Efesios 5:9 - NandevaBiblia

⁹ Hoka sapevaivi rãnga õhẽ mbai haikaviva, heko kaviva hareka añeteva.

Efesios 5:9 Iomraidhean Croise

Mateo 3:8

Tijyhesha pyndyrehe pyhejama mbai porãmba pijapo vekua.

Juan 1:47

Jesús hesha Natanael vãhẽ ourã hei: Kõõ ou pente Judio añeteĩteva, japumbava.

Romano 15:14

Shyryvyre, aroja katu pynytynyhẽva mbai haikaviva hareka opaite arãndukuepe pepenteĩ piñymbarakuaa kavi verã.

Romano 2:4

Rĩmbijiche, opambava Tũpa ñymbai kavi, pyakavikue, hareka ñyhãrõkuaa, rikuamba rỹmondova hokava ñymbai kavikue katu ndyverujyva Tũpa kyty.

Efesios 4:15

Haikavive rãnga jaiko jyhaihupe, hareka añeteva haykue, jyvache ñapuã verã hekope kavi Cristo hãndi. Haiteiva rãnga tũpao ñaka.

Efesios 4:25

Hãma ỹnteñoma piko jipive japupe, pere pepetẽĩ hoka ñee añeteva papisha retape, shara opaite ñande ha'ĩ jyve pente tyrete ryheva.

Efesios 6:14

Symyĩ katu pẽĩ, japumbape piko tukua jokuahapya añeteva, hareka pijocha pitia ijojahasepya tykove kavipe.

Filipenses 1:11

Pee rãnga pepo tynyhẽpo pyraha teko jyvache i'akue mbaikavi pijapova Jesucristo rupii, kuaretare pyrahe hareka õmombai vasushu verã Tũpa.

Colosenses 3:18

Tyrekore piko pemere ĩñeere, hokava rãnga hai hãrõã pyheviva pee pirojahea Cristo.

1 Timoteo 6:11

Tẽvã nde, Timoteo kuimbai Tũpa ryheva, syryshinde opaite kova mbaire. Tykove haikavivape iko, tykove mbijicheava Tũpa pevarã, jyrojakuepe, jyhaihupe, ñyhãrõkuaa hareka jyrojamba ijehevape.

Hebreos 1:8

Tẽvã Tay rehe hei: Tũpa, huvisharã rẽĩvape hai opa arapeva hareka hekope kavipo huvisharãrẽĩkui.

Hebreos 11:33

haire jyroja rupii jepyhe reta tentavasure, ñimbivachepe japo reta hareka hipity reta mbe'uava; java juru mbotyshi reta,

1 Juan 2:29

Pee pikuaa Jesús hykove kavivarã, pikuaapo jyve opaite japova mbaikavi oa Tũpaivi.

3 Juan 1:11

Shyryvy ahaihuva, avy ñymboihe porãmba japo'iare ikova rãĩmi, haikavivaĩpo. Mbai haikaviva japo'ia rãnga hai Tũpa ryheva, tẽvã mbai porãmba japo'ia, kuãã hai Tũpa.