Efesios 3:5 - NandevaBiblia

⁵ Hoka kuaahakambava aryka'evare jy'arape, ã'ẽ Tũpa heshaka jy'apostol hareka Tũpa ĩñee mbeu'ia heko kyambare Espiritu hai ryheva rupii.

Efesios 3:5 Iomraidhean Croise

Mateo 13:17

Ãñete hai pee, heta Tũpa ĩñee mbeu'iare hareka kuareta pya kaviva potatẽ hesha ko pyheshava, tẽvã heshã reta; haire kyrẽỹte hendu ko pyhenduva tẽvã henduã reta.

Mateo 20:7

Haire heishu: “Mbaveã rãnga yrokue mba'apoha verã”. Haipe heishu reta: “Pekua pymba'apove shu'uva rẽndape, hekope kavipo ãmbyhepypekui”.

Mateo 23:34

Hãmẽãra amondopokui Tũpa ĩñee mbeu'ia pyrỹmboi'ia mbai kuaava. Tẽvã peepo pijuka hareka pymbysavava kurusure hai retavape, hãrã ĩrũre punũpapokui Judiore ñymbaty'õpe hareka pymoñapokui henta'ia retape.

Lucas 10:24

Ãñẽtẽĩte hai pee, heta Tũpa ĩñee mbeu'ia hareka huvisha vasure potatẽ hesha kova, pee pyheshapẽĩva, tẽvã heshãã; potatẽ henduvare ko pyhendupẽĩva, henduã reta.

Lucas 11:49

Hãrã Tũpa ñymbai kuaakuepy hei kavi pyndyrehe: “Ãmondoposhu reta Tũpa ĩñee mbeu'iare hareka apostolre; a'ãmore jukapo retakui hãrã ĩrũre heshatãrã moñapo retakui”.

Juan 14:26

Tẽvã Espiritu Santo Sheru shyreepe mbou verã hai pynymbypya kavi verã, pynymbo'epo hareka pynymymandu'akahe verã opaite hai pee vekua.

Juan 16:13

Tẽvã Espiritu añeteva oumarã, hai kuaakapope opava mbai añeteva; shara ijetããpo ijuhuvireii, heipo jyve opaite hai henduva hareka kuaakapope maĩnunga iko verã.

Hechos 10:28

Pedro heishu: Pee pikua Judio jykuatiape ẽẽ potamba ichehava hentape hareka jihia karai mbyryvare, tẽvã Tũpa shymbyheshaka potambaa ahenova mbavape kyashuva Tũpa.

Romano 16:25

Japyraheshu Ñandeja, hareka katu mypyrãtava shi Ñee Kavi hareka Jesucristo mbe'uhava kuaahambava heshahakava rãĩmi arykai ñomihareva,

1 Corintios 2:10

Tũpa rãnga kova ñanymbykuaaka Espiritu Santo rupii, shara Espiritu Tũpa pyape'õ javai'õ retave opa kuaa.

Efesios 2:20

Pee rãnga hai oo mupũ'ãhava oo jypy apostol hareka Tũpa ĩñee mbeu'iare ñono vekua, hãrã Jesucristo teiva hai ita oo jypy pyrãtaveva.

Efesios 3:9

meẽjyshe opaite apyrỹmbykuaaka verã opa rupi kova Tũpa, opava japova, arykaivaĩ ñomireva opa ara.

2 Pedro 3:2

Pynymanduahe arykai Tũpa ĩñee mbeu'ia heko kyambavare hareka ñeẽ japoa verã Ñandeja ña'ãpova hareka Pyrỹmondojepe'ia apostolre rupii.

Judas 1:17

Tẽvã pee, shyryvyre ahaihuva, pynymanduahe ñee Ñandeja Jesucristo jy Apostolre mbeupe vekua.