Efesios 5:19 - NandevaBiblia

¹⁹ Pijeta ijupiirã pipory ñee ouva Salmovi, hareka heta mbyrahe Espiritu Santoivi ouva pyraheva tũpaope.

Efesios 5:19 Iomraidhean Croise

Mateo 15:8

Kova kuaretare jurupẽi shemombai jyre, tẽvã pyare mbyry'ẽ shyhevi.

Mateo 26:30

Opa pyrahe pente mbyraherã, ohojy reta Olivore yvuturusukyty.

Hechos 16:25

Tẽvã pyhare mbytepe Pablo hareka Silas ñymboiñynoĩ retarã hareka pyraheshu reta Tũpa, haipe ĩrũ mbyperesoareare jasaka ñynoĩhe reta.

1 Corintios 14:15

Mbaivarapo ajapo? Ãĩmboipo she espiritupe, tẽvã aikuaapo jyve kuaahara mbaivara hai'ãi. Apyrahepo she espiritupe, tẽvã aikuaapo jyve mbaivara apyrahe'ãĩ.

1 Corintios 14:26

Shyryvyre haiva rãĩmi ñamykoĩpĩ verã, pimbatymarã ĩmepo'ẽ pyraheva, ĩrũre katu pyrỹmboi, maĩrã ĩmepo'ẽ mbeuva mbai Tũpa heshakashuva, maĩrã ijetava ñee kuaahambape hareka ĩmepo'ẽjy mbeu kaviva mbaivara he'ise. Tẽvã opaite kova mbai tijapoha piñymypyrãta verã.

Colosenses 3:16

Cristo ĩñee tytynyhẽ kavi pyndypyare. Piñymbarakuaa hareka perepijupe mbai kuaakuepe. Pyndypyaivive pymeẽshu Tũpa pyndy'ajetekue, pypyrahe salmope'õ, mbyrahe haikaviva hareka mbyrahe Espiritu ryheva.

Santiago 5:13

Ĩme'ẽ pynymbytepe vyamba'õvarã, timbo'e. Ĩme'ẽ vya'õvarã, typyraheshu Ñandeja.

Apocalipsis 5:9

Hãrã jyvache pyrahe reta pente mbyrahe py'ahuva heiva: “Ndeñõi rãngapo katu rypysy ko kuatia mbapu'ahava hareka ryhekyshi verã sellore, ndukahava rehe, hãrã nduruvype yry'ovajy Tũpa pevarã, opaite kuaretare ñymoñashia, opaite tiñeere, henta'õre hareka tentavasure.