Efesios 1:13 - NandevaBiblia

¹³ Haire jyve Pee pyhendurã ñee añeteva, Ñee Kavi verupeva ojepeva ryheva, hareka pyrojarã, ñonoã pyndyrehe pynymyha'ãngahapy Espiritu Santo me'ẽã verã.

Efesios 1:13 Iomraidhean Croise

Lucas 11:13

Pee piniñarõva pikatu mbai haikavivãĩ pymeẽshua pyndyrayre, ñopyĩãra hai Peru vate arapy'õ meẽñoĩposhu Espiritu Santo jurureshua.

Lucas 24:49

Hãrã She amboupo pẽãrẽkui Sheru ĩñee meẽ vekua; tẽvã pypytakui ko tenta Jerusalénpe ou peve pẽãrẽ mbaikatu ouva vate araivi.

Juan 1:17

Shara Tũpa meẽ ñee mbyparahava Moisés rupii, tẽvã jyhaihukue hareka mbai añeteva vãhẽ Jesucristo rupii.

Juan 14:26

Tẽvã Espiritu Santo Sheru shyreepe mbou verã hai pynymbypya kavi verã, pynymbo'epo hareka pynymymandu'akahe verã opaite hai pee vekua.

Juan 15:26

Tẽvã oupokui Sheru õĩvi pynymbypya kavi verã, hokava hai Espiritu Santo añeteva ryheva, hãrã hai ijeta kavipohekui Shyree.

Juan 3:33

Tẽvã ĩme'ẽ rojavarã, my'ãñete Tũpa heiva,

Juan 6:27

Avy ho'uava opa verãreheĩ pymba'apo, pymba'apojyvehe ho'uava opamba verãre, hareka meẽvã tykove opambava. Hokava hai ho'uava kuareta Tay meẽpe verã, shara Tũpa Teru, kyrã ñonoshu.

Hechos 1:4

Ikoteri jyre hãndi Apostol retarã, Jesús heishu reta, potambaa õhẽ verãre Jerusalenvi. Heishu reta: Pyhãrõ tikorãni Sheru ĩñee meẽ vekua, She ambeupeva rãĩmi.

Hechos 13:26

Shyryvyre, Abraham ñymõñashia hareka mbyryvare õmombaivasuva Tũpa, pã'ãpova rãnga ko ñee ohojepeva ryheva.

Hechos 2:33

Tũpa mupuãjyma manovare mbyteivirã, mbyvapy jakata kyty, Tũpa meẽmashu Espiritu Santorã, hareka hai meẽ jyve ñande Espiritu, shara hai kyrã ĩñee meẽ ñande. Hokava rãnga hai pyhesha hareka pyhenduva.

Romano 1:16

Ãnotiã ãmbeu ko Ñee kaviva, shara hai Tũpa ñymbaikatukue mondojepeva opaite jyrojaheare, Judio reta rãni hareka jyve haimba Judiovare.

Romano 4:11

Hãrã Abraham ñonoãhe heshaha verã ñichĩchĩkava sello ñimbivache ryheva Tũpa mbyhekokavimashuva jyrojakue rupii. Kyrãmba Abraham ikoshi jyrojavare tuu, ajemaĩ ñichĩchĩkambatẽãre, hãrã Ñandeja Tũpa reko jyvehe reta heko kyamba rãĩmi jyrojakue rupii.

Romano 6:17

Tẽvã ã'ẽ ñameẽshu Tũpa ajetekue, ajemaĩ arykai hai pee mbai porãmba jokuerea, ã'ẽ pyndypyaivivema ñee pyhendu pynymbo'eahea ẽvã rãĩmi, pee pymyvãhẽ vekua.

2 Corintios 1:22

Hai ñande sella, kuaaha verã hai ña'ãpova ñanderã; Espiritu Santo rupii.

2 Corintios 6:7

ñee añeteva mbe'uha iape, hareka Tũpa ñymbaikatukue ryheve. Ñyrãrõhã verã ñimbivachepe, ohoashu verã, maĩrã, ijochaha ẽvãpe.

Galatas 3:14

Hokava jehu, mbaikavi Tũpa ĩñee meẽshuva Abraham hipity verã reta jyve haimba Judiovare, Jesucristo rupii. Kyrã jairoja rupii opaiteva me'ẽã ñande verã Espiritu Tũpa hei vekua meẽ verã.

Efesios 4:21

Pee rãnga pyhendushi, hareka pirojaherã rehe pynymbo'eha kavihe vekua, haiva Jesús ryheva añeteva.

Efesios 4:30

Avy pymbyvy'ãpi Tũpa Espiritu Santo, shara Espiritu hãĩ jyve ñanymyhã'ãngapya heshakava ñande hai Tũpa ryhevarã, opava retape me'ẽha jahajepe verã.

1 Tesalonicenses 2:13

Hãme rãnga me'ẽhãñoĩ yry'ajetekue Tũpape, shara pee pyhendu Tũpa ĩñee mbe'uhaperã, hareka pymyvãhẽ kavi ha'eã kuareta ĩñee rãĩmi, ãñete rãnga hai Tũpa ĩñee, hareka jyrojahevare my'yngaijy ikova rãĩmi.

2 Timoteo 2:15

Eñehãã katu Tũpa hỹnonde rypyta kavimavape, pente mba'apo'ia mba'etyre notire verã hareka ñee añeteva hekope kavi mbeuva.

2 Timoteo 2:19

Tẽvã Tũpa ñono pente jypyrã tantava, ĩmere pente ñee pyrãtava heiva: “Ñandeja opa kuaa hai ña'ãpova”; hareka “Opaite Ñandeja hee hẽno'iare, opa tijyheja tykove jyvachembavaivi”.

2 Timoteo 3:15

Manduahe nyndei ryheve rikuaa Tũpa ĩñee, nymboi verã hareka ndyraha verã ñymondojepeva kyty Jesucristo rirojaherã.

Tito 2:11

Tũpa jyhaihukue tivishava heshaka opaite kuareta retape, veru ñymondojepeva kuaretare pevarã.

Hebreos 2:3

marãrapo ñañemikui, ñymondojepeva ryheva ojaimbava ñaingarekoãherãme? Shara Ñandeja rãnimba tynonde mbeu kova ñymondojepeva ryheva, haivi kova ñee henduvare heshaka ñande añetevarã.

Santiago 1:18

Hai, kyrãmba pota meẽ ñande tykove ĩñee añeteva rupii, hai ñanymytynondeshi opaite hai japo vekua retaivi.

Santiago 1:21

Hãrã opa pyheky pindijuhuvi maĩnunga ky'ava hareka heta porãmba vekua, hãma pymyvãhẽ pirojamba pijehevape ñee mbe'uhapeva, hokava hai mondojepe verã pyndyrykove.

1 Pedro 2:10

Aryka'e rãnga ha'eãmbape Tũpa henta'ĩrũ ryheva, tẽvã ã'ẽ haimape Tũpa henta'ĩrũrã; aryka'e mba'ety pyndyparekova, tẽvã ã'ẽ Tũpa pyndypareko.

Apocalipsis 7:2

Haivi aheshajy ynga Tũpa jokueva kuarasy ohẽaivi õhẽ ouva, ĩmerea Tũpa hykove'ia isello, hãrã hỹnatu sapukeshu urũndy Tũpa jokuevare mbaikatu me'ẽãshu vekuare porãmba japohe verãre yvy hareka yyvasure: