Filemon 1:24 - NandevaBiblia

²⁴ Hareka jyve Markos, Aristarko, Demas hãndi Lucas shymbory'iare mba'apope.

Filemon 1:24 Iomraidhean Croise

Hechos 12:12

Kova kuama mondo Pedrorã, oho Maria hentape, Juan ishy mbyheeava jyve Marcos, haipe heta kuareta ñymbaty'õre jurure ñynõĩ Tũpape.

Hechos 12:25

Bernabé hareka Saulo opa japo verãrã, oujy reta Jerusalenvi hareka veru reta Juan, mbyheeava jyve Marcos.

Hechos 13:13

Pablo ñi'ĩrũre hãndi jyraha varkope Pafosvi, tenta Perge Panfiliakyty, tẽvã Juan yngaty ohojyshi reta hãrã oujy Jerusalenpe.

Hechos 19:29

Ikoma kuavẽãpy reta, opa ikorai reta hoka tentape'õre, pysy reta Gayo hareka Aristarco, mokue kuimbai Macedoniava mĩ'ĩrũ jyreva Pablo, hareka mbytyryry raha reta oo vasu ñymbatyhase'õpe.

Hechos 27:2

Haivi jupiha varko Adramitiova, ohoha verã tenta Asia hymbey kyty. Ĩrĩmi'ĩrũ jyve Aristarco, tenta Tesalonicaivi ouva, pente tenta Macedoniape'õ.

2 Corintios 8:23

Tito rãnga hai shi'ĩrũ hareka shymbory'ia pee pevarã; hãma ñandyryvyre oho hãndivare, hai Jesucristo jy tũpao mondovare, hareka Cristo õmombai'iare.

Filipenses 2:25

Tẽvã haikavivepokui amondo shyryvy Epafrodito hareka mba'apo'i shendieva, shi'ĩrũ õñehãã'i shendieva hareka pymboushu vekua maĩ shyrehe verã aikotẽvevape;

Filipenses 4:3

Nde jyve, amba'apoape shimi'ĩrũriva airure nde rymbory verã jyve ñaniindy retape, hai reta rãnga heta shimi'ĩrũ kova Ñee kaviva ambeu'airã, Clemente hareka ĩrũ retajy. Haire hee opama mbyparaha kuatiape.

Colosenses 4:10

Aristarco, shymbyperesoa hãndiva, pynymymarãndu; Marcos hai Bernabé tyvy. Ãmbeumape marãrapopyre Marcos, hãme rãnga oho pẽĩvaperã pymyvãhẽ kavishukui.

Colosenses 4:14

Pyrỹpỹhãno'ia haihuhava Lucas, pynymarãndu, hareka jyve Demas.

1 Pedro 5:13

Babiloniape ñymbatyse'iare pynypyhyrõha hãndiva hareka jyve shyray Marcos, mondope marãndu.

3 Juan 1:8

Ñande ñamboryposhu reta, ñambeu handi verãre Tũpa ĩñee añeteva.