Efesios 2:3 - NandevaBiblia

³ Opaite ore kyrã ikoha jyve aryka'e, ikoha'i yryrete hareka yrypyape ñanduva rãĩmi. Yryroo potavaĩ japoha'i, hãme rãnga Tũpa ity yryrehe poshykue, yngavare japohea rãĩmi.

Efesios 2:3 Iomraidhean Croise

Marcos 4:19

tẽvã ojepy'apy ko yvy'ĩãrẽ'õreirã, jytavykashu iko katukue hareka pota hetare mba'ekue, kova opa ou ĩãrẽshi ñee hẽnduvarã, katoa ia.

Juan 1:13

Ha'eã turuvy hareka tyroo potava rupii oavare; ha'eãvãĩjy kuareta potava rupii, Tũpaivi oava reta rãnga hai.

Juan 8:44

Ãña rãnga hai peru, hai ryheva retape hareka potaĩ pijapopishu hai potava; Ãña õñepyrõaivive rãnga hai puruka'ia. Hai japu, hareka he'iavãĩjy añeteva. Hai ijetarã mba'ety vekuaĩ mbeu, japu verãĩ kuaa, shara hai apu tuu, hãrã mbijapu jyve kuaretare.

Hechos 14:16

Mã'ẽĩmbahe ãñete opaite kuareta arykaivare iko pota ikova rãĩmi,

Romano 1:24

Hãme rãnga Tũpa hejashu reta porãmba haire pyape ẽvã, pyape mbijetava raha hetepe mbai pyrỹmymarãkava.

Romano 11:30

Shara ara hasavape, ñee pyhenduããshu Tũpa; tẽvã ã'ẽ israelitare ñee henduãã retarã, Tũpa pyndypareko.

Romano 13:14

Haikavive, pimimondepy Ñandeja Jesucristo hareka avy pijapo kyavare pyndyretere potava.

Romano 2:14

Shara haimba Judiovare japo jyve ñee mbyparahava japoha verã Tũpa ryheva, ajemaĩ kuambatẽva, shara haire kyrã potarã, kuaa reta mbaivara haikaviva hareka mbaivara porãmba.

Romano 5:10

Ajemaĩ ñaĩñymbyvaishotẽhe Tũpa, Tay ñymano rupii ñaniñonoãjykavi hãndi, hareka hai ñaniñonojy kaviteve hãrã jahajepepo Tay hykove rupii.

Romano 5:9

Hãme rãnga ñanymbyhekoa kavimava huvype, hai rupii jahajepeiteveposhi Tũpa jahepyryreheaivi.

Romano 6:12

Hãme rãnga ỹteñomapo pyma'ẽĩhe pijapokashu porãmbava tyrete potava.

Romano 7:18

She aikuaa kavi shypyape hareka shyretepe mba'ety haikavivarã, potatẽ haikaviva ajapova, katuã ajapo.

Romano 9:22

Tũpa, pota heshaka marãra hai purũnupa, hareka heshaka verã pyrãtãkue, heta hãrõkuaatẽ timbipory tujuivi japoava, haiva kuaretare mbyposhykarevare, ẽẽshua jaheahe verãre hareka jyvarehahe verã.

1 Corintios 4:7

Mbavara niñono yngavare ĩãrẽ? Mbaivara Tũpa me'ẽãteri nde? Hai meẽ nderãra, marã'ĩrãra rirojarihe ndeii opa ripityva rãĩmi?

2 Corintios 7:1

Hãme, shyryvyre ahaihuva, kova ĩmejareva hai ñee me'ẽãva. Hãme avypo ñaimyngyapy opaite katu ñanymyngyavare, katupo ñandyretepe maĩrã espiritupe, kyrãpo ñandyky'ãã shara Tũpaivi jakyje.

Galatas 3:22

Tẽvã Tũpa ĩñeepe heiva rãĩmi, opaiteva hai mbai porãmba pysyva, pota opaite jyrojahea Jesucristo hipity Tũpa ĩñee meẽ vekuarã.

Efesios 2:2

pee piko vekua porãmbape, kuareta yvy'ĩãrẽ'iare heko porãmba rãĩmi, pijapopi espiritu pyntuva ipope'õre potava, espiritu ã'ẽ mypyrãntareva ñymbaikatukue tyrayre ñee hendumba rupii.

Efesios 4:22

Hãrã, pijyheja pyndyreko arykaiva ryhevaivi, hareka ỹnteño piko arykaiva rãĩmi. Kyrã pikopirã rãnga opa piñymbai, pyma'ẽĩhe mbai porãmba pynymbytavy'irã.

Colosenses 1:21

Pee rãnga aryka'e Tũpa mbyry pẽĩshi, hareka pyheshatãã pyndypyape, shara pya mbijeta reta hareka japomba jyre mbai porãmbava; tẽvã ã'ẽ Tũpa pinimbi'iko kavijy;

1 Tesalonicenses 4:13

Shyryvyre, potãã rãnga pypyta pikuambape mbaivara ikoshi manovare, mahẽ pyvy'ãã jyve, mbaimba hãrõ'õre rãĩmi.

1 Tesalonicenses 5:6

hãrã avy jache yngavare rãĩmi, jasareko hareka jaiko hekope kavi.

1 Timoteo 6:9

Tẽvã pota ikokatuvare oa pyahã'ãvãpe mbai mbo'ahava rãĩmi, hãrã oa mbai potaraiviape hareka pyrỹmbaivape, kova mbai porãmba vekua, opa raha kuaretare ñymbai verã kyty hareka õñehundi verãpe.

Tito 3:3

Ore mba'eã kuaaha jyve arykai, ñee henduhãã, kuahãã ikohavaipi, mbai porãmbape yrokueha'i hareka mbai potakuepe. Ikoha'i porãmbavape hareka ijeshatambavape, yryreshatãã reta hareka oreĩ opa jyhaihuhaveã.

1 Pedro 1:14

Tyrayre ñee henduvare rãĩmi, avy pikojy arykai Tũpa ndei pikuarã vekua rãĩmi.

2 Pedro 2:14

Haire hesha pente tauperã potaravi ñeno hãndi, mbai porãmbavaĩ pota japo reta, mykyrẽy veru verãre jyrojakuepe pyrãtambateriva; haire mbijehuñoĩvare heta maĩnunga potavare, hareka hokava hai kuareta jaheamahevare.

2 Pedro 2:18

Hãma ijeta retarã, ijetapareii hareka mbaimba vekua, hoo potavape rahashu hareka ity hairãã õhẽjyva javyvape iko'iare mbyteivi.

1 Juan 2:16

Shara opaite ko yvy'ĩãrẽ'õ, tyroo potava, jaheshava jaipota, hareka hykovepe ikokatukue jyroja'iheare ryheva, ouã Ñandejaivi, koñeĩ yvy'ĩãrẽ'õ.

1 Juan 2:8

Katynga kova ambyparapeva pente ñeẽ japoha verã hai py'ahuva, hokava hai añeteva Cristore hareka pyndyrehe jyve, shara timimbi vekua hasama oho'irã, hareka sapeva añeteva mykõĩma'ẽ.