Efesios 2:8 - NandevaBiblia

⁸ Pee rãnga pehojepe Tũpa jyhaihu rupii, shara pirojaherã. Kova mbai ha'eã peii pijapo vekua rupii, Tũpa me'ẽĩpeva rãnga.

Efesios 2:8 Iomraidhean Croise

Mateo 16:17

Jesús heishu: Ryvy'apo nde Simón, Juan tay, shara mba'ety kuaaka ndeva so'o hareka tuvy, koñeĩ Sheru vate arapy'õ kuaaka nde.

Mateo 20:9

Hãma jyveru ka'aruiterã ichevare, pente ara mba'apova rãĩmi pepenteĩ me'ẽãshu reta nikere.

Marcos 16:16

Ĩme'ẽ rojavarã hareka ñymyngarairã ohojepepo, tẽvã rojambava jaheapohe.

Lucas 7:50

Tẽvã Jesús heishu taupe: Rirojarã rehojepema, kapyryĩ ekuajy.

Juan 3:36

Hãrã Tyray jyrojaheva ĩmemare tykove opambava; tẽvã Tyray rojambava, hipityãpo hokava tykove, koñeĩpo hipity ñunũpa pohyva Tũpaivi ouva.

Juan 4:10

Haipe Jesús heishu: Rikuaa Tũpa meẽvarã, hareka mbavara jurure'i nde yy, nde riruretẽshu verã hareka hai meẽtẽ nde verã yy meẽva tykove.

Juan 5:24

Ãñeteĩte hai pee, she haiva henduva hareka jyrojahea shymbou vekua, ĩmemare tykove opambava. Jahehããpohe shara hasama ñymanoivi tykove opamba kyty.

Juan 6:35

Jesús heishu reta: She hai pãhã meẽva tykove. Hãma shyrẽndape ouva ñymbahyveamapokui; hareka jyroja shyreheva haiveama ju'uhe verã.

Juan 6:37

Opaite Sheru pyhỹrõ vekuare, oupokui she ãĩvape; hãrã ãĩvape ouva, ãmohẽãposhu reta.

Juan 6:40

Sheru potava rãngajy kova; opaite mãĩ jykotyva Tay, hareka jyrojahea hipity verã tykove opambava; hareka amynguerajyposhukui ara japyape.

Juan 6:44

Mba'ety rãnga ou verã shyrẽndape Sheru veruãshurã; hareka she amynguerajypokui ara japyape.

Juan 6:65

Hãrã hei: Hãme rãnga hai pee, katũã kuaretare ou ãĩvape, Sheru veruãshurã.

Hechos 13:39

Hãrã Jesús rupii ñymbyheko kaviva opaite jyrojaheare hareka opaite katumba ñymbyheko kavi vekua Moisés jykuatia rupii.

Hechos 14:27

Vãhẽ reta Antioquiaperã mbatyshu tũpaope'õ reta hãrã mbeushu reta opa mbai Ñanderu Tũpa japo vekua haire ipo rupii hareka marãra mbory iche verã ynga tenta haimba Judiore retaipi haire jyroja verã jyve.

Hechos 15:11

Tẽvã ñande jairoja Ñandeja Jesús jyhaihukue ryheverã japitymapo ñymondo jepe, haire rãĩmi.

Hechos 16:14

Hãrã pente taupe Lidia he'iashua, tenta Tiatirape'õ mondeava pynta hũũva hepyva õvẽnde'õ Tũpa õmombai'ia, jasaka kavi'ẽhe Pablo ijeta'ẽrã, hãrã Ñandeja peashu pya jasaka kavihe verã Pablo hei'õva.

Hechos 16:31

Haire heishu: Jyroja Ñandeja Jesucristore, hãrã reohojepe hareka jyve nyrẽtape'õre.

Romano 10:14

Marãirapo hẽno reta, jyrojambaheare? Marãirapo roja reta hendumbare kova? Marãirapo hendu reta mbamba mbeushuare?

Romano 10:17

Shara jyrojakue hai ñee hẽnduava rupii ouva, hareka hokava mbe'uava ou Cristo ĩñeevi.

Romano 4:16

Hãme rãnga, Tũpa ĩñee meẽva ou jyrojakue rupii, opaite Abraham tayre me'ẽãreiishu verã; ĩñee meeshu opaite ñymoñashiare pevarã, ha'ẽã Moisés mbypara vekuape'õ japo'ia retaĩ, koñeĩ Abraham rãĩmi jyrojava retajy. Hãme rãnga hai opaiteva ñanderu.

Romano 4:5

Tẽvã mba'apombava, Tũpa jyrojaherã mbyhekokaviva mbai porãmbaveĩ japo'ia, ajemaĩ mbai porãmba japo'ia mbaimbatẽã kyrã japoa verã, shara jyrojarã Tũpa mbyhekokavishu.

Romano 9:16

Hãrã ha'ẽã kuareta pota hareka õñehããrã, Tũpa rupii rãnga, hai pyryparekova.

Galatas 3:14

Hokava jehu, mbaikavi Tũpa ĩñee meẽshuva Abraham hipity verã reta jyve haimba Judiovare, Jesucristo rupii. Kyrã jairoja rupii opaiteva me'ẽã ñande verã Espiritu Tũpa hei vekua meẽ verã.

Galatas 3:22

Tẽvã Tũpa ĩñeepe heiva rãĩmi, opaiteva hai mbai porãmba pysyva, pota opaite jyrojahea Jesucristo hipity Tũpa ĩñee meẽ vekuarã.

Efesios 1:19

hareka ojaimbava, japyãvãĩjy ñymbai katukue, mba'apo ñandyrehe jairojava. Tũpa ñymbai katukue japyã; hokava mbaikatupy.

Efesios 2:10

Shara Tũpa japo vekua hai ñande, hãma ñandapoha Jesucristo rehe mbai haikaviva jajapo verã, arykaivaĩ Tũpa ñono ñanynonderãpe jajapo verã.

Efesios 2:5

ñanymynguerajy hãndi Cristo, mbai porãmbape ñamanoterirã vekua. Kyrã Tũpa jyhaihukue rupii jahajepe.

Filipenses 1:29

Pee rãnga me'ẽhape Cristo pirojapeveĩmbahe verã, pyhasa'asy verã rãnga jyve hai rehe.

Colosenses 2:12

Pee pimyngaraimarã, piñyñoty hãndi Cristo, kyrãijy pykuerajy manovare mbyteivi, shara pyroja Tũpa ñymbaikatukue mynguerajyva Jesús manovare mbyteivi.

2 Tesalonicenses 1:9

Haire jaheapohekui opa õñehundi verãpe. Mombohapo mbyry Ñandeja ẽvãivi, hĩmbipekue hareka ñymbaikatukueivi,

Hebreos 6:4

Shara katuãã sapeamaheare hareka kuaamava Tũpa meẽreiiva, hareka me'ẽãshu vekuare Espiritu Santo,

1 Pedro 1:5

Pirojaherã, Tũpa ñyngareko pyndyrehe hai ñymbaikatu rupii, pynypyhỹrõ verã, hai myhẽva'õva hareka jyheshakapokui opa arape.