Efesios 4:1 - NandevaBiblia

¹ She Pablo, shymbyperesoava Ñandeja rehe, airurepe piko verã hekope kavi Tũpa potava rãĩmi, pee pynyrẽno vekua.

Efesios 4:1 Iomraidhean Croise

Hechos 9:31

Hãrã opaite tũpao Judeape'õre, Galilea hareka Samaria, reko reta pyavapy hareka ñymypyrãta jyrojakuepe. Ñandeja kyjeshiape iko reta, hareka Espiritu Santo mboryshu retarã ñymbyhetave jyraha.

Romano 11:29

Shara me'ẽhãĩva Tũpa meẽva hekyjyvyã, hareka sareãhe hai pyhỹrõva.

Romano 12:1

Hãmeara, shyryvyre, Tũpa jyparekokue ojaimbava rupii airurepe, pymeẽ verã pyndyrete Tũpape me'ẽãva rãĩmi ĩmeĩ'ia, kyambape hareka Tũpa mbyvyashu verã. Kyrã rãngatẽpo õñemombaishu.

1 Corintios 4:16

Hãme rãnga airurejype she aikova rãĩmi piko verã jyve.

2 Corintios 10:1

She Pablo, airure'asype, Cristo jyhaihukuepe hareka pya kavipe, ajemaĩ pere shyrehe ãĩme'ãĩ pynymbyteperã shymarãva, tẽvã mbyry ãĩmẽ'ãĩrã aponderaã.

2 Corintios 5:20

Hãrã ore Cristo rehe yrokueha, Tũpateiva jururepe ore rupii. Hãma Cristo heepe, jururehape pẽĩjykavi hãndi verã Tũpa.

2 Corintios 6:1

Hãme rãnga, ore mboryhava Tũpa, jururehape pymyvãhereiimba verã mbai kavikue Tũpa mbouva.

Galatas 4:12

Shyryvyre; airurepe she rãĩmi piko verã, shara pee rãĩmima aijyve. Pee rãnga maĩnunga porãmba pijapoã shyrehe.

Efesios 2:10

Shara Tũpa japo vekua hai ñande, hãma ñandapoha Jesucristo rehe mbai haikaviva jajapo verã, arykaivaĩ Tũpa ñono ñanynonderãpe jajapo verã.

Efesios 3:1

She, Pablo, shymbyperesoava Jesucristo aijokueka'aishurã, pyndyrehe judiombavare.

Efesios 4:17

Kova she haipeva, hareka airurepeva Ñandeja heepe: Pikovẽãma verã Tũpa kuambavare rãĩmi, mbaimba vekuareĩ pya mbijeta'ivare,

Efesios 4:4

pee hai pente tyreteĩ hareka pente Espirituĩ, pynyrẽnohava rãĩmi pente ñyhãrõpeĩ ohojepevape.

Efesios 5:2

Piko jyhaihuvape Cristo ñandyraihuva rãĩmi. Cristo hykove meẽ ñandyrehe vekua, pente avisha ray jukahava rãĩmi hareka me'ẽãva Tũpape pishe katuva.

Filipenses 1:27

Koñeĩ airurepe pikokavi verã Ñee kavi Cristo ryheva pyrỹmboiva rãĩmi. Shara aha apyryresharã maĩrã ãĩmbate haipeva, koñeĩ tahendu pyndyhevi piko kavi ijupiiva hareka piñyhãã pente pyapeĩ Ñee kaviva pirojaheva rupii.

Filipenses 3:14

Ahaterihe ãvãhẽ verã japyape, hareka apity verã me'ẽãreiiva Tũpa ñanyrẽno ñamyvãhẽ verã Cristo Jesús rupii.

Colosenses 1:10

Kyrãrã pikopo Ñandeja potava rãĩmi, hareka hai vy'apo penendie shara pijapopo opa mbai haikaviva hareka pikuaa kavivepo pyraha Tũpa.

Colosenses 2:6

Hãrã pee pymyvãhẽshuva rãĩmi Jesucristo Pyndejarã, kyrãĩpo piko jyve Hai potava rãĩmi;

Colosenses 4:12

Pynymarãndu jyve Epafras, Cristo jokueva, hai rãnga jyve pente pyndyryheva. Hai heta õñehãã jurure'i pyndyreherã, tãntangãtu pẽĩ verã, porãmba pijapombape hareka opa kavi pijapo verã Tũpa potava.

1 Tesalonicenses 2:12

hareka jururehajyvyĩpe Tũpa ryhevare ikova rãĩmi piko verã, hai vapy'õpe pynyrẽno hareka hĩmbipevape hai ẽvãpe.

2 Tesalonicenses 1:11

Hãme rãnga opa ara jururehañoĩ pyndyrehe, jururehashu Tũpa piniñonorã hai rupii pynyrẽno verã hareka ñymbai katu rupii opa iko verã pee pipotava hareka opaite jyrojakue rupii japohava.

2 Timoteo 1:9

Tũpa rãnga ñanymondojepe hareka ñanyrẽno tykove kyambavape, ha'eã ñande jajapova rupii, shara hokava hai potava hareka jyhaihu meẽ ñande ndeiteri ara oñepyrõrãvãĩ Cristo Jesús rupii,

Tito 2:10

Avypo manarõ, heshakapo jyrojahahea, opavare hykovere heshahe verã haikaviva pyrỹmbo'ehaheva Tũpa Ñanymondojepe'ia ryheva.

Hebreos 13:21

Haipo pynymboi opa mbai haikaviape, pijapo verã hai potava, hareka tijapo pyndyrehe mbai kaviva Jesucristo rupii. Jesúspe tymyvãhẽha hĩmbipekue hareka opa ara toñemombai. Amén.

Hebreos 3:1

Hãme rãnga shyryvyre, pee Tũpa ryhevare, pyhỹrõava hareka hẽnohava vate arape oho verã. Hãrã pypya pimbijeta kavihe Jesús: Hai rãnga apostol hareka Pai Vasu jairojahea ryheva.

1 Pedro 2:11

Shyryvyre airure pee, kuaahambava hareka oho'iva rãĩmi, pijyjokoshi pyndyroo potava, pykove ñyrãrõ hãndiva.

1 Pedro 3:9

Avy porãmba japo pyndyreheva, porãmbavaĩ pijapo jyvehe, ĩme'ẽ poshypearã avy ndyposhy jyveshu, kyrãte verã pehovasashu ñeekavipe, shara ha'erã ñanyrẽnoha japity verã ma'ẽãkavi ñandyrehevape,

1 Pedro 5:10

Tẽvã Tũpa jyhaihukue ojaimbavapy ñanyrẽno hĩmbipekuepy opa arapeva Jesucristore, mishĩĩ jyhasa'asy pyhasamarã, hai pynymbyhekokavi, pynymysymyĩ, hareka pynymypyrãtapo peamba verã.

2 Pedro 1:3

Tũpa ñymbaikatu rupii meẽ ñande opava maĩnunga mba'etyjareva ĩmejare verã tykove hareka jaiko hai potava rãĩmi. Hai ñanymbykuaaka Cristo, ñanyrẽno hai ojaimba rupii hareka mbai haikaviva japovare rupii.

2 Juan 1:5

Ã'ẽ airure'asype shyryvyre ha'eã ñee py'ahuva japoa verã ambyparapeva, arykaivaĩ me'ẽha ñande vekua rãnga, opaiteva jaijyhaihupaveĩ verã.