Galatas 1:22 - NandevaBiblia

²² Akua arape, tũpao Cristo ryhevare Judeape'õre shykuaãteri reta.

Galatas 1:22 Iomraidhean Croise

Hechos 9:31

Hãrã opaite tũpao Judeape'õre, Galilea hareka Samaria, reko reta pyavapy hareka ñymypyrãta jyrojakuepe. Ñandeja kyjeshiape iko reta, hareka Espiritu Santo mboryshu retarã ñymbyhetave jyraha.

Romano 16:10

Marãndushu Apeles, Cristo rehe heta heshaka jyrojakue Cristo rehe, hareka jyve Aristóbulo ñymoña hãndiare.

Romano 16:3

Pymarãndushu Priscila hareka Aquilape, shymbory'iare Jesucristope amba'aporã.

Romano 16:7

Pymarãndu Andrónico hareka Junías, sherẽntarãre hareka shi'ĩrũ shymbyperesoa hãndi vekua, hai reta haihuhava Apostolre hareka haire tynondeve jyroja shyhevi Cristore.

Romano 16:9

Pymarãndushu Urbano, ĩrĩ'ĩrũ Cristo ryheva hareka ahaihuva Estaquis.

1 Corintios 1:30

Tũpa rãnga pynymypente hãndi Cristo Jesús, hãrã hai rupii heta mbai pikuaa, ñimbivache, ñandyrykove ky'ã, hareka mbyhepya ñandyrehe ñanynohẽajy verã.

1 Corintios 7:17

Kyrãtẽ verã pepenteĩ Ñandeja memeẽshuare rãĩmi, hareka Tũpa hẽnova rãĩmi, kyrã tijapo; kyrã japo opaite tũpao retaipi.

Filipenses 1:1

Pablo hareka Timoteo Jesucristo jokuevare, opaiteva Cristo Jesús ryhevare kyambava Filipope'õre, Tũpa hoope miñaka'õre hareka tũpaope mba'apova.

1 Tesalonicenses 1:1

Ore, Pablo, Silvano hareka Timoteo, mbyparaha ko kuatia ñandyryvyre tũpao tenta Tesalonicape'õre penteapeĩ ñynoĩheva Tũpa Teru hareka Ñandeja Jesucristo. Tũpa tymeẽpe pyavapy hareka mbai kavikue.

1 Tesalonicenses 2:14

Shyryvyre, tũpao Judeape'õre japovare rãĩmikatĩĩ, pijapo jyve. Hai reta rãnga õmombaimba jyve Tũpa hareka ñymypenteĩmba hãndi reta Cristo Jesús, shara henta ĩrũ retaimba mbyhasa'asy jyre. Kyrã jehu jyvepe.

2 Tesalonicenses 1:1

Ore Pablo, Silvano hareka Timoteo mondohakape marãndu tũpao Tesalonicape'õre, ñymypenteheva Tũpa hareka Ñandeja Jesucristo.