Filipenses 1:1 - NandevaBiblia

¹ Pablo hareka Timoteo Jesucristo jokuevare, opaiteva Cristo Jesús ryhevare kyambava Filipope'õre, Tũpa hoope miñaka'õre hareka tũpaope mba'apova.

Filipenses 1:1 Iomraidhean Croise

Marcos 13:34

Pente kuimbai mbyry ohova rãĩmi; hoo hejashu jokuereirea, hãma pepenteĩ ñonoshu japo verã, hãrã õchepe ñyngareko'õ heishu ochemba'ẽ verã.

Juan 12:26

Hãrã ĩme'ẽ pota japosheva haivarã, tou shaykue. Mãĩpi she ãĩvãpe, haipepo ĩme'ẽjyvekui japosheva aipotava, hareka Sheru õmombaivasuposhukui.

Hechos 1:20

Shara kuatia Salmope mbyparahava hei: “Hoore tikoshi yvy ikoambaipi, hareka avy mbava tikopy”. Heijy: “Yngava tõĩjy hendakuepe”.

Hechos 20:28

Hãrã pingareko pindijehe hareka opaite tũpaope ñymbatyvare, shara Espiritu Santo pynypyhyrõ pingarekohe verã Tũpa jytũpao, ha'ei huvypy ova vekua.

Hechos 9:13

Hãrã Ananías hei: Karai, heta mbai ahenduhe kova kuimbai, hareka heta mbai porãmbava japo'iheva heko kyamba Jerusalenpe.

Romano 1:1

She Pablo, Cristo Jesús jokueva hẽnohava apostol, pyhỹrõhava mbeu verã Ñee Kaviva Tũpa ryheva,

Romano 1:7

Opaite Romape peĩva Tũpa haihuvare hareka hẽnohava iko pyndyhevi henta ĩrũre pyhyrõãva: Ñanderu Tũpa hareka Ñandeja Jesucristo tymaĩ kavi hareka tyheshaka pyavapy.

1 Corintios 16:10

Timoteo vãhẽma ohoperã piñyhãã tyvyakui pymbytepe, shara she rãĩmi hai mba'apo jyve Ñandejape.

2 Corintios 1:1

She, Pablo Jesucristo jy apostol, Tũpa kyrã potarã, hareka ñandyryvy Timoteo hãndi marãnduha, tũpao ẽvã tenta Corintope hareka opaite jyrojavare ẽvã Acayape.

Galatas 1:10

Kyrã hairã: Ahekara kuaretare jururesheva maĩrã Tũpaivira? Ahekara aĩkavi hãndi verã kuaretare? Hãma potaĩ ãĩkavi hãndi kuareta retarã haiveãmaposhekui Jesucristo jokueva.

Galatas 3:26

shara pirojaivivehe Jesucristo, iko pyndyhevi Tũpa tay.

Galatas 3:28

Mba'etyma Judiovara maĩrã Greciavara, jokuehareara maĩrã ha'eãra jokueharea, kuimbaira maĩrã tauperã. Pirojama Jesucristorerã, opava pee pentevaĩma.

Efesios 1:1

She hai Pablo, Jesucristo apostol Tũpa potava rupii, amarãndu opaite heko kyamba hareka hekope kavi Cristo jyrojahea Éfesope'õre.

Efesios 1:15

Jypy aikuaarãvãĩ, she ahendu marãra piroja Ñandeja Jesure hareka jyhaihukue ĩmepyrea opaite heko kyambare hãndi,

Efesios 6:24

Hãrã Tũpa tymãĩ kavihe opaite haihuva Ñandeja Jesucristo, jyhaihu opamba verã ryheva. Amén.

Filipenses 2:19

Ãhãrõ'ãĩ Ñandeja amondo verã Timoteo, avya verã aikuama pyhevi marãra piko.

Filipenses 2:5

Piko Cristo iko vekua rãĩmi hareka pijapo hai japo vekua rãĩmi:

Filipenses 3:12

Ha'eã ãvãhẽmava japype, maĩrã haikavitema ãĩva, katynga ahaĩterihe tynonde ãhãrõ apitypeve Cristo Jesús shipityva rãĩmi jyve.

Filipenses 3:3

Ñande hai ãñete ñymbai pire chĩchĩava; ñamombaiva Tũpa ñande espiritu ryheve, javyava Cristo Jesure, hareka jairojambaheva tyroore.

Filipenses 3:8

Ã'ẽ ahesha kavi kova maĩnunga yty rãĩmi, shara haikaviveshe Cristo Jesús Sheja aikuaarã hareka ãmombo ytype kova maĩnungare, ĩme'are verã Cristo, kyrã Tũpa pota ñandyhevi.

1 Tesalonicenses 1:1

Ore, Pablo, Silvano hareka Timoteo, mbyparaha ko kuatia ñandyryvyre tũpao tenta Tesalonicape'õre penteapeĩ ñynoĩheva Tũpa Teru hareka Ñandeja Jesucristo. Tũpa tymeẽpe pyavapy hareka mbai kavikue.

