Efesios 1:9 - NandevaBiblia

⁹ hareka kuaaka ñande mbai Hai potava kuaretare ñomiãreshia Cristo rupii, shara kyrã Hai pota.

Efesios 1:9 Iomraidhean Croise

Mateo 13:11

Jesús heishu reta: Tũpa rãnga kuaaka pee, mbai ñemĩape'õ huvisha vasu vate arapy'õ ryheva, tẽvã haire mba'ety.

Lucas 12:32

Avy pykyje, mbovyĩ pĩmbayyva, heshara Peru pota meẽpe hai ẽẽvape'õ ryheva.

Lucas 2:14

Toñemombai vasu Tũpa, vatevevape, hareka yvy'ĩãrẽ kuaretare tiko kavi ijupive Tũpa haihuvare.

Hechos 13:48

Judiombare kova hẽndumãrã, vy'a jyre hareka hei reta Ñandeja ĩñee haikaviva; haivi opaite hipity verãre tykove opambava, roja reta.

Hechos 2:23

Ko Jesús rãnga Tũpa ñono hashatãmbareare ipope, Tũpa rekova rãĩmi ñakape hareka hai potava rãĩmi iko, tẽvã pee pijuka pymbysavava kurusure kuimbaire ñañarõvare rupii,

Hechos 4:28

iko verã opa mbai nde rere vekua rãĩmi.

Romano 11:25

Shyryvyre, aipota pikuaa kavi ko mbai ñemiãpe'õ, mahẽ pyrojakui pyny ãrãndurã: A'ãmo israelvare pya mytãnta reta, tẽvã koñeĩpo opama ẽẽ papahava haimba Judiovare vãhẽ Cristo hendaperã.

Romano 8:28

Hareka jaikuaa kavi opaite haihuvare Tũpa, opa mbaipe mboryshu haikavivape, hai hẽno vekuare hai potava rãĩmi.

1 Corintios 1:21

Shara Tũpa ñonoãshu kuaretare yvy'ĩãrẽ'õ ñy'ãrãndukue rupii kuaashu verã, hai ñy'ãrãndukue heshakavape. Tũpa pyryparekorã mondojepe ĩñee mbe'uava rupii opaite jyrojaheare, ajemaĩ ko ñee hãĩtẽ mbaimbava.

Galatas 1:12

Ha'eã me'ẽãshea, ha'eãvãĩjy aikuava kuareta retaivi, Jesucristo teiva rãnga heshakashe.

Galatas 1:15

Tẽvã hai pya'oshyrerã shesy hyepevãĩmba shypyhỹrõ hareka pya kavi ojaimbape shyrẽno.

Galatas 1:16

Heshakashe Tay ambeu verã ĩñee haimba Judiore pãũpi. Hokava ikorã, mbava kuaretãã aha airureshu shymbarakuaa verã,

Efesios 1:11

Tũpa, Cristo rupii, arykaivaĩ hai heimba ñanynohẽ verã mbai porãmba vekuaivi ta'yrã, hokava rãnga Hai pota japova, hareka Hai potava japoñoĩ.

Efesios 1:8

Hareka ñandyraihuiterã, ñanymynyhẽ ãrãndu hareka mbaikuaa,

Efesios 3:11

Kova rãnga hai Tũpa arykaivaĩ pota japorea hãrã my'ãñete Ñandeja Jesucristo rupii.

1 Timoteo 3:16

Mbe'uha kova añeteva heshahaka ñandeva ko tykove mbijicheavaivi Tũpa pevarã, hai pente mbai ojaimbava: Jesucristo ijeshaka kuareta rãĩmi. Espiritu rupii kuaahava. Tũpa jokuevare hesha hareka mbe'uha opaite tenta retaipi. Opaite yvy jerekueipi'õre roja reta hareka hupihajymba vate ara hĩmbipeape.

2 Timoteo 1:9

Tũpa rãnga ñanymondojepe hareka ñanyrẽno tykove kyambavape, ha'eã ñande jajapova rupii, shara hokava hai potava hareka jyhaihu meẽ ñande ndeiteri ara oñepyrõrãvãĩ Cristo Jesús rupii,