Efesios 1:5 - NandevaBiblia

⁵ arykaivaĩ ñandyraihuiterã ñanypyhỹrõ hareka ñandyreky jaiko verã ta'yrãveite Jesucristo rupii, shara kyrã japo Hai potava rãĩmi.

Efesios 1:5 Iomraidhean Croise

Mateo 1:25

Tẽvã ikoãmba hãndi, memby tynondeva oapeve, hareka mbyhee Jesús.

Mateo 11:26

Opaite Sheru, shara kyrã nde ripota ikorã”.

Lucas 10:21

Haipe Jesús Espiritu Santo rupii vya'irã hei: Ãrẽmombai vasu Sheru, ara hareka yvy Ija, shara kova mbai rĩñomishi ĩñarãnduvare hareka mbai kuaavare, hãrã rikuaakashu mbaimba kuaavare. Shara Sheru, nde kyrã ripota.

Lucas 11:32

Kuareta ã'ẽvãre ñimbivache arape, Ninivepe'õre pũãpojyvekui hareka ijetapo pyndyhekui Tũpa jahe pyndyrehe verã. Shara haire oujy Tũpa jykoty, henduma Jonas mbeu Tũpa ĩñeerã; hãrã ã'ẽ kope ĩme'ẽ mbai vasuveshiva Jonas.

Lucas 12:32

Avy pykyje, mbovyĩ pĩmbayyva, heshara Peru pota meẽpe hai ẽẽvape'õ ryheva.

Juan 1:12

Tẽvã opaite myvãhẽshuva hareka jyrojahevare; ikoshi reta Tũpa tayre.

Juan 11:52

Ha'ẽã kova tenta ẽvãrei, ẽẽjyve opaite Tũpa jyrojaheare mbatyrã pente ñeepe ñono verã.

Juan 20:17

Jesús heishu: Avy poko shyrehe, shara nde'iave ajupijy Sheru ẽvãpe. Tẽvã ekua mbeushu shyryvyre, ajupijy verã Sheru ẽvãpe, hai jyve Peru. Hokava hai shu Tũpa hareka jyve punu Tũpa.

Hechos 13:48

Judiombare kova hẽndumãrã, vy'a jyre hareka hei reta Ñandeja ĩñee haikaviva; haivi opaite hipity verãre tykove opambava, roja reta.

Romano 8:23

Ha'ẽã hairetaĩ, ñande ñandijehetei jahasa'asy jyve, ajemaĩ ĩmematẽjare Espiritu tynonde me'ẽã ñandeva japity verãvaivi. Ñahãrõteñaĩ Tũpa ta'yrã ñandapo verãpe, hareka ñandyrete nohẽshi verã porãmba vekua.

1 Corintios 1:1

She Pablo shyrenohãva arykai Jesucristo jy'apostolrã Tũpa kyrã potarã, pente tyryvy Cristo ryheva Sóstenes hãndi apyrỹmarãndu;

1 Corintios 1:21

Shara Tũpa ñonoãshu kuaretare yvy'ĩãrẽ'õ ñy'ãrãndukue rupii kuaashu verã, hai ñy'ãrãndukue heshakavape. Tũpa pyryparekorã mondojepe ĩñee mbe'uava rupii opaite jyrojaheare, ajemaĩ ko ñee hãĩtẽ mbaimbava.

2 Corintios 6:18

Pee pevarã shepo haikui Teru, hãrã pee haipokui shyrayre hareka shyrajyre. Kyrã hei Ñandeja opaite mbaikatu ĩmereva.

Galatas 3:26

shara pirojaivivehe Jesucristo, iko pyndyhevi Tũpa tay.

Efesios 1:11

Tũpa, Cristo rupii, arykaivaĩ hai heimba ñanynohẽ verã mbai porãmba vekuaivi ta'yrã, hokava rãnga Hai pota japova, hareka Hai potava japoñoĩ.

Efesios 1:9

hareka kuaaka ñande mbai Hai potava kuaretare ñomiãreshia Cristo rupii, shara kyrã Hai pota.

Filipenses 2:13

shara Tũpa japo pyndyrehe haikaviva pijapo verã hareka pynymbory pinimbijapoka, shara kyrã hai potarã.

Colosenses 1:19

Shara Tũpa mbyvyamba opaite ñymbaikatukue Cristo ẽẽherã.

2 Tesalonicenses 1:11

Hãme rãnga opa ara jururehañoĩ pyndyrehe, jururehashu Tũpa piniñonorã hai rupii pynyrẽno verã hareka ñymbai katu rupii opa iko verã pee pipotava hareka opaite jyrojakue rupii japohava.

Hebreos 2:4

Harekajy Tũpa my'añete ohojepeva ryheva mbai heshaha verã handi, mbaikavikue handi, mbaikavi heshaha verã handi, hareka mbaikuaakue Espiritu Santo meẽva rupii, Hai potava rãĩmi.

1 Juan 3:1

Pymaĩhe marãra ñandyraihuite Teru, japo ñanymbyheehapy verã Tũpa tay, añete hai ñande! Hãme rãnga ko yvy'ĩãrẽ'õ ñandykuãã, shara kuããshu reta Tũpa.

Apocalipsis 21:7

Opaite poporãmba vekuaivi õhẽkaviva opa mbaipo me'ẽãshukui, hãrã sheepo haikui Ñu Tũpa, hareka haipo shyray.