Efesios 1:17 - NandevaBiblia

¹⁷ Airureshu Tũpa Ñandeja Jesucristo, jaishu Tũpa hĩmbipeva, tymeẽpe mbai pikuaa verã Espiritupy hareka pikuaa kavi verã, heshakape verã hai ñymbai kuaakuepy.

Efesios 1:17 Iomraidhean Croise

Mateo 11:25

Hokava ara vãhẽrã Jesús hei: “Apyrahende Sheru. Nde hai yvy hareka vate arapy'õ Ija, rĩñomishi ñy'ãrãnduvare hareka mbai kuavare, hãrã rymbykuakashu sanjaymi retape.

Mateo 11:27

Sheru rãnga opa mbai ñono shepope. Mba'ety kuava Tũpa Tay, koñeĩ Tuu kuashu. Mba'ety kuashuva Tuu, koñeĩ Ta'yĩ kuashu. Hãrã she pota ambeuvape ambeupo mbavara Sheru.

Mateo 16:17

Jesús heishu: Ryvy'apo nde Simón, Juan tay, shara mba'ety kuaaka ndeva so'o hareka tuvy, koñeĩ Sheru vate arapy'õ kuaaka nde.

Mateo 20:33

Haire heishu: Yreja, pota rãnga heshaha jyve kũvãĩpi.

Mateo 6:13

Avy ma'ẽĩhe to'aha jepyarããpe, koñeĩ porãmbaivi yryrekyshi. Shara na'ãpova hai mburuvisha vasurãrẽĩvape, mbaikatukue hareka himbipekue, opa ara pevarã. Amén.

Lucas 12:12

shara haipevãĩpo Espiritu Santo pynymboihekui pere verã rãĩmi.

Lucas 2:14

Toñemombai vasu Tũpa, vatevevape, hareka yvy'ĩãrẽ kuaretare tiko kavi ijupive Tũpa haihuvare.

Lucas 21:15

Shara sheepo ameẽpekui ñee hareka mbaikuaa, katumba pyndyvaishore jepy pyndyrehe verã.

Juan 14:17

Hokava Espiritu Santo haipo pynymboihekui mbai añeteva, hãrã Tũpa jyrojambaheare katuãpo mẽ'ẽãshuhai, shara haire heshãã hareka kuãã. Tẽvã pee pikuashu shara hai ikoma'i penendie, hareka ikopo pyndypyape.

Juan 14:26

Tẽvã Espiritu Santo Sheru shyreepe mbou verã hai pynymbypya kavi verã, pynymbo'epo hareka pynymymandu'akahe verã opaite hai pee vekua.

Juan 16:3

Haire kyrãpo japo, shara shykũãã reta hareka jyve Sheru.

Juan 17:3

Hãrã kova hai tykove opambava; ndykuaa verãre nde haiva koñeĩ'õ Tũpa añeteva hareka jyve Jesucristo, rymbou vekua.

Juan 20:17

Jesús heishu: Avy poko shyrehe, shara nde'iave ajupijy Sheru ẽvãpe. Tẽvã ekua mbeushu shyryvyre, ajupijy verã Sheru ẽvãpe, hai jyve Peru. Hokava hai shu Tũpa hareka jyve punu Tũpa.

Hechos 6:10

tẽvã jepyãhe reta, shara ãrãndu ryheve ijeta Espiritu Santo meẽshuvapy.

Hechos 7:2

Esteban hei: Shyryvyre hareka terure, shyrẽndupi: Ñanu Tũpa hĩmbipeva ijeshakambashu arykai ñanderu Abraham Mesopotamiape, ndei oho iko Haranperã,

Romano 1:28

Mba'eveãma Tũpa pota kuashi retarã, Tũpa ma'ẽĩhe japo reta mbai porãmba pya mbijetahea japokashua.

Romano 15:6

opaiteva, pente ñeepeĩ pemombai verã Tũpa hareka Ñandeja Jesucristo Tuu.

