Filipenses 1:5 - NandevaBiblia

⁵ shara shymborypi jyve ambeu verã Ñee kaviva, tynonde arape pyhendurã vekua ã'ẽpeve.

Filipenses 1:5 Iomraidhean Croise

Hechos 2:42

Hãrã haire iko Apostolre mboishua rãĩmi mbijao ijupe reta ĩmereare, ñymbaty retarã hareka iko reta pente ñeepe, jurure hareka hou reta jykaru Tũpa ñymanduaheva ryheva.

Romano 11:17

Hokava olivoivi, hai Judiore, ã'ãmo hãkãre jasyjaha hareka minjehahe olivo ñanaipi'õ, nde hai hokava haimba Judiova. Hãme rãnga hapopeve rẽĩhe, tykove meẽshua olivo.

Romano 12:13

Pymeẽveshu pyndyryvyre maĩnunga mba'etyreare. Pymyvãhẽ kavi ou punumbuhupava.

Romano 15:26

Shara Macedonia hareka Acayape'iare ha'eire mbaty reta ofrenda heshakapy verã jyparekokue pavetevare pevarã ẽvã ñandyryvyre heko kyambare mbytepe Jerusalenpe'õre.

1 Corintios 1:9

Tũpa rãnga sareãhe hai ĩñee meẽva, hai pynyrẽno peii piko hãndi verã pente ñeepe Tay Jesucristo, Ñandeja.

2 Corintios 8:1

A'ẽ shyryvyre, aipota ambeupe marãra Tũpa heshaka jyhaihukue hareka pya kavikue tũpao retape ẽvã Macedoniape.

Efesios 3:6

Hãrã kuaahamba vekua hai kova: Jesucristo Ñee Kaviva rupii haimba Judiore myvahe verã jyve pyrỹmondojepeva, hareka ĩñee meẽva tenta Israelva retape, hareka pente tentaĩ iko hãndi verã Israel.

Filipenses 1:12

Shyryvyre, aipota pikuaa kova mbai jehushevare haikavi jyve Ñee kaviva ryheva ñimbitivishave oho verã.

Filipenses 1:16

Ã'ãmo mbeu reta Cristo jyhaihupe; shara kuaa reta shiñonoha Ñee Kaviva ryheva amaĩ ĩãrẽ verãrã.

Filipenses 1:27

Koñeĩ airurepe pikokavi verã Ñee kavi Cristo ryheva pyrỹmboiva rãĩmi. Shara aha apyryresharã maĩrã ãĩmbate haipeva, koñeĩ tahendu pyndyhevi piko kavi ijupiiva hareka piñyhãã pente pyapeĩ Ñee kaviva pirojaheva rupii.

Filipenses 1:7

Haikavi rãnga kyrã shypya ambijeta pyndyreherã, shara shypyapeĩ apyryre; ajema shymbyperesoha amaĩ'ãĩ ĩãrẽ hareka amy'ãñete Ñee kaviva, opaite pẽĩ jyve shendie jyhaihu Tũpa meẽshevape.

Filipenses 2:12

Hãrã shyryvyre ahaihuva, ãĩme ãĩ penendierã pijapoñoĩ she haiva, ha'eã ãĩme ãĩ penendierãmeĩ, katynga shembape hetave ã'ẽ, kyjevape hareka ryryvape pymba'apohe pynymondojepevare,

Filipenses 2:22

Tẽvã pee pikuaama marãra haikavi Timoteo heko, hareka shyray rãĩmi shymbory ambeu verã Ñee kaviva.

Filipenses 4:3

Nde jyve, amba'apoape shimi'ĩrũriva airure nde rymbory verã jyve ñaniindy retape, hai reta rãnga heta shimi'ĩrũ kova Ñee kaviva ambeu'airã, Clemente hareka ĩrũ retajy. Haire hee opama mbyparaha kuatiape.

Filemon 1:17

Ãñeteĩte rĩmoña hãndia rãĩmi shyre rirojakueperã, airure nde rỹmyvãhẽ verã shymyvãhẽva rãĩmi.

Hebreos 3:14

Shara ñande heta mbai ĩmejare Cristo handi, jairojaĩhe opa arapeve tynondeite ĩmejarevaivi.

2 Pedro 1:1

She, Simón Pedro Jesucristo jokueva hareka apóstol apyrỹmymarandu, Jesucristo ñanu Tũpa ñanynohẽva porãmbaivi hekokavi rupii, hejape pente jyrojakue mashyãva ore ĩme rekohava rãĩmi.

1 Juan 1:3

Hãrã ore heshahava hareka henduhava mbe'ua jyve pee piñimi'ĩrũ yryrehe verã, hareka ñanimi'ĩrũva Tuu hareka Tay Jesucristo handi.

1 Juan 1:7

Tẽvã jaiko hendyvaperã, Tũpa hendyvape ẽvã rãĩmi, pente pyapeĩmapo ñaĩ hãndi yngare, hareka Tay Jesucristo, huvy rupii opa ñandohe mbai porãmba vekuaivi.