1 Tesalonicenses 2:2

Hãma pikuaajy tenta Filipope heta poporãã he'iha ore hareka yryrekoha'asy, tẽvã Tũpa ỹrỹmbory mbe'uhape verã Ñee kaviva, pyavasu ryheve hareka ajemaĩ heta'ẽ pya ohombaheva.

2 Tesalonicenses 1:1

Ore Pablo, Silvano hareka Timoteo mondohakape marãndu tũpao Tesalonicape'õre, ñymypenteheva Tũpa hareka Ñandeja Jesucristo.

2 Tesalonicenses 1:10

Ñandeja oujymarã hokava ara hai ña'ãpovare õmombaivasu verã hareka mbyrymaĩhe verã opaite jyrojaheare. Shara pee pyroja ore mbe'uhapeva.

1 Timoteo 1:2

ambypara ko kuatia Timoteope, ãñeteĩte shyra'yrã 'area jyrojakuepe. Airureshu Tũpa hareka Ñandeja Jesucristo tiñono ndyrehe mbai kavikue, jyparekokue, hareka pya vapy.

1 Timoteo 3:8

Kyrãĩpo jyve tũpaope pyrỹmbory'iare diácono he'iashuvare, heko kavipo, ĩñee pyrõmbahea, hareka ka'ũãpo, potããpo kyrypoti hekope kavimba'õ.

Tito 1:1

She Pablo, Tũpa jokueva hareka Jesucristo jy Apostol, shyrẽno Tũpa pyhỹrõvare jyrojahe verã hareka kuaa verãre Tũpa ĩñee añeteva, heshahakava tykove mbijicheava Tũpa pevarã rupii.

Tito 1:7

Shara tũpao miñaka'õ, ñyngarekopohe Tũpa ña'ãpovare, hãme hekope kavipo'i, ha'ẽã ñymbyvete'i verã, avypo poshypareii, avy tyka'u hareka ha'eãjy ñyrãrõ'i verã, hareka avy typota kyrypoti hekopemba'õ.

Filemon 1:1

She Pablo mbyperesoava Jesucristo rehe hãndi shyryvy Timoteo, marãnduha haihuhava Filemón, mba'apohavape ĩrĩmirũ'ia,

Hebreos 13:23

Aipota pikuaa ñandyryvy Timoteo poihamashiva. Narẽãmi vãhẽ ourã, ahapo hãndikui apyryresha verã.

Santiago 1:1

She Santiago Tũpa hareka Ñandeja Jesucristo jokuereva, amarãndu 12 Israel ñymoñashiare opa mamaipi ohova yvy jerekue.

1 Pedro 2:25

Arykai rãnga avishare kañyva rãĩmipi, tẽvã ã'ẽ peijy jykoty avisha ñyngareko'ihea hareka pyndykove ñyngareko'ihea.

2 Pedro 1:1

She, Simón Pedro Jesucristo jokueva hareka apóstol apyrỹmymarandu, Jesucristo ñanu Tũpa ñanynohẽva porãmbaivi hekokavi rupii, hejape pente jyrojakue mashyãva ore ĩme rekohava rãĩmi.

Judas 1:1

Judas, Jesucristo jokuerea Santiago tyvy, ambyparashu opaite Tũpa Teru haihuvare hareka hẽnova, Jesucristo ñyngareko jyvehe reta.

Apocalipsis 1:1

Kova hai Tũpa heshaka vekua Jesucristo rupii, mbykuaaka verã opaite jokueva retape; kova mbai areã iko verã. Jesucristo Tũpa jokuevape mboushu mbyheshaka verã jokueava Juan,

Apocalipsis 1:20

Hokava kuaahamba 7 jasytata ryhesha vekua shepo shakatape, he'iseva hai Tũpa jokuevare 7 tũpaore, hareka 7 tataindy hyrure ita vera ijuva ryheshava hai 7 tũpaore.

Apocalipsis 19:10

Haivi ãĩñesu hỹnonde ãmombaishu verã, tẽvã hai heishe: “Avy hoka japo! Emombai Tũpa, shara she ha'ẽĩ jyve hai jokuerea, nde rãĩmiva hareka opaite ñandyryvyre Jesús ĩñee jyrojateriheare”. Shara ñee Jesús pyrỹmboihea hai mykyrẽyva kuaretare mbeu verã ñee iko verã.

Apocalipsis 2:12

Mbyparashu Tũpa jokueva tũpao Pérgamope'õ: Kyrã hei kyse hakuapuku mokue hãĩmbeva ĩmerea.

Apocalipsis 2:8

Mbypara jyveshu Tũpa jokueva tũpao Esmirnape'õ: Kyrã hei tynonde hareka japyhea, arykai manova hareka puãjy vekua,

Apocalipsis 22:9

Tẽvã hai heishe: “Avy japo hoka! Emombai Tũpa shara she hai jokuearea nde rãĩmiva, hareka ndyryvy Tũpa ĩñee mbeu'iare, hareka opaite Tũpa ĩñee kova kuatiape'õ hendu hareka japovare”.