1 Corintios 12:8

Penteva me'ẽãshu katu pyrymbarakuaa verã Espiritu rupii, yngava me'ẽãshu ñee heta mbai kuaava ryheve ijeta verã Espiritu Santo rupii.

1 Corintios 14:6

Hãrã shyryvyre aha peĩvãperã, aijetape ñee yngaivaperã, mbaivaperapo haikavipekui, Tũpa heshakava rupiiã aijetaperã, maĩrã ãrãndu rupii, maĩrã ñee iko verã Tũpaivi ouvare, maĩrã arakuaa rupii?

1 Corintios 2:10

Tũpa rãnga kova ñanymbykuaaka Espiritu Santo rupii, shara Espiritu Tũpa pyape'õ javai'õ retave opa kuaa.

1 Corintios 2:8

Kova mbai huvishare ko yvy'ĩãrẽ'õre mba'ety kuaava, shara kuaa retarã mbysavavambatẽ verã kurusure Ñandeja vate arare'õ hĩmbipekue ija.

2 Corintios 12:1

Ãñete, mba'ẽã ñambijehu ñandeĩ jaijeta jai ñandijeherã. Tẽvã kyrãñoĩpo aijetahe shyresape ouva hareka Ñandeja shymbyheshakava.

Efesios 1:3

Toñemombai vasu Tũpa, Ñandeja Jesucristo Tuu, shara hai ñono ñandypyape mbai haikaviva vate araivi ouva Cristo rupii.

Efesios 3:5

Hoka kuaahakambava aryka'evare jy'arape, ã'ẽ Tũpa heshaka jy'apostol hareka Tũpa ĩñee mbeu'ia heko kyambare Espiritu hai ryheva rupii.

Efesios 4:13

japity peve opaite pente jyrojavapeĩ ñaĩ verã hareka Tũpa Ray ñy'arãndukuepy, pente kuimbai heko kaviva, Cristo tynyhẽva jyvajekuepy.

Filipenses 3:15

Ñande opa kavima ñanytarõva jyrojakue ĩme jarevape, kyrãmipo ñandypya ñambijeta jyve. Ĩme'ẽ pynymbytepe yngai pya mbijetavarã, Tũpa pynymbyheshakapo jyve kova pipity verã pota pyvãhẽvape.

2 Timoteo 2:25

kyrã, pya kavi ryhevepo rỹmbarakuaa añeteva ñymbyvaisho'iheare, hãrõ oujy verãre Tũpa kyty hareka kuaa verã añeteva,

Tito 1:1

She Pablo, Tũpa jokueva hareka Jesucristo jy Apostol, shyrẽno Tũpa pyhỹrõvare jyrojahe verã hareka kuaa verãre Tũpa ĩñee añeteva, heshahakava tykove mbijicheava Tũpa pevarã rupii.

Santiago 2:1

Shyryvyre, pirojava Ñandeja Jesucristo ñymbai katui'ivare, porããpo kuaretare pimbivavy pingarekoherã.

2 Pedro 1:3

Tũpa ñymbaikatu rupii meẽ ñande opava maĩnunga mba'etyjareva ĩmejare verã tykove hareka jaiko hai potava rãĩmi. Hai ñanymbykuaaka Cristo, ñanyrẽno hai ojaimba rupii hareka mbai haikaviva japovare rupii.

2 Pedro 3:18

Haikavivepo, pupuãve peho Jesús jyhaihukuepy hareka pikuave pyraha Ñandejape, Ñanymondojepeva Jesucristo. Japyraheshu Jesucristo ã'ẽ hareka opa arape! Amén.

Apocalipsis 7:12

Hei reta: Amén! Japyraheshu hareka ñambyveteshu, ñameẽshu ãrãndu, ñameẽshu ñandy'ajetekue hareka ñamombaivasushu, ñameẽshu mbaikatu, hareka pyrãtakue ñanu Tũpa opa arapeva. Amén!