Efesios 6:20 - NandevaBiblia

²⁰ Tũpa shymondo ambeu verã ko ñee hãme rãnga ã'ẽ shymbyperesoha. Tẽvã pimboi shyrehe, aijetahe verã jyroja katupe, aijeta verã rãĩmi.

Efesios 6:20 Iomraidhean Croise

Hechos 21:33

Hãrã mburuvisha pysykashu Pablo, hareka pokuakashu mokue kadenape; haivi pyrãndushu kuaretare mbavara hai hareka mbaivara japo.

Hechos 26:29

Pablo hei: Shara mishĩĩ maĩrã tivishara airureshu Tũpa avy ndeñoĩte verã, opaite ko arape shyrẽndu'õ reta jyve tiko she rãĩmi, tẽvã ha'ẽã ko kadena ryheve.

Hechos 28:20

Hãme rãnga apyrỹrẽnoka jyve, apyryresha hareka aijeta penendie verã, Israelitare hãrõva rehe rãnga shapĩtĩha ko kadenape.

Hechos 28:31

Mbaivamba jokoshuvape mbeu'i Tũpa ẽvãpe'õ hareka mboihe reta Ñandeja Jesucristo ryheva, mbavamba jochashuvape.

Hechos 5:29

Pedro hareka ĩrũ Apostolre hãndi heishu reta: Ore japohã rãngapo kuaretare heiva, ore rãnga japohapo Tũpa potava.

2 Corintios 3:12

Rekoha hãrõhã'õvãrã, jyrojakue ryheve kyrã ijetaha.

2 Corintios 5:20

Hãrã ore Cristo rehe yrokueha, Tũpateiva jururepe ore rupii. Hãma Cristo heepe, jururehape pẽĩjykavi hãndi verã Tũpa.

Efesios 3:1

She, Pablo, shymbyperesoava Jesucristo aijokueka'aishurã, pyndyrehe judiombavare.

Efesios 4:1

She Pablo, shymbyperesoava Ñandeja rehe, airurepe piko verã hekope kavi Tũpa potava rãĩmi, pee pynyrẽno vekua.

Efesios 6:19

Pimboi jyve shyrehe Tũpa meẽshe verã ñee hareka jyroja katu aijetama aĩrã Ñee Kavivapy, pyntuape'i vekua tẽvã ã'ẽ Hai pota kuaaka.

Filipenses 1:20

Symyĩ kavivape ãhãrõ'ãĩ, ajapoãpo shymymarãka verã, koñeĩ pyavasupe ãmbeu Cristo ĩñee jepi ajaposea rãĩmi, tyhesha shyrehe kuaretare ko Cristo mbaivasuva, aikoterirã maĩrã amanomarã.

Filipenses 1:7

Haikavi rãnga kyrã shypya ambijeta pyndyreherã, shara shypyapeĩ apyryre; ajema shymbyperesoha amaĩ'ãĩ ĩãrẽ hareka amy'ãñete Ñee kaviva, opaite pẽĩ jyve shendie jyhaihu Tũpa meẽshevape.

Colosenses 4:3

Pirurejyve yryrehe, Tũpa tiñono'ore mbe'uha verã ko ñee hareka mbykuaahaka kavi verã Cristo ña'ãpoa ñemiape'õ, hai rehe shymbyperesoha.

Colosenses 4:4

Pirure jyve shyrehe ambeu kavi verã kova ñee, aikuaaka kavi verã marãrapo ajapo.

1 Tesalonicenses 2:2

Hãma pikuaajy tenta Filipope heta poporãã he'iha ore hareka yryrekoha'asy, tẽvã Tũpa ỹrỹmbory mbe'uhape verã Ñee kaviva, pyavasu ryheve hareka ajemaĩ heta'ẽ pya ohombaheva.

2 Timoteo 1:16

Ñandeja tymaĩ kavihe Onesíforo ñymoña hãndiare, shara hetajy shymykyrẽy hareka shynotiã shymbyperesoha'irã,

2 Timoteo 2:9

hãrã Ñee Kaviva reheĩ heta ahasa'asy hareka shymbyperesoha, pente purukava rãĩmi. Tẽvã Tũpa ĩñee katuã mbyperesoa hai.

Filemon 1:10

airure'asy nde shyray Onésimo pevarã, shara she ambeushu ñeẽ kavi shymbyperesohavape.

Filemon 1:9

aipotaĩ airure nde jyhaihukue heepe. She, Pablo, akuakuama hareka ã'ẽ shymbyperesohavape ãĩme'ãĩ Cristo Jesús rehe,

1 Juan 3:16

Ñande jaikuakavi Jesucristo jyhaihukue, shara hai meẽ ñandyrehe hykove. Hãme ñandyryvy retare ñameẽpo jyve ñandyrykove.

Judas 1:3

Shyryvyre ahaihuva, pota rãnga ambyparape verã ñanymondo jepeva ryheva ĩmejareva; hareka ã'ẽ añandu tekotẽve ajapo airurepe piñyhãã pirojakuepe haikavi verã penteĩ me'ẽãshu vekua heko kyambare,