5 Opa ara toñemombai vasu Tũpa. Amén.
Hãrã pymboishu opaite tijapo reta she hai pee vekua. Pikuaapo she ãĩmẽpo penendie opa arape ko yvy opapeve. Amén.
Avy ma'ẽĩhe to'aha jepyarããpe, koñeĩ porãmbaivi yryrekyshi. Shara na'ãpova hai mburuvisha vasurãrẽĩvape, mbaikatukue hareka himbipekue, opa ara pevarã. Amén.
Toñemombai vasu Tũpa, vatevevape, hareka yvy'ĩãrẽ kuaretare tiko kavi ijupive Tũpa haihuvare.
Shara opaite Tũpaivi ouva, hai rupii hareka hai pevarã. Hĩmbipekue opa ara Tũpa pevarã! Amén.
Tũpa penteĩ'õ, koñeĩ iñarãnduva, hĩmbipe opa arape Jesucristo rupii! Amén.
Hãrã hauva rupii ñandyryvy aitypotarã, haikavive penteã hau soo, mahẽ aityjykui mbai porãmbape.
Kyrã japo shara pota ñande Judiore tynonde jairojahe Cristo, jaiko ñamombai vasu verã ñymbaikatukue.
Ñamombai vasushu opa ara Tũpa! Amén.
Hãrã ñamombaivasu hareka ñambitivishañoĩpo Mburuvisha vasu opambava, manombava, katumba heshahava, hareka Tũpa koñeĩ'õ ikova opa ara! Amén.
Ñandeja shynohẽpokui porãmbavaivi hareka shymondojepepokui shyrahama verã mburuvisharã'õpe. Hai pevarã pyrãtakue opaite arapeve. Amén.
Haipo pynymboi opa mbai haikaviape, pijapo verã hai potava, hareka tijapo pyndyrehe mbai kaviva Jesucristo rupii. Jesúspe tymyvãhẽha hĩmbipekue hareka opa ara toñemombai. Amén.
Hai pevarã hai mbaikatukue opa ara. Amén.
Haikavivepo, pupuãve peho Jesús jyhaihukuepy hareka pikuave pyraha Ñandejape, Ñanymondojepeva Jesucristo. Japyraheshu Jesucristo ã'ẽ hareka opa arape! Amén.
Hãrã japyraheposhu Ñanymondojepe'ia koñeĩ'ia. Jesucristo rupii Ñandejape, opa kuaa vateve'ẽvã, ñymbaikatuva hareka hĩmbipeva. Japyraheshu Tũpa opaite kova rehe, ã'ẽ hareka opa arape. Amén.
Sapukerã hei: Pykyjeshi Tũpa hareka pemombai, shara vãhẽma ara hai pirĩmbivache verã hareka pemombaishu japova ara vate'õ, yvy hareka yy'vasu hareka yy õhẽ'õre.
hỹnatu sapukerã hei reta: “Avisha Ray jukaha vekua ẽẽshu pysyma verã mbaikatu hareka ikokatukue, ãrãndu hareka pyrãtakue, mbyveteha verã, õmomba'eha verã hareka pyraheashu verã”.
Hei reta: Amén! Japyraheshu hareka ñambyveteshu, ñameẽshu ãrãndu, ñameẽshu ñandy'ajetekue hareka ñamombaivasushu, ñameẽshu mbaikatu, hareka pyrãtakue ñanu Tũpa opa arapeva. Amén!
