Efesios 6:10 - NandevaBiblia

¹⁰ Piñymypyrãta katu Ñandeja ñymbaikatukuepy, symyĩgãtu pẽĩ verã ãña ouma pypeñã verãrã japukuepe.

Efesios 6:10 Iomraidhean Croise

1 Corintios 16:13

Pingarekokatu, avy peche hareka piñymypyrãta jyrojakuepe. Piñimbypyavasu hareka pitasokatu.

2 Corintios 13:11

Koñymahea shyryvyre, pyvyañoĩ, pẽĩkavi, piñymykyrẽy pepenteĩ, pente pyapeĩ piko hareka pyavapype. Kyrã Tũpa jyhaihukue hareka pyavapy Ija ẽẽpo penendie.

Efesios 1:19

hareka ojaimbava, japyãvãĩjy ñymbai katukue, mba'apo ñandyrehe jairojava. Tũpa ñymbai katukue japyã; hokava mbaikatupy.

Efesios 3:16

airure Sherupe, tymeẽpe ña'ãpova mashyãva, tymeẽpe mbaikatu hareka pyndypyape pyrãtakue jy Espiritu rupii,

Filipenses 3:1

Ã'ẽ, pee shyryvyre, pyvya katu Ñandeja rehe. She pevarã ha'eã shymangatumba hykuaĩ ha'ĩ ambyparajype kuatiaperã, katynga kova pymborypo pijavymba verã.

Filipenses 4:13

Opa mbai katu ajapo Cristo rupii, hai shymypỹrãtase'ia.

Filipenses 4:8

Koñemahea shyryvyre, pypya pimbijeta katuhe opava oumbava japuivi, heko kaviva, pyrỹmbyhoryva hareka hyrãkua kavivare. Opaite ĩmereva mbai haikaviva hareka katu pyraheva, kova pypya pimbijetahe.

Colosenses 1:11

Tũpa ñymbaikatukue tivishava rupiipo pynymypyrãta, hãrãpo opava porãmbava pijepyhekui ñyhãrõkuaa rupii, hareka kyrã vy'akue ryheve.

2 Timoteo 2:1

Nde shyray, ñymypyrãta jyhaihu ojaimbava ĩmejareva Jesucristo rupii.

2 Timoteo 4:17

Tẽvã Ñandeja shichere ẽẽ hai, hãrã meẽshe pyrãtakue ambeu verã Ñeekavi hareka kyrã japo opaite haimbaa israelitavare hendu verã. Kyrã Ñandeja shymondojepeshi java jurukueivi.

1 Pedro 3:8

Koñemahea pikojipive pentepyape, pipareko, pijyhaihu pente'ovare rãĩmi. Pypya kavi hareka avy pijijapo.

1 Pedro 4:11

Ĩme'ẽ ñimiñee'iarã tijeta Tũpa ijeta'õva rãĩmi. Ĩme'ẽ pyrỹmboryvarã tijapo pyrãtakue Tũpa meẽshuvapy. Opa pijapova, pijapo Tũpa õñemombaishu verã Jesucristo rupii, hai ña'ãpova rãnga ñemombaivasu hareka mbaikatu opa ara pevarã. Amén.

1 Pedro 5:10

Tẽvã Tũpa jyhaihukue ojaimbavapy ñanyrẽno hĩmbipekuepy opa arapeva Jesucristore, mishĩĩ jyhasa'asy pyhasamarã, hai pynymbyhekokavi, pynymysymyĩ, hareka pynymypyrãtapo peamba verã.

1 Juan 2:14

Ambyparape shyrayre ahaihuva, shara pikuaama Teru. Ambypara jyvepe terure, shara pikuaa kavima jypyiterãvãĩ ẽẽ vekua. Ambypara jyvepeje kunumire, shara pee pynypyrãta hareka Tũpa ĩñee iko pyndyrehe, hareka pijepyhe mbaiposhy.