Efesios 5:18 - NandevaBiblia

¹⁸ Avy piñymyngaupi vinopy, hokava rãnga pyrỹmbai, pynytynyhẽ jyve Espiritu Santo.

Efesios 5:18 Iomraidhean Croise

Mateo 23:25

Tengapope Moisés mbypara vekua pyrỹmboi'iheare hareka fariseore, hova mokue'iare! Pijoheva timbipory ĩãrẽ tẽvã pyndypyape tynyhẽ potaĩ pymanarõshu kuaretare hareka hetapyre maĩnunga.

Mateo 24:49

õñepyrõ jyvavarehe hapishare, hareka õhẽ karu, hou hãndi kau'iare,

Lucas 1:15

Shara ndyray haipokui pente kuareta mbaivasuva Ñandeja hỹnonde. Ho'ũãpo vino pyrỹmyngauva, hareka ndeiteri oarãvãĩpo tynyhẽ Espiritu Santo.

Lucas 11:13

Pee piniñarõva pikatu mbai haikavivãĩ pymeẽshua pyndyrayre, ñopyĩãra hai Peru vate arapy'õ meẽñoĩposhu Espiritu Santo jurureshua.

Lucas 12:45

Tẽvã ko jokuehareirea pyape hei; “oo ija nãrẽãnungaãpo oujy”, õñepyrõ jyvavarehe ĩrũre jokuehareireare, kuimbaiva hareka taupeva hãrã ĩñono karu hareka ñymyngau,

Lucas 21:34

Pĩngareko pindijehe, avy pyheja pyndypya pymytãntahe tykove porãmbavapẽĩ, kauva hareka jepy'apy ko yvy'ĩãrẽ'õre, mahẽ sapy'ãĩ vãhẽ pearẽkui hokava ara,

Juan 2:10

Hãrã heishu: Opava reta rãnga ñonokuei vino kapyryva karuvasu õñepyrõmarã, haivi hẽnohãkavare hetama hourã, ñonohãkuei vino porãnungambava. Tẽvã ndemba rỹnatu vino kapyryva ã'ẽpeve verã.

Hechos 11:24

Bernabé haimba pente kuimbai heko kaviva, tynyhẽvã Espiritu Santo hareka jyrojakue. Hãmemba heta'ẽ kuareta jyrojahea Ñandeja.

Romano 13:13

Hekope kavi jaiko, arapeva rãĩmi hareka japoipo jajapo mbai porãmba, karuraivambape, jakaumbape, yngangavamba iko'i handia hareka kyrãrãĩmba'ia, avy jaiko jaijeshashatãã hareka ñaĩmymorãmbape.

1 Corintios 11:21

Shara pykaruma peĩrã ĩme'ẽ ñymytynondeva karu verã, hareka ĩme'ẽ ñymbahyva hareka ĩme'ẽ yngavare kauva.

1 Corintios 5:11

Aipota hai peeva rãnga kova; avy pihia hei ijeheva Cristo ryheva, tẽvã ĩmeĩ kyrãrãĩ'ia, kateỹva, ta'ãnga õmombai'ia, ñeeryheva, kauva maĩrã manarõ'ia. Kyrã'ia kuareta avy rãngapo pykaru hãndi.

1 Corintios 6:10

manarõ'iaretambaa, kateỹvaretambaa, kau'iaretambaa, jytaupe'ia retambaa, yngava hapisha ijeta'iheare, hareka pyrỹmbytavy'ivare, kyrãvare mbaveãpo ichekui Tũpa ẽvãpe.

1 Tesalonicenses 5:7

Opaiteva ocheva reta rãnga, oche pyharekue, hãma kau'ia retany pyharekuẽĩ kau.

Tito 1:6

Tũpaope miñaka'õ heko ky'ãpo, hyreko penteĩpo, tay hareka tajyre jyrojapo jyvehe Jesús, mahẽ he'iahe retakui heko porãmba hareka ñee hendumba'iare.