Efesios 3:7 - NandevaBiblia

⁷ She, Pablo, Tũpa japo shyhevi shokuerã ambeu verã ĩñee kavi jyhaihukue hareka ñymbaikatu rupii.

Efesios 3:7 Iomraidhean Croise

Hechos 9:15

Tẽvã Ñandeja hei: Ekua, shara apyhỹrõma hokava kuimbai ijeta shyrehe verã opaite yngava tenta retaipi'õ, huvisha vasure hareka jyve israelitare.

Romano 1:5

Jesucristo rupii, Tũpa shiñono Apostolrã hareka kova hai mbai vasu she pevarã, hai heepe ambeu verã opaĩ tenta vasu retaipi roja verãre hareka Tũpa heiva japo verãre.

Romano 12:3

Tũpa pya kavi rupii shiñono apostolrã hareka hai rehe airurepe avy pirojaite pindijehe. Haikavive, pypya pimbijeta kavi pindijehe arãndupe Tũpa meẽpeva rupii mbaikuaakue Cristo pirojahe verã.

Romano 15:16

shara shypyhyrõ amba'aposhu verã Cristo Jesús hareka haimba Judiore amboryshu verã. Ĩme'are ajapo verã paire rãĩmi, ambeu verã Tũpa Ĩñee Kavi hareka arahape pee haimba Judiovare Tũpape me'ẽãva haikaviva, Espiritu Santo rupii mbijicheava.

1 Corintios 15:10

Tẽvã, Tũpa ñymbai kavirãmeĩ ã'ẽ ikoshyhevi apostol, hareka mbai kavikue she pevarã pytareĩã; tẽvã hetaiteve ãmba'aposhi reta, ajemaĩ shembatẽvã, Tũpa rãnga pyakavirã shymbory.

1 Corintios 3:5

Hãrã, mbaivara hai Pablo? Mbaivara hai Apolo? Jesucristo jokueva retãĩ rãnga, haire pynymbory rãmeĩ rãnga, pirojahe Jesucristo. Pepenteĩ oreva japo Ñandeja hei oreva japoha verã.

2 Corintios 3:6

Hai rãnga meẽ ore ko ñee me'ẽã py'ahuva ijokuehakashu verã. Ha'ẽã kuatiare mbyparahava, Espiritu ryheva rãnga; shara kuatiare mbyparahava puruka, tẽvã Espiritu ryheva, meẽ tykove.

2 Corintios 4:1

Hãme rãnga yrỹkyrẽyñoĩ, shara Tũpa jypareko rupii meẽ ore japoha verã,

Galatas 2:8

Tũpa mondova Pedro apostolrã ñimiñee verã Judio retape, shymondo jyve ãñimiñee verã haimba Judio retape.

Efesios 1:19

hareka ojaimbava, japyãvãĩjy ñymbai katukue, mba'apo ñandyrehe jairojava. Tũpa ñymbai katukue japyã; hokava mbaikatupy.

Efesios 3:2

Shara katu pyhendutẽvã Tũpa meẽsheva ajapo verã, jyhaihukue rupii amba'apo verã pynypãũpe.

Efesios 3:20

Hãrã ã'ẽ, toñemombai vasu Tũpa ñymbaikatuva japo verã hetaiteve hoka ñande jairureva maĩrã ñaĩmoãtẽva, hareka ñymbaikatukue rupii heta japo mbai kavi ñandypy.

Efesios 3:8

She, shimishĩveva opaite heko kyamba retaivi, tẽvã Hai meẽshe, jyhaihukue rupii, ambeu verã Ñee kaviva haimbaa Judio retape hareka jahe mbai haikaviva Cristo ryheva,

Efesios 4:16

Ko tũpao rãnga ẽẽ kavi hareka ñimbivapy ijehe hãrã pepetẽĩ tyrete ryheva japo kavi maĩnungarã, jyvache puã hareka puã kavi jyhaihupe.

Colosenses 1:29

Ha'erã amba'apo hareka heta añehãã, kova pyrãtakue Cristo meẽsheva rupii.

1 Tesalonicenses 2:13

Hãme rãnga me'ẽhãñoĩ yry'ajetekue Tũpape, shara pee pyhendu Tũpa ĩñee mbe'uhaperã, hareka pymyvãhẽ kavi ha'eã kuareta ĩñee rãĩmi, ãñete rãnga hai Tũpa ĩñee, hareka jyrojahevare my'yngaijy ikova rãĩmi.

Hebreos 13:21

Haipo pynymboi opa mbai haikaviape, pijapo verã hai potava, hareka tijapo pyndyrehe mbai kaviva Jesucristo rupii. Jesúspe tymyvãhẽha hĩmbipekue hareka opa ara toñemombai. Amén.