã, hovapetei poshy ryheve haishu shara hai porãmbava japo.

Galatas 2:11 Iomraidhean Croise

Mateo 16:23

Jesús jerepyrã heishu Pedro: Syry shyhevi Satanas! Nde pota shocharẽĩ. Ndypya rĩñanduva ha'ẽã Tũpaivi ouva, koñeĩ kuaretare ñanduva rãĩmi rĩñandu kova mbai.

Juan 1:42

Haivi Andres raha Simón Jesús ẽvãpe. Jesús maĩherã heishu: Nde hai Simón, Jonas tay, tẽvã ã'ẽ nymbyheapo Cefas, he'iseva ita (Pedro).

Hechos 11:19

Haivi Esteban jukahamarã õñepyrõ pũãhe reta Jesús jyrojaheare, hãrã a'ãmore ñyvãhe Fenicia kyty, Chipre hareka Antioquiape, mbavamba ijetajyheshuare Ñee Kaviva koñeĩ Judiova retapeĩ.

Hechos 11:20

Tẽvã ĩme'ẽ a'ãmo hai retava ouva Chipreivi hareka Sireneivi, vãhẽma jyraha Antioquiaperã õñepyrõ ĩjetaheshu reta haimba Judiova retape, ñee kavi Ñandeja Jesús ryheva.

Hechos 11:22

Tũpao Jerusalenpe'õre kuaama kyrã mbe'uharã, mondo reta Bernabé tenta Antioquiape.

Hechos 11:27

Hokava arape a'ãmo Tũpa ĩñee mbeu'iare oho Jerusalenvi tenta Antioquia kyty.

Hechos 15:1

Hãrã vãhẽ ou kuaretare Judeaivi, Antioquiape õñepỹrõ mboishu reta Jesús jyrojaheare, pire chinchĩhambava Moisés heiva rãĩmi, katũãpo ohojepekui.

Hechos 15:5

Tẽvã a'ãmo fariseo Jesús jyrojaheare, puã reta hareka hei reta: Ẽẽñoĩ rãnga ẽẽ pyreheva chĩchĩhaka verã hareka hekope kavi japoha verã Moisés mbypara vekua.

2 Corintios 11:5

Tẽvã mbaivapeã shimishiveeshi hokava apostol haikavivevare pymbyveteshuva.

2 Corintios 12:11

Kuakuamba'ia rãĩmi ai sheii aijeta kavi shijeherã, shara pee kyrã pijapoka she. Pee rãngate haikueĩ pijetakavi shyrehe verã, shara mbaivapeã shimishĩĩshi hokava apostolre omomba'ea vasuveva retaivi, ajemaĩ mba'eiteã she.

2 Corintios 5:16

Katynga ã'ẽ, katuveãmapo mbyvetehakui yngava retape ore kuareta heshahava rãĩmi, hareka ajema kyrãte kuaaha arykai Cristo, tẽvã kyrãveãmapo kuaaha.

Galatas 1:18

Mbahapy ãñomajyrã aha Jerusalenpe, ahesha verã Pedro hareka haipe apyta hãndi 15 ara,

Galatas 2:14

Hãme aheshama haire ikoã ñee kavi añeteva heiva rãĩmirã, opavare hỹnonde ãĩngãtashu Pedro: “Nde Judiova, rikori Judio retamba ndeva rãĩmi, marã'ĩrãra akuarã pota rĩmiñerã Judiombare, iko verã Judio rãĩmi?”

Galatas 2:5

Tẽvã õĩhãã haire pyrỹmboivape sapy'aiteimbaa, shara potañoĩ Ñee kavi añeteva ẽẽ yrypyape.

Galatas 2:7

Kyrã, haire hesha Tũpa meẽsheva ko ajapo verã hareka apyrỹmboihe verã Ñee Kaviva haimba Judiore pãũpi. Pedro hejahashuva rãĩmi jyve mbeu verã Judiore pãũpi.

Galatas 2:9

Santiago, Pedro hareka Juan, kuaahava huvisha pyrãntavare tũpaope mbai vasuvevare, kuaa mondo reta Tũpa meẽsheva ajapo verã hareka heshaka reta ñi'ĩrũ oreva, meẽ ore ipo she hareka Bernabé, hãrã pente ñeepe iñyñonoha ohoa verã Judiombavare'õpe hareka haire Judiore'õpe.

1 Timoteo 5:20

Hãrã mbai porãmba ĩmeĩñoĩte japo'iare heheishu hetavare hỹnonde, hãrãpo henduvare kyje jyvekui.

Santiago 3:2

Opaiteva hetañoĩ jajavy. Ĩme'ẽ ĩñee rupii javymbaarã hokava hai pente kuimbai hekope kavi'ia, hete katu jokova.

Judas 1:3

Shyryvyre ahaihuva, pota rãnga ambyparape verã ñanymondo jepeva ryheva ĩmejareva; hareka ã'ẽ añandu tekotẽve ajapo airurepe piñyhãã pirojakuepe haikavi verã penteĩ me'ẽãshu vekua heko kyambare,