Efesios 4:5 - NandevaBiblia

⁵ Penteĩ rãnga ẽẽ Ñandeja, jyrojakue hareka ñymyngaraiva,

Efesios 4:5 Iomraidhean Croise

Mateo 28:19

Pekua opaite tentaipi pijaposhi reta shimimbo'ẽrã, pymyngaraishu reta Tuu, Tay hareka Espiritu Santo heepe.

Hechos 10:36

Tũpa mondokashu ĩñee Israelvare ñymoña hãndiare, mbeu verã Ñee kaviva pyrymbypya kaviva Jesucristo rupii, hai opavare Ija.

Hechos 2:36

Tikuaa kavi opaite Israelvare, ko Jesús pee pymbysavava vekua kurusure, Tũpa japoshu Ñandeja hareka Mesia rãĩmi.

Romano 3:30

Koñeĩ penteĩ'ẽ Tũpa, hareka hai Tũpa mbyheko kaviva opaite Jesucristo jyrojaheare, ajemaĩpo haimba Judiovare.

1 Corintios 1:13

Jesucristora opa ñimbija'o? Pablora kurusure mbysavavaha arykai pyndyraihuiterã? Maĩrã, Pablo heepera piñymyngarai? Mba'ety!

1 Corintios 1:2

opaite Tũpa ryhevare Corintope'õre, pee Tũpa pyhyrõ vekuare henta'ĩrũrã kyamba, hareka opa rupi'õre Ñandeja Jesucristo hee hẽno'iare, haire Ija hareka ñande jyve.

1 Corintios 12:13

Shara penteva Espiritu Santoivi pepenteĩ ñanymyngaraiha opaite iko ñandyhevi verã penteva tyreteĩ, jaishu Judio maĩrã griego, jokuehareireape maĩrã mbaimba ñandochavape; hareka opaĩ penteva Espirituivi ñonoã ñande ñaimbyu verã.

1 Corintios 12:5

Heta ĩme'ẽ opaĩ jyvavy japoa verã, tẽvã opaiteva mba'aposhu penteva Ñandeja pevarã.

1 Corintios 8:6

Tẽvã ñande pevarã penteĩ'ẽ Tũpa Teru, haivi opa mba'e ñymoña hareka hai pevarã jaiko. Hareka penteĩ'ẽjy Ñandeja, Jesucristo, hai rupii opa mba'e iko, ñandeave jyve.

2 Corintios 11:4

Shara ĩme'ẽ yngava Jesús ijetahepearã, haimba ore mbe'uhape vekuarã, maĩrã veruva yngava espiritu, pee ĩmepyreaivi, maĩrã yngava Ñee kaviva pee pymyvãhẽma vekuaivi. Hokavare pyhendu kavishu.

Galatas 5:6

Ñande rãnga ñañymypenteĩ hãndi Cristo, hãrã mba'eã he'ise iripire chĩchĩhãkara maĩrã mba'ety, koñeĩ haikaviveva hai jyrojakue, hareka kova jyrojakue rupii jahaihu jyve ñandapishare.

Efesios 4:13

japity peve opaite pente jyrojavapeĩ ñaĩ verã hareka Tũpa Ray ñy'arãndukuepy, pente kuimbai heko kaviva, Cristo tynyhẽva jyvajekuepy.

Filipenses 2:11

Hareka opavare hei verã Jesucristo haiva Teja, õñemomba'e vasushu verã Tũpa Teru.

Filipenses 3:8

Ã'ẽ ahesha kavi kova maĩnunga yty rãĩmi, shara haikaviveshe Cristo Jesús Sheja aikuaarã hareka ãmombo ytype kova maĩnungare, ĩme'are verã Cristo, kyrã Tũpa pota ñandyhevi.

Tito 1:1

She Pablo, Tũpa jokueva hareka Jesucristo jy Apostol, shyrẽno Tũpa pyhỹrõvare jyrojahe verã hareka kuaa verãre Tũpa ĩñee añeteva, heshahakava tykove mbijicheava Tũpa pevarã rupii.

Tito 1:4

Kova kuatia ambyparande Tito, nde hai she pevarã pente tyray añeteĩteva rãĩmi jyrojakuepe. Tũpa hareka Ñandeja Jesucristo ñanymondojepe'ia jyhaihukue tivishava hareka pyakavikue toĩ nendie.

Hebreos 13:7

Pynymanduahe tũpaope miñaka'ipeare hareka Tũpa ĩñee mbeupe vekuare; pypya pimbijetahe mbovyra mbai kavi japomba reta hykovepe hareka kyrã pyroja haire rojava rãĩmi.

Hebreos 6:6

hykuaĩ oajyrã, katuveãmapo ñymbeujy retakui Tũpape, maĩny haire hykuaĩpo Tũpa Tay jukarã kurusure ñonojy retakui hareka ñymbyhorypohe kuaretare hỹnonde.

Santiago 2:18

Katu ĩme'ẽ heiva: “Nde ĩmeryre jyrojakue, tẽvã ajapo she mbai haikaviva”. Shymbyheshaka rirojakue mbaimbaa japova, hãrã she aheshakapo jyve nde jyrojakue ĩme'areva mbaikavi ajapova ryheve.

1 Pedro 3:21

Hareka hokava yy heshaka ã'ẽ japoryva ñaĩmyngarai verã, hai rupii Tũpa ñanymondojepe. Ñymyngarai ha'ẽã mbai kya opama ñandyreteivi hekyva, he'iseĩ mbaikuaakue kyamba Tũpa hỹnonde. Jesucristo kuerajy rupii veru ñande pyrỹmondojepeva;

2 Pedro 1:1

She, Simón Pedro Jesucristo jokueva hareka apóstol apyrỹmymarandu, Jesucristo ñanu Tũpa ñanynohẽva porãmbaivi hekokavi rupii, hejape pente jyrojakue mashyãva ore ĩme rekohava rãĩmi.

Judas 1:20

Tẽvã pee shyryvyre ahaihuva, piñymypyrãtakatu pirojakue kyamba ĩãrẽ hareka pirure Espiritu Santo rupii.

Judas 1:3

Shyryvyre ahaihuva, pota rãnga ambyparape verã ñanymondo jepeva ryheva ĩmejareva; hareka ã'ẽ añandu tekotẽve ajapo airurepe piñyhãã pirojakuepe haikavi verã penteĩ me'ẽãshu vekua heko kyambare,