Filemon 1:6 - NandevaBiblia

⁶ Jyroja katuhe Ñandeja, ore rãĩmi. Hãme rãnga airure Tũpa rirojañoĩhe verã opa mbai haikaviva rikuaapeve jajapo verã Cristo jahaihurã.

Filemon 1:6 Iomraidhean Croise

Mateo 25:16

Ko jokueharea 5 mil nikere ĩmere vekua, mymba'apoka hareka 50 mil kyrypoti hipityjyshu.

Mateo 5:16

Kyrã jyve pee mbai sapeva rãĩmipo pysape opavare hỹnonde, haire hesha haikaviva pijaporã, õmombaivasupo jyve Teru vate arape'õ.

1 Corintios 14:25

kyrã heshakavipo pyaperevare, hãrã ĩñesupo õmombai Tũpa hareka kuaapo ãñete Tũpa ẽvã pynymbytepe.

1 Corintios 16:9

Shara õche jypea kavi'ẽshe amba'apo verã, ajemaĩ hetatẽ'ẽ shyreshatambare.

Filipenses 4:8

Koñemahea shyryvyre, pypya pimbijeta katuhe opava oumbava japuivi, heko kaviva, pyrỹmbyhoryva hareka hyrãkua kavivare. Opaite ĩmereva mbai haikaviva hareka katu pyraheva, kova pypya pimbijetahe.

Colosenses 1:9

Hãme rãnga ore, hoka arape kuaaharãvãĩ, pente aramba hasa yryheviva jurureha'i pyndyreherã. Jurureha Tũpape kuaaka kavipe verã hai potava, meẽpe verã ãrãndu hareka mbaikuaa Espiritu Santo meẽva.

Colosenses 3:10

Piko tykove py'ahuvape, ñymbypy'ahu ohova ovave verã Tũpa hai pindijapo vekua hareka pikuaa kavive pyrahashu.

Tito 3:14

Ñandyryhevare tikuaa jyve haikaviva japo verãre hareka mborypo reta ikotẽvevare hareka kyrãrã hetapo japo reta mbai haikaviva.

Hebreos 6:10

Shara Tũpa heko kaviva hai, sareãpohe pijapova hareka jyhaihukue pyheshakava jyrojavare pymbory retarã, ã'ẽpeve pijapoteripeĩva rãĩmi.

Santiago 2:14

Shyryvyre, mbaivapera haikaviposhu ĩme'ẽ heiva jyrojakaviva tẽvã mbai haikavivaimbatẽ japova? Katura hokava jyrojakue mondojepe?

Santiago 2:17

Kyrã jyve jyrojapeverei'ia, mba'ẽã japorã, mano vekua rãĩmi.

1 Pedro 2:12

Piko kavi jyve Tũpa rojambavare mbyteipi; hãrã ijeta porãmba'i pyndyreheva mbai porãmba pijapopiva rãĩmi, heshajy pyndyrehe mbai kavivaĩrã õmombaipo jyve reta Tũpa.

1 Pedro 3:1

Kyrãmi jyve pee tyrekore, piñyñono pemere ipope ĩme'ẽ pente teme rojambava Tũpa ĩñee, mbaimba heivape, pee pikova rãĩmipo pymbaky jyveshu retakui.

1 Pedro 3:16

Tẽvã pijapo peñemomishĩvape hareka ñee henduvape. Piko pypyavapy ryheve, hãrãpo ijeta porãmbahea pyndyreko kavi ĩmepyreva Cristo pirojaherã, ĩñe'ẽkue rehe ñymymarãka retakui.

2 Pedro 1:8

Opaite kovare hehetavepyrerã hareka kyrã pikorã, pikoreiveãmapo hareka pikuakavimaposhu Ñandeja Jesucristo.