Efesios 3:4 - NandevaBiblia

⁴ Pimbijetama peĩrã, pikuapo pymondo aikuaava hoka Cristo ryheva kuaahamba.

Efesios 3:4 Iomraidhean Croise

Mateo 13:11

Jesús heishu reta: Tũpa rãnga kuaaka pee, mbai ñemĩape'õ huvisha vasu vate arapy'õ ryheva, tẽvã haire mba'ety.

Lucas 8:10

Jesús heishu reta: Pee rãnga Tũpa pynymbykuaaka mbai iko verã Tũpa ẽvãpe'õ ryheva; tẽvã yngava retape aijetashu ñee ñymyhã'ãnga rupii, hãrã mãĩte'ivare heshambava rãĩmi, hareka hendutẽvare kuãã reta.

Romano 11:25

Shyryvyre, aipota pikuaa kavi ko mbai ñemiãpe'õ, mahẽ pyrojakui pyny ãrãndurã: A'ãmo israelvare pya mytãnta reta, tẽvã koñeĩpo opama ẽẽ papahava haimba Judiovare vãhẽ Cristo hendaperã.

Romano 16:25

Japyraheshu Ñandeja, hareka katu mypyrãtava shi Ñee Kavi hareka Jesucristo mbe'uhava kuaahambava heshahakava rãĩmi arykai ñomihareva,

1 Corintios 13:2

Me'ẽã she ambeu'ai iko verãrã, hareka opa aikuaa mbai ñemiãpe'õ Tũpa ryhevarã, hareka opa mba'e aikuaarã, katu ĩme'are jyrojakue my'õmyva yvyturusure, tẽvã apyryraihuãrã, mba'eã she.

1 Corintios 4:1

Pee rãnga koñeĩpo pere'ore Cristo mboryhareva, maĩrã ñonoha'ore pyrỹmbo'eahe verã Tũpa potava ĩmere vekua ñemiãpe'õre.

2 Corintios 11:6

Katu haire rãĩmiãã aikatu aijeta, tẽvã shy'ãrãndukuepe kyrãã'ẽ, kova heshahakañoĩpe opa mbaipe.

Efesios 1:9

hareka kuaaka ñande mbai Hai potava kuaretare ñomiãreshia Cristo rupii, shara kyrã Hai pota.

Efesios 3:3

Tũpa kuaakashe maĩnunga hai ñomireva, katy ambyparamape mishiĩ.

Efesios 3:9

meẽjyshe opaite apyrỹmbykuaaka verã opa rupi kova Tũpa, opava japova, arykaivaĩ ñomireva opa ara.

Efesios 5:32

Mbai vasu tivishava ko kuaambava heiha ñande; hãrã shee hai pee tũpaore hareka Cristo.

Efesios 6:19

Pimboi jyve shyrehe Tũpa meẽshe verã ñee hareka jyroja katu aijetama aĩrã Ñee Kavivapy, pyntuape'i vekua tẽvã ã'ẽ Hai pota kuaaka.

Colosenses 1:26

he'iseva, mbai ñemiape'õ heta ara hareka aryka'eitevaĩ Tũpa ñomirea, tẽvã ã'ẽ kuaakashu henta ĩrũ ryheva kyamba.

Colosenses 2:2

Hãrã aipota haire pyape ñymykyrẽy, penteapeĩ tõĩ reta jyhaihupe, heta hipity verã opaite mbai kavivare ouva mbaikuaakue rupii, kuaa verãre Tũpa ñemĩãpereva haire kuaambava, haiva Cristoteiva;

Colosenses 4:3

Pirurejyve yryrehe, Tũpa tiñono'ore mbe'uha verã ko ñee hareka mbykuaahaka kavi verã Cristo ña'ãpoa ñemiape'õ, hai rehe shymbyperesoha.

1 Timoteo 3:16

Mbe'uha kova añeteva heshahaka ñandeva ko tykove mbijicheavaivi Tũpa pevarã, hai pente mbai ojaimbava: Jesucristo ijeshaka kuareta rãĩmi. Espiritu rupii kuaahava. Tũpa jokuevare hesha hareka mbe'uha opaite tenta retaipi. Opaite yvy jerekueipi'õre roja reta hareka hupihajymba vate ara hĩmbipeape.

1 Timoteo 3:9

Natupo reta añeteva kuaahambaa jyrojakue ryheva hareka pya kyambape.