Efesios 2:15 - NandevaBiblia

¹⁵ Heteteiva rupii Cristo mby'opa Moisés mbypara vekua rekova japoava hareka ñeẽ japoa verã, hãrã japoshi mokueivi pente tenta py'ahuva ñymypente hãndia rupii. Kyrã ñono pyakavi Judiore hareka haimba Judiovare pãũpe.

Efesios 2:15 Iomraidhean Croise

2 Corintios 5:17

Hãrã ĩme'ẽ Cristo ñymypente hãndivarã, haimapo pente japoha py'ahuva. Opa mbai tuja vekua opama hasa, hãrã opa mbaima py'ahujy.

Galatas 3:10

Opaite jyrojaheva Moisés mbypara vekuare, jaheapohekui. Shara Tũpa ĩñeepe hei: “Jaheapohe japombava hekope kavi opaite ẽvã Moisés mbypara vekuapy”.

Galatas 3:28

Mba'etyma Judiovara maĩrã Greciavara, jokuehareara maĩrã ha'eãra jokueharea, kuimbaira maĩrã tauperã. Pirojama Jesucristorerã, opava pee pentevaĩma.

Galatas 6:15

Ñañymypente hãndi Jesucristorã, mba'eã he'ise ñandipire chĩchĩãra maĩrã mba'etyra; koñeĩ haikavi Tũpa ñandapo py'aujyva.

Efesios 2:10

Shara Tũpa japo vekua hai ñande, hãma ñandapoha Jesucristo rehe mbai haikaviva jajapo verã, arykaivaĩ Tũpa ñono ñanynonderãpe jajapo verã.

Efesios 2:14

Cristo rãnga hai ñanymbypya symyĩva, Judio hareka Judiombava retaivi japoshi pente tenta, shara hai opa ityka jochava Judio hareka Judiombava pãũpe'i vekua, hãrã ã'ẽ haiveãma ijeshatambaa jyreva.

Efesios 2:16

Kyrã Cristo kurusure mano rupii, Tũpa japo Judiore hareka haimba Judiore iñiñono verãre pente ñeepe Hai hãndi, poima ijeshatamba verãre hareka pente tyretepeĩ jyre verã.

Efesios 4:16

Ko tũpao rãnga ẽẽ kavi hareka ñimbivapy ijehe hãrã pepetẽĩ tyrete ryheva japo kavi maĩnungarã, jyvache puã hareka puã kavi jyhaihupe.

Colosenses 2:14

Tũpa hejareii ñandyhevi kuatiape'õ ñambyhepytẽ verã vekua hareka ñonoãva japohañoĩ verãpe: Hareka kutu kurusure opa mbijapy ñandyhevi verã.

Colosenses 2:20

Pee rãnga pymano Cristo hãndi, hãrã peĩveãma tẽãre ñymbaikatu'ipe ẽvã ko yvy'ĩãrẽ. Marã'ĩrãra akuarã, pikoteri kova tẽãre ñymbaikatu'ipe hareka piñyñonopi haire ĩñee potava rãĩmi?

Colosenses 3:10

Piko tykove py'ahuvape, ñymbypy'ahu ohova ovave verã Tũpa hai pindijapo vekua hareka pikuaa kavive pyrahashu.

Colosenses 3:11

Hãrã mba'etyma jyvavyhe verã ndera hai Greciape'õ maĩrã Judiora, ndera ndipire chĩchĩhã maĩrã chĩchĩhããra, ndera mbyryivireiva, maĩrã mba'ẽãra rikuaa, haira nde jokueharea maĩrã ha'ẽãra. Haikaviveva rãnga hai Cristo opa mba'epe hareka jyvache opavape'ẽ.

Colosenses 3:15

Hãrã Cristo pya symyĩkue tymytynyhe pyndypya, ha'ẽrã rãnga pynyrẽno aryka'e Tũpa, piko verã penteva rãĩmi hãma pymeẽshu pyndy'ajetekue.

Hebreos 7:16

Yngaijy hai, shara pyhỹrõhããmba ñymoña hãndiaivi ñee mbyparahava japoa verã heiva rãĩmi, koñeĩ pyhỹrõhamba pente tykove mbaikatu rupii ñymbaimbava.

Hebreos 8:13

Tũpa ijeta py'ahujyhe ñee me'ẽãvãrã he'ise tynonde ñee me'ẽã vekua tujama, hareka tujamarã opaserima kañy.

Hebreos 9:23

Hãme rãnga, opa maĩnungare tekotẽveñoĩmba oo Tũpa omomba'eha'õpe ẽvãre, mbivachehaheva vate arape'õ rãĩmi, opa joheha verã jyve mymba jukaha rupii. Tẽvã vate arape'õre ikotẽvehe mymba jukahava haikaviveva.