Efesios 1:20 - NandevaBiblia

²⁰ Hãma Tũpa mynguerajy Cristorã, meẽshu ẽẽ verãpe vate arapy, jakata kyty hai vapyape,

Efesios 1:20 Iomraidhean Croise

Mateo 26:64

Hãrã Jesús heishu: Kyrã rãnga, nde rereva rãĩmi. Hãrã haijy pee, pyheshapokui kuareta Tay vapy, Tũpa ñymbaikatuveva jakata kyty hareka ouma vate araivi avãpyntupy.

Mateo 28:18

Haipe Jesús ñymbojahe retarã heishu: Opa me'ẽã she mbaikatu vate arapy'õ hareka yvy'ĩãrẽ'õre.

Marcos 14:62

Jesús hei: She hai. Pyheshapokui kuareta Tay vapyma'ẽ Tũpa ñymbaikatuva jakata kytyrã hareka oujy ara vateivi ãvãpỹntupyrã.

Marcos 16:19

Opama ñimiñeeshu retarã, Ñandeja Jesús hupihajy vate arape, hareka vapy Tũpa jakata kyty.

Juan 10:18

Mba'ety heky shyheviva shykove, koñeĩ sheii ameẽjy. Shara ĩme'are mbaikatu ameẽ verã hareka apysyjy verã. Kova hai ñeẽ japoa verã amyvãhẽva she ruivi.

Juan 10:30

Teru hareka She, penteĩ'õĩhã.

Hechos 10:40

Tẽvã Tũpa mbahapy arajyape mupuãjyshu, hareka hykuaĩ ñonojy ñande jahesha verã.

Hechos 26:8

Marã'ĩrãra pyrojãã Tũpa katu mynguerajyva manovare?

Hechos 4:10

Mbe'uha kavi, opaite Israelpe õre kuaa verã, ko kuimbai pỹnonde'õ, Jesucristo Ñazaretpe'õ heepe kuera. Kova Jesús pee pymbysavava vekua kurusure hareka Tũpa mynguerajy mano vekuare mbyteivi.

Hechos 5:31

Hokava rehe Tũpa ñonoshu vate jakata kyty, mburuvisha vasu rãĩmi hareka pyrỹmondo jepe verã opaite Israelvare hipity verã hejaha reiva mbai porãmba vekua.

Romano 1:4

tẽvã kuerajyrã, hareka Espiritu Santo ñymbaikatu rupii heshahakamba Jesucristo Ñandeja haiva Tũpa Tay.

Romano 8:34

Mbarapo katu jahehe reta? Cristo rãnga hai mano vekua, ĩãrẽve hai kuerajy manovare mbyteivi, hai ĩme'ẽ Tũpa jakata kyty, hareka hai jurure'ẽ ñandyrehe.

Efesios 1:3

Toñemombai vasu Tũpa, Ñandeja Jesucristo Tuu, shara hai ñono ñandypyape mbai haikaviva vate araivi ouva Cristo rupii.

Filipenses 3:10

Shykyrẽy aikuaveshuvape, hareka mbaikatu puãjyva ryheva, aĩ verã jyve hai jyhasa'asykuere, hareka amano verã hai mano vekua rãĩmi.

Colosenses 1:16

Hai rupii rãnga Tũpa japo opaite arare'õ hareka yvy'ĩãrẽ'õre, opaite mbai heshahava hareka heshahambavare; mburuvisha vasure, opaite espiriture pyryrekova ipope hareka pyrãtavare; Cristo rupii opa mba'e japoha hareka hai pevarã.

Colosenses 3:1

Pee pykuerajy Cristo rupii, hãma pyheka mbai vate araivi ouva, Cristo vapy'õpe Tũpa jakata kyty.

Hebreos 1:3

Tũpa hĩmbipekue heshahahe Tay, hai rãnga penteva rãĩmi handi Tũpa, Tay rupii tanta'ẽ opa mbai ĩñee ñymbaikatuva rupii. Opama johe ñandyhevi mbai porãmba jajapo vekuarã, vapy'ẽ Tũpa ñymbaikatuva jakata kyty vate arapy,

Hebreos 10:12

Tẽvã Jesucristo meẽma mbai porãmba vekuarerã penteĩ jukaha opa ara pevarã, vapy Tũpa jakata kyty.

Hebreos 13:20

Tũpa pyakaviva, ñymanoivi puãjy vekua Ñandeja Jesús, avisha ñyngareko'ihea ojaimbava, ñee me'ẽãva opa ara pevarã huvy rupii.

Hebreos 2:9

Tẽvã jahesha Jesús, kỹỹãmba mimishĩĩha Tũpa jokuerea retaivi, ñonohe hĩmbipekue hareka omomba'eha huvishavasu rãĩmi, shara heta hasa'asy hareka mano. Tũpa pyakavi rupii, heja hasa ñymanoipi opavare haikavishu verã.

1 Pedro 1:3

Japyraheshu Tũpa Ñandeja Jesucristo Tuu, ñyhãrõ mishĩmbava rupii ñanymby'oa py'ahujy pente ñyhãro opamba verãpe Jesucristo kuerajyva rupii.

Apocalipsis 1:17

Hãrã aheshamarã, a'a yvype ipy hỹnonde manova rãĩmi. Tẽvã hai ipo jakata ñono sheãrẽ, heishe: Avy kyje, she hai õñepyrõhea hareka japyhea.