Efesios 4:25 - NandevaBiblia

²⁵ Hãma ỹnteñoma piko jipive japupe, pere pepetẽĩ hoka ñee añeteva papisha retape, shara opaite ñande ha'ĩ jyve pente tyrete ryheva.

Efesios 4:25 Iomraidhean Croise

Juan 8:44

Ãña rãnga hai peru, hai ryheva retape hareka potaĩ pijapopishu hai potava; Ãña õñepyrõaivive rãnga hai puruka'ia. Hai japu, hareka he'iavãĩjy añeteva. Hai ijetarã mba'ety vekuaĩ mbeu, japu verãĩ kuaa, shara hai apu tuu, hãrã mbijapu jyve kuaretare.

Romano 12:5

kyrã jyve ñande, ajemaĩ ñandyreta, penteva tyretepeĩ jajapo Cristo rehe hareka penteapeĩ ñaĩ hãndi hareka opa pavẽĩ tyrete ñaĩheva rãĩmi.

1 Corintios 10:17

Ñandyretatẽvã, opaiteva pentevaĩ jau pãhã, hãme rãnga ñande hai penteva tyreteĩ.

2 Corintios 7:14

Ãmarãã Tito haishu airoja pyndyreheva. Kyrãtẽ verã, opaite ore he'ihape vekua hai añeteva, hareka kyrãi jyve Tito he'iashu vekua pyndyrehe ha'ĩjy añeteva, yrỹmbyhorypi.

Efesios 4:15

Haikavive rãnga jaiko jyhaihupe, hareka añeteva haykue, jyvache ñapuã verã hekope kavi Cristo hãndi. Haiteiva rãnga tũpao ñaka.

Efesios 4:22

Hãrã, pijyheja pyndyreko arykaiva ryhevaivi, hareka ỹnteño piko arykaiva rãĩmi. Kyrã pikopirã rãnga opa piñymbai, pyma'ẽĩhe mbai porãmba pynymbytavy'irã.

Efesios 4:31

Pyheja opa marãrãgãture pya porãmba, pyaposhy, sapukerei hareka ñee poporãmbavare hareka opaite mbai porãmba vekua.

Efesios 5:30

shara ñande hai jyve ñaĩva hetere, japoava ho'oivi hareka kãvẽivi.

Colosenses 3:8

tẽvã ã'ẽ opa pyheja kova mbai; piniñarõva, poshyreii, porãmba vekua, ãñetemba vekua rerehe ndapisha hareka juru porãmba vekua.

Colosenses 3:9

Avy piñymbytavy, shara pyhekyma pindijuhuvi pyndyrykove arykai vekua, hareka mbai porãmba pijapo vekua.

1 Timoteo 1:10

Omendape kyrãrãi'iare hareka kuimbai jytaupe'iare, pirĩñomi'iare, japuvare hareka ĩñee meẽrei'iare pevarã. Kyrã Moisés mbypara vekua ẽẽ opa mba'e mbai porãmba japova pevarã hareka puãheva pyrỹmbo'eahea haikaviva.

1 Timoteo 4:2

Japoposhu kuaretare hova mokue'iare hareka japuvare heiva, katuveãma ñynotivare.

Tito 1:12

Pente kuimbai hairetava, Tũpa ĩñee mbeu'iare Cretape'õ, heihe henta ĩrũre: “Cretavare jajapuñoĩ, mymba ñarõvare rãĩmi ñymo'ãhashi, kakaruvare hareka ñateteỹvare”.

Tito 1:2

Ñahãrõ ñaĩva hai tykove opambava. Tũpa japuã, shara Hai heimba aryka'e meẽ ñande verã kova tykove.

Hebreos 12:1

Opaite hokava kuaretare ĩme'ẽ ñandijerekue ñandyresha'ẽva! Hãrã opapo ñambijiche mbai porãmba vekua ñandochava, shara tykove hai pente mbaretepe jykarerava.

Santiago 1:21

Hãrã opa pyheky pindijuhuvi maĩnunga ky'ava hareka heta porãmba vekua, hãma pymyvãhẽ pirojamba pijehevape ñee mbe'uhapeva, hokava hai mondojepe verã pyndyrykove.

1 Pedro 2:1

Pyheja opaite marãrãngatuva porãmba vekuare, japukue, hova mokueva, hapishatambaa, hareka ñee porãmba vekuaivi.

Apocalipsis 21:8

Tẽvã kyjekatuva hareka jyrojambaa, heko kyava hareka pirijuka'iva, kyrãrãĩ'ia hareka pajeva, tarã'ãngape omombai'ia hareka opaite japuvare, haire mombohapo tata vasu hareka asufre ẽvãpe, hokava hai ñymano mokuehea”.

Apocalipsis 22:15

Katoapepo pyta hai heko porãmbare, pajevare, kyrãrãĩ'iare, purukavare, tarã'ãngakuerei omombai'iare, hareka opaite vyava mba'ety vekua mbeu'irã.