Efesios 6:21 - NandevaBiblia

²¹ Tikiko, shyryvy ahaihuva hareka ñanymbory kaviñoĩ'iva mba'apope Tũpa pevarã, opaitepo mbykuaaka marãrate ãĩme ãĩ hareka mbaivara ajapo.

Efesios 6:21 Iomraidhean Croise

Hechos 20:4

Mi'ĩrũshu reta Sopater, Pirro tay Bereape'õ, Aristarco hareka Segundo hai Tesalonicavare, Gayo Derbespe'õ, Timoteo, Tikico hareka Trofimo, hairetamba tenta Asiape'õvare.

1 Corintios 4:17

Hãme rãnga amondo Timoteo, shyray ahaihuva hareka jyrojaheva Ñandeja. Haipo pynymymandu'akahekui marãra aiko Ñandeja Jesucristo airojaherã, apyrỹmboiva rãĩmi oparupi hareka Tũpare jyrojavare ñymbatyva retaipi.

Filipenses 1:12

Shyryvyre, aipota pikuaa kova mbai jehushevare haikavi jyve Ñee kaviva ryheva ñimbitivishave oho verã.

Colosenses 1:7

Kyrã rãnga pynymboi Epafras, mba'apoha'i hãndiva haihuhava, hai rãnga jyroja kaviva; Cristo jokueva opaite pee pevarã.

1 Timoteo 4:6

Kova rỹmboihe ñandyryvy retarã, haimapo ndekui Jesucristo jokueva haikaviva, ñee pyrãtava jyrojakuepe hareka nymbo'eahea haikaviva rehorihevape.

2 Timoteo 4:12

Tíquiko amondo hai Éfesope.

Tito 3:12

Arỹmondoma Artemas maĩrã Tiquicoperã, narẽãmite ei maĩ shyrehekui Nicópolispe, shara haimaje haipe ro'ykue ahasa verã.

Filemon 1:16

Koñeĩ ã'ẽ haiveãma pente jokuehareireva rãĩmi ryre verã, ndyryvy ryhaihuva rãĩmimapo, haikavive kyrã. She ahaihu, tẽvã nde ryhaihuitevepo, ha'ẽã kuaretare rãĩmi rĩmoña hãndiva rãĩmipo Ñandeja rehe.

1 Pedro 5:12

Silvano rupii, haiheva shyryvy jyrojahaheva, koĩpĩ ambyparashu, ambarakuaa hareka kova mbai kavikue vãhẽpeva hai my'añeteva Tũpa jyhaihukue. Tantapeĩhe kova jyhaihu.

2 Pedro 3:15

Pynymanduahe, ñyhãrõkuaa Ñandeja ryheva ñandyraha ñymondojepeva kyty, jahaihuva ñandyryvy Pablo mbypara vekua rãĩmi, ãrãndu Tũpa meẽshuva rupii.