Efesios 4:12 - NandevaBiblia

¹² kyrã ñono kavi heko kyambare jokue verã, mupuã verãre Cristo hete,

Efesios 4:12 Iomraidhean Croise

Lucas 22:32

Tẽvã airureshuje Tũpa, potãã nykangy rirojakueperã. Hãrã opama hasa mbai pohyvarã, mykyrẽyjyshukui ni'ĩrũre jyrojanõĩ shyrehe verãre.

Hechos 1:17

Judas rãnga hai jyve ñanymbytepe'i vekua hareka icheva jyve ko jajapovape.

Hechos 1:25

ikoshi verã Apostol Judas hendakuepe, shara hai yryrejama mbai porãmba japorã hareka ohoma oho verãpe”.

Hechos 11:23

Bernabé vãhẽ oho Antioquiaperã hesha marãra Tũpa maĩkavihe retarã vya'i, hãrã opaiteva mykyrẽy verã heishu reta roja katu ñynoĩ verãre Ñandeja.

Hechos 20:24

Tẽvã opaite kova mbai ha'ẽã shypya mbyvyamba'õ; hareka shyrykove ha'ẽãjyveshe mba'eite, koñeĩ aipota vy'a ryheve ahahe ko añaniva japyapeve. Hareka hekope kavi ajapo Ñandeja Jesús hejasheva, ãmbeu'ai Tũpa Ĩñee Kavi jyhaihukue ryhevarã.

Hechos 20:28

Hãrã pingareko pindijehe hareka opaite tũpaope ñymbatyvare, shara Espiritu Santo pynypyhyrõ pingarekohe verã Tũpa jytũpao, ha'ei huvypy ova vekua.

Hechos 9:31

Hãrã opaite tũpao Judeape'õre, Galilea hareka Samaria, reko reta pyavapy hareka ñymypyrãta jyrojakuepe. Ñandeja kyjeshiape iko reta, hareka Espiritu Santo mboryshu retarã ñymbyhetave jyraha.

Romano 12:5

kyrã jyve ñande, ajemaĩ ñandyreta, penteva tyretepeĩ jajapo Cristo rehe hareka penteapeĩ ñaĩ hãndi hareka opa pavẽĩ tyrete ñaĩheva rãĩmi.

Romano 12:7

me'ẽã ñande ñapyrỹmbory verãrã, ñapyrỹmborypo; ñapyrỹmboi verãrã, ñapyrỹmboipo;

Romano 14:19

Kyrãpo ñañehãã jaiko verã vy'ape, ñañymboryñoĩ verã hareka pepenteĩ ñañymykyrẽỹ jaraha verã tynonde pya vapy.

Romano 15:14

Shyryvyre, aroja katu pynytynyhẽva mbai haikaviva hareka opaite arãndukuepe pepenteĩ piñymbarakuaa kavi verã.

Romano 15:2

Opaitevapo jajapo ñandapisha pya ohohe verã hareka haikaviva jajapo haire pevarã hareka jyrojave verãre.

Romano 15:29

Hareka aikuaa kavi ãĩ, ãvãhẽpokui pynymbytepe heta mbai kavikue ryheve Cristo ryheva.

1 Corintios 12:27

Pee rãnga hai Cristo hete ryheva, hareka opaite pepenteĩ reko japo verã.

1 Corintios 12:7

Espiritu Santo rãnga ijykuaaka pepenteĩ mbai kuaakue me'ẽãshua rupii, haikavi verã jyve yngava retape.

1 Corintios 14:12

Kyrã jyvepe; shara pipota pipity Espiritu Santo meẽvarã, piñyhãã katu pipity verã opaite maĩnunga mypyrãta verã tũpaope'õre.

1 Corintios 14:14

Shara she ãĩmboi ñee kuaahambaperã, she espirituĩ ñymboi'ẽ; tẽvã aikuãã mbaivara hai.

1 Corintios 14:26

Shyryvyre haiva rãĩmi ñamykoĩpĩ verã, pimbatymarã ĩmepo'ẽ pyraheva, ĩrũre katu pyrỹmboi, maĩrã ĩmepo'ẽ mbeuva mbai Tũpa heshakashuva, maĩrã ijetava ñee kuaahambape hareka ĩmepo'ẽjy mbeu kaviva mbaivara he'ise. Tẽvã opaite kova mbai tijapoha piñymypyrãta verã.

2 Corintios 12:19

Heta arape pyndypya pimbijeta aipota aiñymbyhaikavi'ãĩ pynynonde, tẽvã kyrãã. Kyrãtẽ verã, Tũpa hỹnonde ijetaha'ẽ hareka Cristo heepe. Opaite kova mbai ajapova, shyryvyre ahaihuva hai, pumupũã verã.

2 Corintios 13:11

Koñymahea shyryvyre, pyvyañoĩ, pẽĩkavi, piñymykyrẽy pepenteĩ, pente pyapeĩ piko hareka pyavapype. Kyrã Tũpa jyhaihukue hareka pyavapy Ija ẽẽpo penendie.

2 Corintios 13:9

Hãme ore vy'ahaĩ ỹrỹkangyrã, hareka pee pynypyrãtarã; hareka ñymbo'eha pyndyrehe hekope kavi piko verã.

2 Corintios 3:8

Kyrãmba aryka'e hokava, hãmera Espiritu ryheva japoava hĩmbipeveãrapo hai?

2 Corintios 4:1

Hãme rãnga yrỹkyrẽyñoĩ, shara Tũpa jypareko rupii meẽ ore japoha verã,

2 Corintios 5:18

Opaite kova mbai ou Tũpaivi, ñaniñonojy kavi hãndi opavare, hareka ñandokue opava retape ñañono kavijy hãndi verã.

2 Corintios 6:3

Mbavapeã ijyheshahaka porãã, moã mbava poi jyroja japohava reherã hareka potãã japohava porã ijetaherã.

2 Corintios 7:1

Hãme, shyryvyre ahaihuva, kova ĩmejareva hai ñee me'ẽãva. Hãme avypo ñaimyngyapy opaite katu ñanymyngyavare, katupo ñandyretepe maĩrã espiritupe, kyrãpo ñandyky'ãã shara Tũpaivi jakyje.

Efesios 1:23

Hareka Cristo teiva opa mynyhẽ tũpao hareka opa mbaire.

Efesios 4:16

Ko tũpao rãnga ẽẽ kavi hareka ñimbivapy ijehe hãrã pepetẽĩ tyrete ryheva japo kavi maĩnungarã, jyvache puã hareka puã kavi jyhaihupe.

Efesios 4:29

Avy tõhẽ ñee kyava pindijuruivi, pere jyve ñee haikaviva henduvare mykỹrẽ'ỹ hareka mbypya kavi verã.

Efesios 4:4

pee hai pente tyreteĩ hareka pente Espirituĩ, pynyrẽnohava rãĩmi pente ñyhãrõpeĩ ohojepevape.

Colosenses 1:24

Ã'ẽ avya'aĩ ahasa'asy pyndyreherã, shara kyrãrã opa añono araha shyretere Cristo jyhasa'asykue, haiva tũpao.

Colosenses 1:28

Ore rãnga mbe'uha Cristo ĩñee, pyrỹmbarakuaaha hareka ãrãndupe mbe'uhashu opavare, Cristo rãĩmi opa kavi pyndyreko kavi verã.

Colosenses 4:17

Kyrã pere jyveshu Arquipo: “Eñehãã opa kavi japo Ñandeja meẽ nde vekua rijapo verã”.

1 Timoteo 1:12

Ameẽshu shy'ajetekue Ñandeja Jesucristo shymypyrãta'iva, jyroja shyreherã hareka shiñono amba'aposhu verã.

2 Timoteo 4:11

Koñeĩ Lukas ĩme'ẽ shendie. Heka Marko hareka ei hãndikui, shara hai katu shymborykui mba'apope.

2 Timoteo 4:5

Tẽvã nde ryrekoñoĩpo mbai haikaviva, hasakuaa jyhasa'asyre, mbeuñoĩ ñee haikaviva, opakavi japo rijapova.

Hebreos 13:17

Pijaposhu opaite mbai miñaka'ipeare hareka pijapo heiva, shara haire ñyngareko pyndyrehe putuumbape hareka ĩmere reta japoñoĩ verãre Tũpa hỹnonde. Kyrã pijaporã, haire vy'apepo mba'apo reta hareka mbaimbaa heiva retape, katynga ajetẽãperã veruãpope haikaviva.

Hebreos 6:1

Hãrã jaha tynonde opa jasyrypeve, jaheja jaraha Cristo ryheva tynondeite ñanymbo'eahe vekua. Avy hykuaĩ jaijyshu mbai javaiveãma ñandevape, jaishu ñaimbeujya ryheva hareka jaheja jajapova pyryrahava ñymanope, jyrojakue Tũpare,