Efesios 6:12 - NandevaBiblia

¹² Ñande ñaĩrãrõ ãña handi kuaretare, mbai poshyre juhuvisha reta rãnga ñaĩñymbivaisho vate arape'õre, pyrãntava hareka ko yvy ipope'ẽvã, jaikopyva pyntuva rãĩmi timimbiva.

Efesios 6:12 Iomraidhean Croise

Mateo 16:17

Jesús heishu: Ryvy'apo nde Simón, Juan tay, shara mba'ety kuaaka ndeva so'o hareka tuvy, koñeĩ Sheru vate arapy'õ kuaaka nde.

Marcos 4:19

tẽvã ojepy'apy ko yvy'ĩãrẽ'õreirã, jytavykashu iko katukue hareka pota hetare mba'ekue, kova opa ou ĩãrẽshi ñee hẽnduvarã, katoa ia.

Lucas 13:24

Piñyhãã katu piche õche mishĩ'õĩpi. She hai pee hetapo ẽẽ potate icheva, tẽvã katuãpo.

Lucas 22:53

Opa ara rãnga tũpao pe aiko'ai pynymbyteipi, mba'ẽã pijapo shyrehe. Tẽvã kova hai'ora pee pã'ãpova, ora mbaikatu timimbipyva.

Juan 12:31

Ã'ẽ kuaretare yvy'ĩãrẽ'õ mbivachehakapo, hãrã ko yvy'ĩãrẽ huvisharã'õ Ãña mohẽãpo katuape.

Juan 14:30

Hetaveamapo aijetape, shara vãhẽma ou Ãña ko yvy'ĩãrẽ huvisha'õ. Hai mbaivapẽã jepy shyrehe,

Juan 16:11

hãrã heshakaposhu reta Tũpa ñimbivache ryheva, shara jaheamahe huvisharã'õ ko yvy'ĩãrẽ.

Hechos 26:18

hesapea verã hareka ynteñoma vata verãre pyntuaipi, koñeĩ hendyvape, hareka ikoveama verãre Satanas ipope, koñeĩ iko verãre Tũpa ipope, hipity verãre hejareiishi verã mbai porãmba vekua hareka kyrã Tũpa ñonoshu verãre henta'ĩrũrã kyamba.

Romano 8:38

Hãrã tãnta airoja'ãĩ, ñymanoĩmba, tykoveĩmba, Tũpa jokueva retaĩmba hareka mbaikatukue retaĩmba, ã'ẽvã retaĩmba, ou'ẽ verãĩmba,

1 Corintios 15:50

Aipota hai pee, shyryvyre, kova tyro'o hareka turuvy ẽẽãposhukui iche verã Tũpa ẽvãpe; shara opareiiva katuãpo jihia opamba verã.

2 Corintios 11:14

Hokava ha'ẽã haĩrãĩ jahesha verã. Satanás teiva rãnga ikopy hete heshaha verã pente Tũpa jokueva hĩmbipeva rãĩmi!

2 Corintios 4:4

Haire rojãã, shara ãña ko yvy ija ñakapy mypyntushi reta, potãã mykõĩshu reta Ñee kaviva hĩmbipeva Cristo ryhevarã, shara Cristo hai Tũpa rãĩmiva.

Galatas 1:16

Heshakashe Tay ambeu verã ĩñee haimba Judiore pãũpi. Hokava ikorã, mbava kuaretãã aha airureshu shymbarakuaa verã,

Efesios 1:21

hokava mbaikatupy, Tũpa opa meẽshu Cristo opaite mbaikatu espiritupy opaite ĩmereva, hareka opaite mburuvisha, hareka opaite õĩva ko yvy jerekuepy hareka py'ahu ou verã.

Efesios 1:3

Toñemombai vasu Tũpa, Ñandeja Jesucristo Tuu, shara hai ñono ñandypyape mbai haikaviva vate araivi ouva Cristo rupii.

Efesios 2:2

pee piko vekua porãmbape, kuareta yvy'ĩãrẽ'iare heko porãmba rãĩmi, pijapopi espiritu pyntuva ipope'õre potava, espiritu ã'ẽ mypyrãntareva ñymbaikatukue tyrayre ñee hendumba rupii.

Efesios 3:10

Kyrã, tũpaope ẽvã reta rupii, Tũpa jokuevare hareka Espiritu ñymbaikatuva yvyture iare kuaapo Tũpa opa kuaava.

Colosenses 1:13

Tũpa rãnga ñanynohẽ pyntuivi, hãma ñaniñono Tay haihuva ẽvãpe,

Colosenses 2:15

Cristo mano kurusurerã, Tũpa opa ity tẽãre, opaitea mbaikatu ĩmereare, hareka hetavare hỹnonde mymarãka ñysyrõvavape raha õhẽkavi ohovape.

2 Timoteo 2:5

Kyrãi jyve ñanivape jykarera'iare, hekope kaviã ñanirã hipityãpo maĩnunga me'ẽã verã.

Hebreos 12:1

Opaite hokava kuaretare ĩme'ẽ ñandijerekue ñandyresha'ẽva! Hãrã opapo ñambijiche mbai porãmba vekua ñandochava, shara tykove hai pente mbaretepe jykarerava.

Hebreos 12:4

Pee rãnga nde'iaveteri ñymanopeve pyvãhẽ mbai porãmba pirãrõ handiape.

1 Pedro 3:22

haivi hai jupi vate arape hareka ĩme'ẽ Tũpa jakata kyty. Tũpa jokuevare ĩãrẽve ẽẽ verã hareka opaite espiritu mbaikatu ĩmerevare.