Efesios 4:28 - NandevaBiblia

²⁸ Hoka manarõ'i vekua, ỹnteño tymanarõ hãma tiñiñono tymba'apo, tijapo maĩnunga kavi ipo rupii ĩmere meẽ verã jyve pavete'ia retape.

Efesios 4:28 Iomraidhean Croise

Lucas 19:8

Tẽvã Zakeo ñymboyrã, heishu Ñandeja: Ã'ẽ kope, Sheja, ambijaopo ĩme'arevare mbyteipi ameẽposhu pavete'iare, hareka ĩme'ẽ mbava ahekyreiishi vekuarã, urũndypo ĩãrẽve ameẽjyshukui.

Lucas 3:8

Piñymbyheko kavi, tyheshaa pyndyrehe ãñete peijyva Tũpa kyty, hareka avy pyndypya pimbijetarã pere: “Ore hai Abraham ñymoñaa hãndia”; ãñeteite hai pee Tũpa katuĩ japojyshi kova ita Abraham ta'yrãre.

Juan 12:6

Tẽvã Judas ha'ẽã manduahe pavete'ia retarã, shara manarõserãmeĩ. Hai kyrypoti mbatyhava hyru ñyngareko'ihea, hareka ñomi'i mombohapyvarã.

Juan 13:29

Judas rãngamba kyrypoti hyru ñyngareko'ihea, hãrã ĩme'ẽ mõãte Jesús heishua oho ova verã mba'etyshuare Pascua pevarã, maĩrã, mẽmeẽshu verã maĩnunga pavetevare.

Romano 12:13

Pymeẽveshu pyndyryvyre maĩnunga mba'etyreare. Pymyvãhẽ kavi ou punumbuhupava.

1 Corintios 4:12

yrỹkangy mba'apohate'i irijuperã. Porãmba ijeta oreva, ohovasahaĩshu, yrỹmoñahate'ia, mba'ẽã he'iha.

2 Corintios 8:12

Hãma kyrẽỹ meẽva, myvãhẽha kaviposhu vy'ape meẽrã, shara Tũpa jurureã ñande mba'etyjarea ñameẽ verã.

2 Corintios 8:2

Hasa'asytẽvare, vya reta; pavetetẽvare, haihumba ryheve meẽ reta kyrypoti, hetareva rãĩmi.

Galatas 6:10

Hãrã katuteri jajapo mbai haikaviva opava retare, tẽvã tynondepo ñandyryvy jyrojava retare.

1 Timoteo 6:18

Ereshu reta tijapo haikaviva, tikokatu reta mbai haikaviva japovapy, tymeẽ hareka timbijaoveshu hapisha mbai haire ĩmerea.

Tito 3:14

Ñandyryhevare tikuaa jyve haikaviva japo verãre hareka mborypo reta ikotẽvevare hareka kyrãrã hetapo japo reta mbai haikaviva.

Tito 3:8

Kova rãnga hai ñee añeteva hareka aipota hykuaĩ rerejykui kova mbaire, õñehã japo verãre Tũpare jyrojavare haikaviva. Kova mbaire haikavi hareka opava pevarã poryha verã.