4 Hãrã ãĩmboirã, vy'apeñoĩ shymandua pyndyrehe,
Ara hareka pyharekue iko sapuke'i ñũũ hupi hareka tã'õvẽre ẽvãipi, opa ñỹmbyperepy ita.
Kyrã vya jyve Tũpa jokuevare pente heko porãmba'ia heja mbai porãmba vekuarã.
Kyrã hai pee hetaveva vyapo vate arapy ẽẽ pente heko porãmba oujy Tũpa jykotyrã, 99 heko kavi'ia retaivi ikotẽvẽmba ẽẽ ñymbeujyhaivare.
Tũpa rãnga, hai shypya ryheve aikohea ambeuva Ñee Kaviva Tayre'õ, hai shyresha shymanduañoĩ pyndyreherã,
kyrãpo shymbyvyapi, piko ijupive pente ñeeperã, jyhaihupe, pente pyapeĩ piko, hareka pente mbai pevarã rãĩmi.
Hetama hai jyvyĩpeva rãĩmi, hareka ã'ẽ shysay syry ẽẽ shyrovare, ĩme'ẽ heta heshatamba Cristo jukurusurã.
Hãrã pee shyryvyre apyryraihuva, hareka shykyrẽy apyryreshava, tãnta katu pẽĩhe Ñandeja, ahaihuvare.
She teiva ãĩmembate'aĩ penendieva, shẽã rupii ãĩme penendie, hareka avy'a aikuaa hekope kavi pimepẽĩrã hareka Cristo pirojahevape pynypyrãtapẽĩrã.
Me'ẽhãñoĩ pyndyrehe yry'ajetekue Tũpape, hareka ñymbo'eharã mandu'ahañoĩ pyrehe.
Avya ãĩ hareka shymykyrẽỹ jyhaihu ĩmeryreva, shara nde shyryvy pyape rỹmykyrẽỹjyshu reta Tũpa ryhevare.
Shymbyvy'aite ahesha ã'ãmo ndyrayre añetevape iko retarã, Teru hei ñandeva rãĩmi jajapo verã.
