Efesios 5:25 - NandevaBiblia

²⁵ Hoka temere tyhaihu kavi tyrekope, Cristo haihuva rãĩmi jyve tũpaore, hãrã hai meẽ manohe verãre.

Efesios 5:25 Iomraidhean Croise

Mateo 20:28

Kyrã, kuareta Tay oũã ñyngareko pyryrehe verã, jokueha'i verã rãnga jyve hareka meẽ verã tykove, mondo jepe verã hetavape mbai porãmbaivi.

Juan 6:51

She rãnga hai pãhã meẽvã tykove ouva vate araivi; hãma houva ko pãhã manoveamapo. Ko pãhã ameẽ verã hai shyroo, ameẽpokui opaite kuaretare rehe ẽvã ko yvy'ĩãrẽ manomba verã.

Hechos 20:28

Hãrã pingareko pindijehe hareka opaite tũpaope ñymbatyvare, shara Espiritu Santo pynypyhyrõ pingarekohe verã Tũpa jytũpao, ha'ei huvypy ova vekua.

Galatas 1:4

Jesucristo rãnga meẽ hykove mbai porãmba jajapo vekua rehe, ñanynohẽ verã ko yvy'ĩãrẽ'õre heko porãmba vekuaivi, Tũpa potava rãĩmi.

Galatas 2:20

Kurusure Cristo amano hãndi, hãrã ã'ẽ sheĩĩveãma aiko, Cristoima iko'i shypyy. Hãrã ã'ẽ aikova shyretepe, aiko airoja rupii Tũpa tayre, shyraihuva hareka mano shyrehe vekua.

Efesios 5:2

Piko jyhaihuvape Cristo ñandyraihuva rãĩmi. Cristo hykove meẽ ñandyrehe vekua, pente avisha ray jukahava rãĩmi hareka me'ẽãva Tũpape pishe katuva.

Efesios 5:24

hãrã kyrã tũpaore ẽẽ jyve haikavi japo verã Cristo ĩñee, kyrãĩ jyve tyreko opa tijapo ĩme ĩñee.

Efesios 5:28

Hãrã kyrã teme reta haihu kaviñoiposhu hyreko, haihuva rãĩmi jyve hete. Hyreko haihu kavishuva, hai ijupẽĩ jyhaihu jyve.

Efesios 5:33

Tẽvã pee jyve, hykuaĩ haijype pepenteĩ haihu verã hyreko hai ijyhaihuva rãĩmi.

Colosenses 3:19

Hãrã pee jyve tẽmere pyhaihu pyndyrekore hareka avy pijeta pohyshu reta.

1 Timoteo 2:6

Jesucristo meẽmba hykove hareka manomba opava kuaretare mbyhepyrã mondojepe verã, hãrã kova mbe'uhava jy'arape kavi ijeshaka.

1 Pedro 3:7

Pee jyve temere, piko handi arãndupe, shara pymbyvetepo jyveshu vaso tantambava rãĩmi, tẽvã hairetape Tũpa hei meẽshu verã tykove opamba. Kyrã pijaporã Tũpa hendupo pirurerã.

Apocalipsis 1:5

hareka Jesucristoivi heshava jyrojaheva, tynondeite kuerajyva hareka mbaivasuveshiva mburuvisha vasu yvy ĩãrẽ'õre. Hai ñandyraihurã hareka opa ñandohe mbai porãmba vekuaaivi huvypy,

Apocalipsis 5:9

Hãrã jyvache pyrahe reta pente mbyrahe py'ahuva heiva: “Ndeñõi rãngapo katu rypysy ko kuatia mbapu'ahava hareka ryhekyshi verã sellore, ndukahava rehe, hãrã nduruvype yry'ovajy Tũpa pevarã, opaite kuaretare ñymoñashia, opaite tiñeere, henta'õre hareka tentavasure.