Galatas 1:10 - NandevaBiblia

¹⁰ Kyrã hairã: Ahekara kuaretare jururesheva maĩrã Tũpaivira? Ahekara aĩkavi hãndi verã kuaretare? Hãma potaĩ ãĩkavi hãndi kuareta retarã haiveãmaposhekui Jesucristo jokueva.

Galatas 1:10 Iomraidhean Croise

Mateo 22:16

Fariseore mondo mboireare hareka Herode ẽẽ hãndiare. Heishu reta: Pyrỹmboi'ia, kuaa rãnga añeteva rỹmbeurã, hareka hekope kavi rymboi Tũpa hape. Kuaahaĩjy rymbyvapyã ndijehe, he'iandevarã, hãndi rỹma'ẽãvãĩjyhe marãvara.

Mateo 28:14

Hãrã huvisha kova kuaarã, orepo mbe'uha kavishu hãrã mba'ẽãpo jehupe.

Mateo 6:24

Mbavẽãpo ijokuekashu mõkue ija pyrokue'ia. Mỹmorããpo penteva, tẽvã ĩrũpo haihuve; maĩrã japoveposhu penteva heishuva, tẽvã ĩrũpo mymorãã. Hãrã katuããpo Tũpa jairojatẽheva, jahaihujy kyrypoti.

Hechos 12:20

Herodes poshyshu opaite kuareta Tirope õre hareka Sidon, tẽvã haire pente ñeepe ñynoĩ jyveru verã hai ẽvãpe, Hareka meẽreta kyrypoti Blastope ijeta kavihe verãre. Blasto hai huvisha vasu Herodes hentape mboryrea vate'õ, hãrã jurure reta ẽejy verã pya vapy, shara haire nohẽ reta hou verãre mburuvisha jy yvyivi.

Hechos 5:29

Pedro hareka ĩrũ Apostolre hãndi heishu reta: Ore japohã rãngapo kuaretare heiva, ore rãnga japohapo Tũpa potava.

Romano 1:1

She Pablo, Cristo Jesús jokueva hẽnohava apostol, pyhỹrõhava mbeu verã Ñee Kaviva Tũpa ryheva,

Romano 2:29

Judiore añeteĩteva hai ñee mbyparahava Tũpa ña'ãpova pyaivive japova, Espiritu Santo rupii, hareka ha'ẽã mbyparava rupii. Kyrãva kuaretare Tũpa pysyĩma hai, ajema kuaretare mbijichetẽvã.

Romano 2:8

Tẽvã pota ha'epaite'iare, poshypepo jahehekui, he'iseva opaite añeteva ñymbyvaisho'iheare, hekopemba'õvaĩ haihuva.

1 Corintios 10:33

She jyve opa mbaipe ãñehãã opava retape ambyvya verã, hareka ahekãã she pevarãĩ haikavi verã, hetava retape haikavi verã rãnga jyve, ohojepe verã reta jyve.

2 Corintios 12:19

Heta arape pyndypya pimbijeta aipota aiñymbyhaikavi'ãĩ pynynonde, tẽvã kyrãã. Kyrãtẽ verã, Tũpa hỹnonde ijetaha'ẽ hareka Cristo heepe. Opaite kova mbai ajapova, shyryvyre ahaihuva hai, pumupũã verã.

Efesios 6:6

Pijapo kavi maĩnunga mbe'uhape pijapo verã, ha'ẽã peja maĩ'ẽ pyndyrehe rãmẽĩ haikavi pijapo pota haikavi pẽĩ hãndirã, Cristo jokuerea rãĩmi jyve, pijapo kavi pyndypyaivive Tũpa potava.

Filipenses 1:1

Pablo hareka Timoteo Jesucristo jokuevare, opaiteva Cristo Jesús ryhevare kyambava Filipope'õre, Tũpa hoope miñaka'õre hareka tũpaope mba'apova.

Colosenses 3:22

Jokuehareare, opa mba'epe piniñeerẽndushu pokue'õ ko yvy'ĩãrẽ'õre, ha'ẽã maĩ'ẽ pyreherãmeĩ pymba'apo verã pota pẽĩ kavi hãndirãmeĩ. Haikavivepo pyakavipe pijapo hareka Ñandeja pykyjeshiape.

1 Tesalonicenses 2:4

Kyrãtẽverã, ijetaha kuimbai Tũpa mbyhaikaviva rãĩmi hãrã ĩrĩñono mbe'uha verã Ñee kaviva, hãma hokava hai japohava. Ha'ẽã kuaretare pota pya oho yryreherã, koñeĩpo Tũpa, opa kuaava ñandypyape'õ.

Santiago 4:4

Tykove Tũpa haihumba hareka ñee hendumbare! Pikuããra piñimi'ĩrũhe yvy'ĩãrẽ'õrã, peima pimbyvaishoheva Tũpa? Ĩme'ẽ pota yvy'ĩãrẽ'õ ñimi'ĩrũhearã, ñymbyvaishomahe Tũpa.

1 Juan 3:9

Opaite Tũpa tayre japoveama mbai porãmba, shara Tũpa heko'ẽpy, hãrã katuveãma japo mbai porãmba, shara haima Tũpa tayre.