22 Hãrã hai ñono Cristo tũpao ñakarã.
Hãrã haijyve, nde hai Pedro. Ko ita ĩãrẽpo amupũã shyrehe jyrojavare, hareka ñymano katuãpo jepyãpohe.
Hãrã pingareko pindijehe hareka opaite tũpaope ñymbatyvare, shara Espiritu Santo pynypyhyrõ pingarekohe verã Tũpa jytũpao, ha'ei huvypy ova vekua.
Tẽvã aipota pikuaa Cristo hai opaite kuimbaire ñaka, hareka kuimbai hai taupere ñakarã'õ hareka Tũpa hai Cristo ñakarã'õva.
Opaite tũpao Cristo ryhevare ñaĩva ñamombaiñoĩshupe. Amén.
Hãma teme reta hai tyrekore ñakã, Cristo hai ñakã tũpaore rãĩmi. Cristo rãnga jyve hoka tũpaore mondojepe verã, hokava tũpaore hai hete;
Cristo hai tãka, tũpao hai tyrete. Hai rãnga opa mbai õñepyrõhea, hareka haijy tynonde pũãjya manovare mbyteivi, kyrã hai tynonde'ẽ verã opa mba'eivi.
Hai mbeu jyve'ore hokava, hei'ore marãra Espiritu Santo ñono pyndypyape pyhaihu verã papishare.
hãma pee opaite pimepeĩhe Cristo shara piñimi'ĩrũhe Hai. Hai miñaka'ishuva opaite mbaikatukuere hareka ipope ẽvã ko yvy'ĩãrẽ hareka vate arapy.
Haire ñymypenteã hãndi Cristo, hai rãnga tũpao ñãka mbykuakuava opaite tyrete, hareka hai rupii opaite tyrete ryhevare pentevareĩ ñynoĩ hareka ñymboryñoĩ reta, Tũpa potava rãĩmi.
kova kuatiape, sapyareii yrẽ'ãã aharã, rikuaa verã marãrapo ryraha Tũpa jy'tupao, hokava rãnga hai Tũpa hykoveva tũpao, jytasohea hareka mbai añeteva mirãta'õ.
Opa mbai rĩñono ipy'ipe. Tũpa opa ñono hai iperã, hãrã mba'ety maĩnunga ẽẽmbahea. Tẽvã jaheshããteri opa maĩnunga ñonohava hai ipope.
