Efesios 3:1 - NandevaBiblia

¹ She, Pablo, shymbyperesoava Jesucristo aijokueka'aishurã, pyndyrehe judiombavare.

Efesios 3:1 Iomraidhean Croise

Lucas 21:12

Tẽvã ndei kova ikorã pypysyapo, hareka pynymoñahãpo, pynymbyperesoa verã hareka pinimĩjeha verã Judiore ñymbatyseape huvisha vasure hareka huvisha vasu mbory'õre hỹnonde, shyree rehe.

Hechos 21:33

Hãrã mburuvisha pysykashu Pablo, hareka pokuakashu mokue kadenape; haivi pyrãndushu kuaretare mbavara hai hareka mbaivara japo.

Hechos 23:18

Syndarore 100'õ juhuvisha oho syndarore huvisha vasu'õperã heishu: Pablo mbyperesoarea rãnga shyrẽno'irã jurureshe aru verã ko kunumi, shara ĩmendare mbeu nde verã.

Hechos 26:29

Pablo hei: Shara mishĩĩ maĩrã tivishara airureshu Tũpa avy ndeñoĩte verã, opaite ko arape shyrẽndu'õ reta jyve tiko she rãĩmi, tẽvã ha'ẽã ko kadena ryheve.

Hechos 9:15

Tẽvã Ñandeja hei: Ekua, shara apyhỹrõma hokava kuimbai ijeta shyrehe verã opaite yngava tenta retaipi'õ, huvisha vasure hareka jyve israelitare.

2 Corintios 1:6

Ore hasaha'asy'ẽrã, hai pyvya verã hareka pehojepe verã; yrỹmbyvy'aharã, hai pyvya verã hareka pijepymahe, jyhasa'asy ore hasaha vekuarã.

2 Corintios 10:1

She Pablo, airure'asype, Cristo jyhaihukuepe hareka pya kavipe, ajemaĩ pere shyrehe ãĩme'ãĩ pynymbyteperã shymarãva, tẽvã mbyry ãĩmẽ'ãĩrã aponderaã.

2 Corintios 11:23

Hai retara Jesucristo jokueva? Ha'itẽjy veshe. Ajemaĩ kuakuamba'ia rãĩmi aijeta. Hetaiteve amba'aposhi reta; heta shunupãhã, heta shyraha shymbyperesoha, hareka ajejetei ãmanoĩte.

Galatas 5:11

Shyryvyre, apyrỹmboiteri aihe tipire chĩchĩãva ryhevarã, Judiore shymoñambatẽ verã, haima ñee Cristo jukurusu ryheva ambeuva mbyposhykambatẽ verãre.

Galatas 5:2

Shyrẽndupi: She Pablo, hai pee pypya pimbijetahe pipire pichĩchĩkarã peĩ verã heko kavi Tũpa hỹnonderã, pee pevarã Jesucristo manoreite verã.

Galatas 5:24

Tẽvã Cristo ryhevare, rahama reta kurusure heko porãmba vekua pyape'õ, hoo potava hareka mbai potakue ryheve.

Efesios 3:11

Kova rãnga hai Tũpa arykaivaĩ pota japorea hãrã my'ãñete Ñandeja Jesucristo rupii.

Efesios 3:13

Hãme rãnga she airure pee, avy piñymykangy verã ko she ahasa'asy ãĩ pyndyreheva rehe, kova rãnga hai mbai tivishaveva pee pevarã jyve.

Efesios 3:8

She, shimishĩveva opaite heko kyamba retaivi, tẽvã Hai meẽshe, jyhaihukue rupii, ambeu verã Ñee kaviva haimbaa Judio retape hareka jahe mbai haikaviva Cristo ryheva,

Efesios 4:1

She Pablo, shymbyperesoava Ñandeja rehe, airurepe piko verã hekope kavi Tũpa potava rãĩmi, pee pynyrẽno vekua.

Efesios 6:20

Tũpa shymondo ambeu verã ko ñee hãme rãnga ã'ẽ shymbyperesoha. Tẽvã pimboi shyrehe, aijetahe verã jyroja katupe, aijeta verã rãĩmi.

Filipenses 1:7

Haikavi rãnga kyrã shypya ambijeta pyndyreherã, shara shypyapeĩ apyryre; ajema shymbyperesoha amaĩ'ãĩ ĩãrẽ hareka amy'ãñete Ñee kaviva, opaite pẽĩ jyve shendie jyhaihu Tũpa meẽshevape.

Colosenses 1:24

Ã'ẽ avya'aĩ ahasa'asy pyndyreherã, shara kyrãrã opa añono araha shyretere Cristo jyhasa'asykue, haiva tũpao.

Colosenses 4:18

She Pablo, shepopetei ambyparape kova marãndu. Pymandua shyrehe shymbyperesoavape. Tũpa tiñono pearẽ jyhaihukue. Amén.

Colosenses 4:3

Pirurejyve yryrehe, Tũpa tiñono'ore mbe'uha verã ko ñee hareka mbykuaahaka kavi verã Cristo ña'ãpoa ñemiape'õ, hai rehe shymbyperesoha.

2 Timoteo 1:16

Ñandeja tymaĩ kavihe Onesíforo ñymoña hãndiare, shara hetajy shymykyrẽy hareka shynotiã shymbyperesoha'irã,

2 Timoteo 1:8

Hãrã nde Timoteo avy noti rijetahe verã Ñandeja, hareka avy shynoti'i, hai reheĩ shymbyperesoha'i. Tũpa ñymbaikatu rupii shimi'ĩrũhe ahasa'asyvape ko Ñee kaviva rehe.

Filemon 1:1

She Pablo mbyperesoava Jesucristo rehe hãndi shyryvy Timoteo, marãnduha haihuhava Filemón, mba'apohavape ĩrĩmirũ'ia,

Filemon 1:23

Epafras, shi'ĩrũ shymbyperesoavape'ãĩ hãndia Jesucristo rehe nymarãndu jyve.

Filemon 1:9

aipotaĩ airure nde jyhaihukue heepe. She, Pablo, akuakuama hareka ã'ẽ shymbyperesohavape ãĩme'ãĩ Cristo Jesús rehe,

Apocalipsis 2:10

Avy kyje ryhasa'asypo rẽĩvare; Ãña rãnga ã'ãmo hããposhu hareka minjekapokui mbyperesoha verãpe pyhasa'asypo 10 ara. Tanta jyroja rỹmanopeve, hãrã she ameẽponde tykove opamba.