Efesios 3:10 - NandevaBiblia

¹⁰ Kyrã, tũpaope ẽvã reta rupii, Tũpa jokuevare hareka Espiritu ñymbaikatuva yvyture iare kuaapo Tũpa opa kuaava.

Efesios 3:10 Iomraidhean Croise

Romano 11:33

Tũpa iko katukue ojaiã, ãrãndukue hareka mbaikuaakue Tũpaivi ouva. Mba'ety katu mbeu kavi verã hai potava hareka kuaa verã hai japova.

Romano 8:38

Hãrã tãnta airoja'ãĩ, ñymanoĩmba, tykoveĩmba, Tũpa jokueva retaĩmba hareka mbaikatukue retaĩmba, ã'ẽvã retaĩmba, ou'ẽ verãĩmba,

1 Corintios 1:24

Tẽvã Tũpa hẽnovare pevarã Judiore, maĩrã, Griegore, Cristo hai Tũpa ñymbaikatukue hareka ñymbaikuaakue.

1 Corintios 2:7

Ore mbe'uha Tũpa ñymbai kuaakue ñemiãpe'õ, pente ãrãndu mbamba kuaava, Tũpa myhẽvã vekua aryka'e ndeiteri ko yvy japorã, opa ara pevarã javya verã hĩmbipekuepy.

Efesios 1:21

hokava mbaikatupy, Tũpa opa meẽshu Cristo opaite mbaikatu espiritupy opaite ĩmereva, hareka opaite mburuvisha, hareka opaite õĩva ko yvy jerekuepy hareka py'ahu ou verã.

Efesios 1:23

Hareka Cristo teiva opa mynyhẽ tũpao hareka opa mbaire.

Efesios 1:3

Toñemombai vasu Tũpa, Ñandeja Jesucristo Tuu, shara hai ñono ñandypyape mbai haikaviva vate araivi ouva Cristo rupii.

Efesios 1:8

Hareka ñandyraihuiterã, ñanymynyhẽ ãrãndu hareka mbaikuaa,

Efesios 6:12

Ñande ñaĩrãrõ ãña handi kuaretare, mbai poshyre juhuvisha reta rãnga ñaĩñymbivaisho vate arape'õre, pyrãntava hareka ko yvy ipope'ẽvã, jaikopyva pyntuva rãĩmi timimbiva.

Colosenses 1:16

Hai rupii rãnga Tũpa japo opaite arare'õ hareka yvy'ĩãrẽ'õre, opaite mbai heshahava hareka heshahambavare; mburuvisha vasure, opaite espiriture pyryrekova ipope hareka pyrãtavare; Cristo rupii opa mba'e japoha hareka hai pevarã.

Colosenses 2:10

hãma pee opaite pimepeĩhe Cristo shara piñimi'ĩrũhe Hai. Hai miñaka'ishuva opaite mbaikatukuere hareka ipope ẽvã ko yvy'ĩãrẽ hareka vate arapy.

Colosenses 2:15

Cristo mano kurusurerã, Tũpa opa ity tẽãre, opaitea mbaikatu ĩmereare, hareka hetavare hỹnonde mymarãka ñysyrõvavape raha õhẽkavi ohovape.

1 Timoteo 3:16

Mbe'uha kova añeteva heshahaka ñandeva ko tykove mbijicheavaivi Tũpa pevarã, hai pente mbai ojaimbava: Jesucristo ijeshaka kuareta rãĩmi. Espiritu rupii kuaahava. Tũpa jokuevare hesha hareka mbe'uha opaite tenta retaipi. Opaite yvy jerekueipi'õre roja reta hareka hupihajymba vate ara hĩmbipeape.

1 Pedro 1:12

Tẽvã Tũpa opa mbykuaaka reta hoka maĩnunga mbeu jyrevare ha'ẽã haire pevarãñoĩteva, koñeĩ haikavipe verã. Hãrã ã'ẽ kuaaka pe ko maĩnunga ñimiñee'ipe vekua ko Ñee kavivare, Espiritu Santo mboua vekua vate araivi. Kova mbai rãnga Tũpa jokueva retatei pota hesha.

1 Pedro 3:22

haivi hai jupi vate arape hareka ĩme'ẽ Tũpa jakata kyty. Tũpa jokuevare ĩãrẽve ẽẽ verã hareka opaite espiritu mbaikatu ĩmerevare.