Efesios 3:20 - NandevaBiblia

²⁰ Hãrã ã'ẽ, toñemombai vasu Tũpa ñymbaikatuva japo verã hetaiteve hoka ñande jairureva maĩrã ñaĩmoãtẽva, hareka ñymbaikatukue rupii heta japo mbai kavi ñandypy.

Efesios 3:20 Iomraidhean Croise

Mateo 3:9

Avy pimoã Abraham ñymoshiaperã mba'ẽã jehupe, she hai pee Tũpa katu japoshi ko ita Abraham ra'yrã.

Juan 10:10

Manarõ'ia koñeĩ ou manarõ verã, puruka, hareka pyrỹmbai verã; tẽvã she ai ameẽ verã tykove, hareka heta pyree verã tykove.

Romano 16:25

Japyraheshu Ñandeja, hareka katu mypyrãtava shi Ñee Kavi hareka Jesucristo mbe'uhava kuaahambava heshahakava rãĩmi arykai ñomihareva,

Romano 4:21

Abraham rojañoĩ Tũpa ĩmereva mbaikatu opa japo verã ĩñee meẽ vekua.

1 Corintios 2:9

Tẽvã heiva rãĩmi Kuatia mbyparahavape: Tũpa myhẽvãshu opaite haihuvare pevarã, maĩnunga mbavamba heshava, henduva, hareka mbavamba pya mbijetaheva.

2 Corintios 9:8

Tũpa rãnga hai pyrãtava opa mbaipe, mbyhetape verã opa mbai haikaviva, ĩmepyre verã opa mba'e mba'etypyreare, kyrã pymbory verã jyve mbai mba'etyreare.

Efesios 1:19

hareka ojaimbava, japyãvãĩjy ñymbai katukue, mba'apo ñandyrehe jairojava. Tũpa ñymbai katukue japyã; hokava mbaikatupy.

Efesios 3:7

She, Pablo, Tũpa japo shyhevi shokuerã ambeu verã ĩñee kavi jyhaihukue hareka ñymbaikatu rupii.

Colosenses 1:29

Ha'erã amba'apo hareka heta añehãã, kova pyrãtakue Cristo meẽsheva rupii.

1 Timoteo 1:14

Tẽvã Ñandeja ñymbai kavikue tivishave ou sheãrẽ, jyrojakue hareka jyhaihukue ryheve, Cristo Jesús rupii katu ĩmẽjareva.

Hebreos 11:19

Abraham kuaa kavi Tũpa ĩmereva mbaikatu, manova retave mynguerajy verã. Hokava jyrojakue japo Abraham jukamba verã tay; hãrã Isaak oujy hykoveva rãĩmi.

Hebreos 7:25

Hãrã katu mondojepe jyve opaite hai rupii Tũpa kyty ñymbojavare, shara hai iko opa ara, jururehe verãre Tũpape.

Santiago 4:12

Penteĩ rãnga'ẽ meẽva mbyparahava japoa verã hareka haijy pirĩmbivache'ia maĩrã katu pyrỹmondojepeva; tẽvã mbavara nde, rĩmbivacheri verã ndapisha?

2 Pedro 1:11

Hãrã pe'ahapopekui õche vate arape'õ opambava Ñandeja ryheva hareka Jesucristo Ñanymondojepeva.

Judas 1:24

Tũpa ñyngarekopohe potãã mbai porãmbape pearã hareka ĩmerejy mbaikatu pẽĩ verã hai hỹnonde mbai porãmba mba'etypyrea ryheve. Vy'apepo pẽĩ hỹnondekui hareka kyambape, pente mondeava py'ahuva rãĩmi.