Efesios 6:17 - NandevaBiblia

¹⁷ Pyrỹmondo jepeva Tũpa ryheva tijocha pãka tãka jochahasepya rãĩmi hareka pypysy Tũpa ĩñee kyse pukuva rãĩmi Espiritu meẽpeva.

Efesios 6:17 Iomraidhean Croise

Mateo 4:4

Tẽvã Jesús heishu: Mbyparahavape hei: “Ha'ẽã pãhãrei iko verã kuareta; koñeĩ opaite ñee õhẽva Tũpa juruivi”.

Mateo 4:7

Jesús heishu: Mbyparaha rãnga jyve: “Avy pyahããshu Ñandeja, nu Tũpa”.

Efesios 5:26

Hai mano japo ñandyhevi verã Hai pevarãĩ, johema hai ĩñee kavi rupii yype joheava rãĩmi.

1 Tesalonicenses 5:8

Tẽvã ñande ara kõĩvape jaiva, opa arapo haikavi jaiko. Jaijochapopy jyroja hareka jyhaihukuepy, syndaro ijochapya rãĩmi pitiaipi, ñymyhẽva'õ ñyrãrõ verã, syndaro ñãka jochapya rãĩmi ñañõno ñandijehe ñyhãrõ hareka ohojepea ryheva.

Hebreos 4:12

Tũpa ĩñee hai tykove hareka mbaikatu, kyse pukuva hãĩmbeveva hareka kype icheva ñandypyape hareka espiritupe, haipe ñonokaviva typya hareka typya potava, hareka hokava potakue haira haikavivare maĩrã porãmbare.

Hebreos 6:5

hareka pya ohohe vekuare Tũpa ĩñee haikaviva hareka mbaikatukuere yvy'ĩãrẽ ou verã ryheva,

Apocalipsis 1:16

Ipo jakata kytyre 7 jasytata, hãrã juruivi õhẽ pente kyse hakua pukuva mokue haĩmbeva, hãrã hova hendyjy kuarasy sapetei'ẽrã rãĩmi.

Apocalipsis 12:11

Haire jepyhe Avisha Ray huvy rupii hareka ñee mbeujyreva rupii. Tẽvã ñandyryhevare haihuãmba reta hykove, koñeĩ ĩñonoĩ timeĩ jukaha verã.

Apocalipsis 19:15

Hãrã juruivi õhẽ kyse hãĩmbeva, mbyperepy verã opaite tenta vasure. Pỹrãtape ñumbuhuvishapokui, hãrã haiteipo uva ñami'õvã rãĩmi, he'ise Tũpa ñymbaikatukue ryheve poshyva.

Apocalipsis 2:16

Hãrã japojy haindeva, shara rijapoã hokavarã narẽ'ãĩtepo ahandekui, hareka ãĩrãrõpo hãndi retakui kyse pukuvapy shijuruivi õhẽva.