Efesios 5:26 - NandevaBiblia

²⁶ Hai mano japo ñandyhevi verã Hai pevarãĩ, johema hai ĩñee kavi rupii yype joheava rãĩmi.

Efesios 5:26 Iomraidhean Croise

Juan 13:10

Tẽvã Jesús heishu: Hairãã opa jahuva koñeĩpo ipyĩ johe, shara hai kyaveama'ẽ. Hãrã pee pyndykyaveama, tẽvã ha'ẽã opaĩ kyamba'õ.

Juan 15:3

Pee rãnga pykyaveama, ko ñee ambeupe vekua rupii.

Juan 15:8

Sheru õñemombaivasu jyve heta mbai pijapova rupii hareka kyrãrã ãñete iko pyndyhevi she amboi'areare.

Juan 17:7

Ã'ẽ haire kuaa opa mba'e rỹmeẽshe vekua, ndyhevi ouva,

Juan 3:5

Jesús heishu: Añeteĩteva hai nde, oa py'ahujymba yy hareka Espiritu rupii, katuãpo iche Tũpa ẽvãpe.

Hechos 22:16

Hãmera ã'ẽ, mbaiva ryhãrõ? Pũ'ã hareka ñymyngarai hareka jurureshu Ñandeja hejareindyhevi verã mbai porãmba vekua”.

Hechos 26:18

hesapea verã hareka ynteñoma vata verãre pyntuaipi, koñeĩ hendyvape, hareka ikoveama verãre Satanas ipope, koñeĩ iko verãre Tũpa ipope, hipity verãre hejareiishi verã mbai porãmba vekua hareka kyrã Tũpa ñonoshu verãre henta'ĩrũrã kyamba.

Romano 10:8

Akuarã, marãra hei mbyparahava? “Mbyryã rãnga'ẽ ndyhevi ñee, ndijurupe hareka ndypyape”. Kova hai ñee jyrojakue ryheva mbe'uha'ia.

1 Corintios 6:11

Ĩme'ẽ aryka'e pymbytepe kyrã'i vekuare; tẽvã ã'ẽ pyndykyaveãma Ñandeja Jesús heepe hekokavivamape, hareka Espiritu ñanu Tũpa ryheva rupii.

2 Corintios 11:2

Shykateỹ rãnga pyndyrehe, shara kova Tũpaivi ourã; she rãnga pota apyrỹmbyrekoka, pente kuñataĩ pokoambaterihea rãĩmi, pentevaĩ pemerã verã, hokava hai Jesucristo.

Efesios 6:17

Pyrỹmondo jepeva Tũpa ryheva tijocha pãka tãka jochahasepya rãĩmi hareka pypysy Tũpa ĩñee kyse pukuva rãĩmi Espiritu meẽpeva.

Colosenses 3:16

Cristo ĩñee tytynyhẽ kavi pyndypyare. Piñymbarakuaa hareka perepijupe mbai kuaakuepe. Pyndypyaivive pymeẽshu Tũpa pyndy'ajetekue, pypyrahe salmope'õ, mbyrahe haikaviva hareka mbyrahe Espiritu ryheva.

Tito 2:14

Hai ñymeẽ ñandyrehe mbai porãmba vekua ñandijorashi verã hareka opa kavi ñandohe, iko ñandyhevi verã henta'ĩrũre, mbai haikavivaĩ japo'i verã.

Hebreos 10:10

Tũpa ñanymbyheko ky'ãã shara Jesucristo japoshu Tũpa potava ha'eĩ meẽ hete jukaha verã penteĩ hareka opa ara pevarã.

Hebreos 10:14

Shara pente mbai me'ẽãva rupimba añeteĩte mbyhaikavi opaite Tũpape ñymyngyambava.

Hebreos 10:22

Hãrã, ñaimbojahe Tũpa ẽvãpe pya añetevape hareka tanta jairojavape, joheha ñandypya potaveãma jajepy'apyhe verã mbai porãmba vekuare hareka yy kyambavapy joheha tyretere.

Hebreos 10:29

Hãme mbovykuerapo jahehahe Tũpa Tay pyrõheva hareka heivare Cristo huvy mbaimbava, mymorãmbava Espiritu Tũpa ryheva haihushuva.

Hebreos 13:12

Kyrã jyve, Jesús nohẽha tentaivi hareka mano katoape, mbyheko kavi verã hai huvy rupii hai ryhevare.

Hebreos 4:12

Tũpa ĩñee hai tykove hareka mbaikatu, kyse pukuva hãĩmbeveva hareka kype icheva ñandypyape hareka espiritupe, haipe ñonokaviva typya hareka typya potava, hareka hokava potakue haira haikavivare maĩrã porãmbare.

Hebreos 9:14

mbovykuerapore mbaikatukue Cristo huvykue! Hai, Espiritu opamba rupii, ñymeẽ kyamba ryheve Tũpape, johe verã ñandypyape opaite mbai japoarã manõa ryhevaivi, jaijokuekashu verã Tũpa hykove'ia.

Santiago 1:18

Hai, kyrãmba pota meẽ ñande tykove ĩñee añeteva rupii, hai ñanymytynondeshi opaite hai japo vekua retaivi.

1 Pedro 1:2

Opaiteva Tũpa Teru potava rãĩmi pyhyrõãvare Tũpa ñymbaikuaakue rupii. Espiritu Santo rupii pinimbijicheha Tũpa pevarã, ñee pyhendu hareka pijyjoheka verã Jesucristo huvype. Tyvãhepe heta jyhaihukue hareka pyavapy.

1 Pedro 3:21

Hareka hokava yy heshaka ã'ẽ japoryva ñaĩmyngarai verã, hai rupii Tũpa ñanymondojepe. Ñymyngarai ha'ẽã mbai kya opama ñandyreteivi hekyva, he'iseĩ mbaikuaakue kyamba Tũpa hỹnonde. Jesucristo kuerajy rupii veru ñande pyrỹmondojepeva;

2 Pedro 1:9

Shara kova mba'etyreva hãĩ heshamba kuvãĩpia maĩrã hesha kavimbaa. Hãĩ sareshiva mbai porãmbare kurimba vekua hejahareishuva.

1 Juan 5:6

Jesucristo ourã vekua ijeshaka tuvy hareka yy rupii, tẽvã ha'ẽã yypeĩva, yy hareka tuvy rupii jyve, Espiritu rãnga mbeu kova, shara Espiritu hai añeteva.

Judas 1:1

Judas, Jesucristo jokuerea Santiago tyvy, ambyparashu opaite Tũpa Teru haihuvare hareka hẽnova, Jesucristo ñyngareko jyvehe reta.