Efesios 2:5 - NandevaBiblia

⁵ ñanymynguerajy hãndi Cristo, mbai porãmbape ñamanoterirã vekua. Kyrã Tũpa jyhaihukue rupii jahajepe.

Efesios 2:5 Iomraidhean Croise

Lucas 15:24

Shara ko shyray manoma vekua, ã'ẽ hykovejy; kañytẽ vekua, ñavãhẽjyshu”. Hãrã õñepyrõ vy'a reta.

Juan 5:21

Tuu mũpũãjyva rãĩmi mano vekuare hareka meẽjyshu tykove, kyrãĩ jyve Tay meẽ jyveshu tykove hai pota meẽshuare.

Juan 6:63

Espiritu rãnga hai meẽva tykove; tyro'o mba'ẽã hai. She aijetahepeva hai añeteva Espiritu ryheva meẽva tykove.

Hechos 15:11

Tẽvã ñande jairoja Ñandeja Jesús jyhaihukue ryheverã japitymapo ñymondo jepe, haire rãĩmi.

Romano 16:20

kyrãrã Tũpa pyakaviva areãpo pyrõ ñonohekui Satanás pepy ipe. Ñandeja Jesús jy'ajetekue toĩ penendie.

Romano 3:24

tẽvã Tũpa meẽ jyhaihukuepy mbaimbape ñanymbyheko kavi, mbyhepya ñandyrehe ñanynohẽajy verã Cristo Jesús japova rupii,

Romano 4:16

Hãme rãnga, Tũpa ĩñee meẽva ou jyrojakue rupii, opaite Abraham tayre me'ẽãreiishu verã; ĩñee meeshu opaite ñymoñashiare pevarã, ha'ẽã Moisés mbypara vekuape'õ japo'ia retaĩ, koñeĩ Abraham rãĩmi jyrojava retajy. Hãme rãnga hai opaiteva ñanderu.

Romano 5:10

Ajemaĩ ñaĩñymbyvaishotẽhe Tũpa, Tay ñymano rupii ñaniñonoãjykavi hãndi, hareka hai ñaniñonojy kaviteve hãrã jahajepepo Tay hykove rupii.

Romano 5:6

Shara katumba jahajepevape, jy'arape kavi Cristo manomba ñandyre ñandyreko porãmbava.

Romano 5:8

Tẽvã kovape Tũpa heshaka ñande jyhaihukue, mbai porãmbapeteri jairã, Cristo mano ñandyrehe.

Romano 8:2

Shara ñee mbyparahava Espiritu ryheva japokava meẽ tykove Cristo rupii, shyrekyshi ñee mbyparahava mbai porãmba ryheva hareka ñymano.

2 Corintios 13:14

Ñandeja Jesucristo tymaĩkavi pyndyrehe. Tũpa jyhaihukue hareka Espiritu Santo tiko penendie.

Efesios 2:1

Hai rãnga pynymbyhykovejy, pymanoma vekua pyndyreko porãmbape hareka mbai porãmba vekuape,

Efesios 2:8

Pee rãnga pehojepe Tũpa jyhaihu rupii, shara pirojaherã. Kova mbai ha'eã peii pijapo vekua rupii, Tũpa me'ẽĩpeva rãnga.

Efesios 5:14

Hokava rehe rãnga he'iha: Sareko nde recherẽĩva. Pũã manovare pãũvi hãrã Cristo sapepo ndyrehe.

Colosenses 2:13

Ndeiteri japoa pyndyrehe kova pipire chĩnchĩava ryhevarã, pee pymanomba arykai mbai porãmba vekuape. Katynga, Tũpa meẽ ñande tykove ñanimi'ĩrũheva Cristo, opa hejareii ñandyhevi mbai porãmba vekuarã.

Tito 2:11

Tũpa jyhaihukue tivishava heshaka opaite kuareta retape, veru ñymondojepeva kuaretare pevarã.

Tito 3:5

ñanymondojepe haimbatẽ mbai haikaviva jajapo jairã, shara ñandypareko. Ñandohe mbai porãmbavaivi, ñanymby'oa py'ahujy hareka Espiritu Santo rupii meẽ ñande tykove py'ahuva.

Apocalipsis 22:21

Teja Jesús jyhaihukue tõĩ pyndyrehekui opa ara.