Efesios 4:22 - NandevaBiblia

²² Hãrã, pijyheja pyndyreko arykaiva ryhevaivi, hareka ỹnteño piko arykaiva rãĩmi. Kyrã pikopirã rãnga opa piñymbai, pyma'ẽĩhe mbai porãmba pynymbytavy'irã.

Efesios 4:22 Iomraidhean Croise

Romano 6:6

Jaikuaa kavi arykai jaiko vekua rãĩmi, mbysavavahava kurusure Jesucristo hãndi, kova porãmba jaiko vekua rãĩmi mby'opaha verã hareka jyve jaikoveama jaijokuekashu verã mbai porãmba.

Romano 7:11

Shara mbai porãmbava Moisés mbypara vekua ñeẽ japoa verã poryrã shymbytavy, hareka ñeẽ japoa verã ha'imba meẽjy she ñymano.

2 Corintios 11:3

Tẽvã akyje Eva ikoheva rãĩmi iko pyndyrehe verã, ãña mbytavyva rãĩmi, kyrãpo jyve pynymbytavyharã hareka syrypo pypyaivi jyhaihukue kyamba Cristo rehe piñanduva.

Galatas 1:13

Shara pee pyhenduma marãra she aiko aryka'e Judiore aharã, marãra Tũpa ryhevare amoña'ai pyrãtape hareka ikohahe mbaia verã.

Efesios 2:3

Opaite ore kyrã ikoha jyve aryka'e, ikoha'i yryrete hareka yrypyape ñanduva rãĩmi. Yryroo potavaĩ japoha'i, hãme rãnga Tũpa ity yryrehe poshykue, yngavare japohea rãĩmi.

Efesios 4:17

Kova she haipeva, hareka airurepeva Ñandeja heepe: Pikovẽãma verã Tũpa kuambavare rãĩmi, mbaimba vekuareĩ pya mbijeta'ivare,

Efesios 4:25

Hãma ỹnteñoma piko jipive japupe, pere pepetẽĩ hoka ñee añeteva papisha retape, shara opaite ñande ha'ĩ jyve pente tyrete ryheva.

Efesios 4:31

Pyheja opa marãrãgãture pya porãmba, pyaposhy, sapukerei hareka ñee poporãmbavare hareka opaite mbai porãmba vekua.

Colosenses 2:11

Cristo rupii pindipire chĩchĩama jyve. Tẽvã ha'ẽã japoava tyretere, koñeĩ ñandipire chĩchĩãva Cristo japo ñandyreheva, hareka ñandyreky porãmba vekuaivi.

Tito 3:3

Ore mba'eã kuaaha jyve arykai, ñee henduhãã, kuahãã ikohavaipi, mbai porãmbape yrokueha'i hareka mbai potakuepe. Ikoha'i porãmbavape hareka ijeshatambavape, yryreshatãã reta hareka oreĩ opa jyhaihuhaveã.

Hebreos 12:1

Opaite hokava kuaretare ĩme'ẽ ñandijerekue ñandyresha'ẽva! Hãrã opapo ñambijiche mbai porãmba vekua ñandochava, shara tykove hai pente mbaretepe jykarerava.

Hebreos 3:13

Kyrãte verã pimykyrẽypo opa ara, ẽẽterirã tantangatu ẽẽpeve hokava “ã'ẽ”, mahẽ mbai porãmba pynymbytavyrã pyndypya pymytãtashikui mbavaivi.

Santiago 1:21

Hãrã opa pyheky pindijuhuvi maĩnunga ky'ava hareka heta porãmba vekua, hãma pymyvãhẽ pirojamba pijehevape ñee mbe'uhapeva, hokava hai mondojepe verã pyndyrykove.

Santiago 1:26

Ĩme'ẽ heiva opa kavi japova Tũpa ĩñee, tẽvã juru jokoãrã, ha'i ñymbytavy'i hareka heireii opakavi japova Tũpa ĩñee.

1 Pedro 1:18

Tũpa rãnga pindijorashi pikoreii pẽĩ vekuape pynytynondevare hejape vekuape. Hãrã pee pikuaa kavi, hokava mbyhepyhava ha'ẽã mbyhepyhapya opa ñymbaivapy, ita vera ijuva maĩrã plata rãĩmiva,

1 Pedro 4:3

Yteñoma arykai vekua rãĩmipi jyrojambare japovape, porãmba jaipykuavape, mbai potakuepe, ka'u hareka karuvasu ñymyngyapyvare, hareka javaite õmombai reta ta'angarei vekuare.

2 Pedro 2:13

Hãrã haire hasa'asypo hetavape mbyhasa'asyva rãĩmi. Mbyvyava rãĩmi tykove ijokombavape jyrerã arakuepe japojyrerã. Hokavare hai tykove kyava hareka myngyava, pynymbytavy hareka puka pyndyreheva karuteri penendierã.

2 Pedro 2:7

Tẽvã mondojepembashu Lot, shara hai kuareta heko kaviva hareka mbasytẽhe marãra tykove ijokombashivare porãmbape.