Efesios 4:18 - NandevaBiblia

¹⁸ hareka ñaka opa pyntushiva. Haire mba'etyre ko tykove ouva Tũpaivi, mba'ẽã kuaa retarã hareka pya tãtãivi.

Efesios 4:18 Iomraidhean Croise

Mateo 13:15

Ko kuaretare pya tanta retarã, haire hesa opa ñymboty potã hesharã. Haire japysa opa ñymbotyshi potã hendu hareka pyape kuaa retarã, hãndi ou she ãĩvape amynguerashu verãre.

Marcos 3:5

Haipe Jesús poshy ryheve mãĩ jurirã mbyvy'ã pya tãntaĩte retarã, hãma heishu hoka kuimbai: Mysymyĩ ndepo. Ko kuimbai ipo mysymyĩrã, kuera.

Juan 12:40

Tũpa opa mỹhãvẽshi hesare hareka pya mytãtashi reta. Potãã hesha retarã hareka kuaa reta pyaperã, jyroja shyreherã oujy shykotyrã, hareka amynguera verãre.

Hechos 17:30

Tũpa hejareiimbashi aryka'e kuaretare kuaambape mbai japo vekua, tẽvã ã'ẽ opava retape hareka opa rupi'iare heishu oujy jykoty verãre.

Hechos 3:17

Hãrã ã'ẽ shyryvyre, aikua kova pee jyve punduruvishare mbai porãmba pijapohe pikuaa kavimbape.

Romano 1:28

Mba'eveãma Tũpa pota kuashi retarã, Tũpa ma'ẽĩhe japo reta mbai porãmba pya mbijetahea japokashua.

Romano 11:25

Shyryvyre, aipota pikuaa kavi ko mbai ñemiãpe'õ, mahẽ pyrojakui pyny ãrãndurã: A'ãmo israelvare pya mytãnta reta, tẽvã koñeĩpo opama ẽẽ papahava haimba Judiovare vãhẽ Cristo hendaperã.

Romano 11:7

Hãmera, mbaivara? Israelitare vãhẽãshu reta haire hekava, tẽvã pyhỹrõãvare vãhẽshu hai, hareka ĩrũre Tũpa pya mytãntashi hai,

Romano 2:19

rirojajy ndijehe moa rikatu ryrahava heshamba kũvaĩpiare hareka rysapeshu verã pyntuaipi'iare.

1 Corintios 1:21

Shara Tũpa ñonoãshu kuaretare yvy'ĩãrẽ'õ ñy'ãrãndukue rupii kuaashu verã, hai ñy'ãrãndukue heshakavape. Tũpa pyryparekorã mondojepe ĩñee mbe'uava rupii opaite jyrojaheare, ajemaĩ ko ñee hãĩtẽ mbaimbava.

1 Corintios 2:8

Kova mbai huvishare ko yvy'ĩãrẽ'õre mba'ety kuaava, shara kuaa retarã mbysavavambatẽ verã kurusure Ñandeja vate arare'õ hĩmbipekue ija.

2 Corintios 3:14

Tẽvã kuããmba reta mbaivara he'ise, shara ã'ẽpeve haire mbijeta tynonde ñee me'ẽãva'ẽpyarã, hokava jochashi reta kuaa verã, shara hokava tyrova mbykaso'iapya Cristo rupii katu hekyha.

2 Corintios 4:4

Haire rojãã, shara ãña ko yvy ija ñakapy mypyntushi reta, potãã mykõĩshu reta Ñee kaviva hĩmbipeva Cristo ryhevarã, shara Cristo hai Tũpa rãĩmiva.

Galatas 4:8

Arykai, ndeiteri pikuaa Tũpaperã, Tũpa ha'ãngare mba'etyva haykue pijokuekapi.

Efesios 2:1

Hai rãnga pynymbyhykovejy, pymanoma vekua pyndyreko porãmbape hareka mbai porãmba vekuape,

Efesios 2:12

Hoka arape pee pime arykai Cristombape hareka ha'eãvaĩjype Israelita ryhevare, Tũpa ĩñee meẽ vekua pindipityãpe hareka hai hei vekua meẽ verã. Piko mbaimba pyhãrõva hareka Tũpambape yvy'ĩãrẽ.

Colosenses 1:21

Pee rãnga aryka'e Tũpa mbyry pẽĩshi, hareka pyheshatãã pyndypyape, shara pya mbijeta reta hareka japomba jyre mbai porãmbava; tẽvã ã'ẽ Tũpa pinimbi'iko kavijy;

1 Tesalonicenses 4:5

Avy piko pyndavasapi hareka porãmba pipota pijapo, kuareta Tũpa kuaambare rãĩmi.

Hebreos 5:2

Pa'irã'õ katu hãrõkuaashu pirĩmbijiche'iare hareka mbai porãmba japo'iare, shara hete kangy jyve yngavare rãĩmi,

Hebreos 9:7

Tẽvã oo ñyvyĩ mokueheape koñeĩ pai ruvishaĩ iche pentejy pente ãñope, icherã rahañoĩpo mymba jukahava huvy, hokava meẽhe mbai porãmbare hai japo vekua hareka mbai porãmbare Israelvare japo vekua haire kuambape.

Santiago 4:4

Tykove Tũpa haihumba hareka ñee hendumbare! Pikuããra piñimi'ĩrũhe yvy'ĩãrẽ'õrã, peima pimbyvaishoheva Tũpa? Ĩme'ẽ pota yvy'ĩãrẽ'õ ñimi'ĩrũhearã, ñymbyvaishomahe Tũpa.

1 Pedro 1:14

Tyrayre ñee henduvare rãĩmi, avy pikojy arykai Tũpa ndei pikuarã vekua rãĩmi.

1 Juan 2:11

Tẽvã tyvy heshatãmbava ikoteri pyntuaipi, hareka kuãã matyra oho, shara timimbi vekua rehe katuã hesha.