Efesios 6:13 - NandevaBiblia

¹³ Hãma, piñymonde kavipy opaite ñyrãrõpe mondeava Tũpa meẽpeva, pijepyhe verã hareka vãhẽma pee ara mbai porãmba Ãña ñonopeva, haivi opama pyhasa mbai porãmbavarã, pee pypyrããtapo pẽĩ.

Efesios 6:13 Iomraidhean Croise

Lucas 21:36

Pingareko pindijehe, hareka pimbo'e opa ara, peojepeshi verã ko mbai iko verã, hareka haikavi pẽĩverã kuareta Tay hỹnonde.

Lucas 8:13

Timĩty oa vekua ita mbytepe rãnga hai Tũpa Ĩñee hendurã, vy'ape rojava; tẽvã hapo pukuãrã, sapy'aiteĩ jyroja, oumashu pya hã'ãvaperã, poi jyroja.

Romano 13:12

Pyntukue ouve'i hareka vãhẽmapo ara kõĩva; hãrã japoi jajapo mbai pyntuaipi'õvare hareka ñaĩmimondepy ijochahapya hendyva syndaro rãĩmi haikaviva jajapo verã.

2 Corintios 10:4

Ñyrarõhãrã poryhãã ko yvy'ĩãrẽ'õ, Tũpa ñymbaikatukue rãnga poryha, hokava hai jepyheva opaite mbai ñymypyrãta'õ.

Efesios 5:16

Pipory kuaapo ara pimepẽĩvape, shara porãã ara ouva.

Efesios 5:6

Avy mbava pynymbytavy ñeereivape, kova mbai rehe rãnga verupo Tũpa ñunũpa pohyiteveva opaite ñee hendumbava ĩãrẽ.

Colosenses 4:12

Pynymarãndu jyve Epafras, Cristo jokueva, hai rãnga jyve pente pyndyryheva. Hai heta õñehãã jurure'i pyndyreherã, tãntangãtu pẽĩ verã, porãmba pijapombape hareka opa kavi pijapo verã Tũpa potava.

Santiago 4:7

Piñyñono Tũpa ipope, tanta piñyñonoshi Ãña, hãrã hai ñyvãhẽpo pyndyhevi.

1 Pedro 4:1

Cristo rãnga hasa'asy ñandyrehe hetepe, hãrã kyrãĩpo peĩ kavi jyve pyhasa'asy verã; shara hetepe hasa'asy vekua, mby'opa mbai porãmba vekuare,

Apocalipsis 3:10

Oupo pyarã'ãkuere opaite ko yvy'ĩãrẽ iko'ia retape, tẽvã aingarekopo ndyrehekui, shara opa rijapo shiñee poimba riroja shyrehe verã.

Apocalipsis 6:17

vãhẽ ara Tũpa hareka Avisha Ray jahe yryrehe verã, hãrã mba'etypo katu jepyhea.