Galatas 2:1 - NandevaBiblia

¹ Hasama 14 ãñorã ahajy hykuaĩ Jerusalenpe Bernabé hãndi, araha jyve shendie Tito.

Galatas 2:1 Iomraidhean Croise

Hechos 11:25

Haivi Bernabé oho Tarsope veru verã Saulo, heshamarã raha tenta Antioquiape.

Hechos 11:30

Kyrã japo retarã, Bernabé hareka Saulo rupii rahaka reta Tũpape me'ẽãva, kuakuavare Judeape'õre pevarã.

Hechos 12:25

Bernabé hareka Saulo opa japo verãrã, oujy reta Jerusalenvi hareka veru reta Juan, mbyheeava jyve Marcos.

Hechos 13:2

Pente arape pyraheavape õmombai vasu hareka karumbape ñynõirã Espiritu Santo hei: Piñonoshe Bernabé hareka Saulo japo verã tijapo she ameẽshuva.

Hechos 13:50

Tẽvã israelvare ijeta hãndi taupere hekokaviva hareka hyrãkuakavi'ia karaivasure hoka tentape'õre hãndi, ijeta hãndi huvisha tentape'õre jyvaishohe Pablo hareka Bernabé mohẽ verãre jy'yvyivi.

Hechos 14:12

Haivi Bernabé ñonoshu reta Tũpa Seus rãĩmi hãrã Pablo Hermes rãĩmi shara hai ijeta ẽrã.

Hechos 15:25

Hãme rãnga pente ñeepe õiharã pyhỹrõhã kuimbaire pẽĩvape mondoha verã, haihuhava Pablo hareka Bernabé hãndi,

1 Corintios 9:6

Maĩrã she hareka Bernabé hãndira katuã ẽẽ yngavare ỹrỹmbory verã mba'apohamba irijupe verã?

2 Corintios 2:13

Tẽvã ajepy'apy ai aheshãã shyryvy Tito Tróasperã. Hãme rãnga aheja retarã aha Macedoniape.

2 Corintios 8:16

Ãmeẽ shy'ajetekue Tũpape hai ñono Tito pyape she rãĩmi ojepy'apy pyndyrehe verãrã.

2 Corintios 8:23

Tito rãnga hai shi'ĩrũ hareka shymbory'ia pee pevarã; hãma ñandyryvyre oho hãndivare, hai Jesucristo jy tũpao mondovare, hareka Cristo õmombai'iare.

Galatas 1:18

Mbahapy ãñomajyrã aha Jerusalenpe, ahesha verã Pedro hareka haipe apyta hãndi 15 ara,

Galatas 2:13

Hãrã ĩrũ Judiore Jesús jyrojaheare, õñepyrõ ojejapo jyre, Pedro japova rãĩmi, kyraĩ jyve Bernabé.

Galatas 2:3

Tẽvã Titopembaa, shimi'ĩrũte'iva, jurureshuare pire chĩchĩka verã, ajema griegote haiva.

Galatas 2:9

Santiago, Pedro hareka Juan, kuaahava huvisha pyrãntavare tũpaope mbai vasuvevare, kuaa mondo reta Tũpa meẽsheva ajapo verã hareka heshaka reta ñi'ĩrũ oreva, meẽ ore ipo she hareka Bernabé, hãrã pente ñeepe iñyñonoha ohoa verã Judiombavare'õpe hareka haire Judiore'õpe.

Colosenses 4:10

Aristarco, shymbyperesoa hãndiva, pynymymarãndu; Marcos hai Bernabé tyvy. Ãmbeumape marãrapopyre Marcos, hãme rãnga oho pẽĩvaperã pymyvãhẽ kavishukui.

Tito 1:4

Kova kuatia ambyparande Tito, nde hai she pevarã pente tyray añeteĩteva rãĩmi jyrojakuepe. Tũpa hareka Ñandeja Jesucristo ñanymondojepe'ia jyhaihukue tivishava hareka pyakavikue toĩ nendie.