Efesios 1:11 - NandevaBiblia

¹¹ Tũpa, Cristo rupii, arykaivaĩ hai heimba ñanynohẽ verã mbai porãmba vekuaivi ta'yrã, hokava rãnga Hai pota japova, hareka Hai potava japoñoĩ.

Efesios 1:11 Iomraidhean Croise

Hechos 13:48

Judiombare kova hẽndumãrã, vy'a jyre hareka hei reta Ñandeja ĩñee haikaviva; haivi opaite hipity verãre tykove opambava, roja reta.

Hechos 2:23

Ko Jesús rãnga Tũpa ñono hashatãmbareare ipope, Tũpa rekova rãĩmi ñakape hareka hai potava rãĩmi iko, tẽvã pee pijuka pymbysavava kurusure kuimbaire ñañarõvare rupii,

Hechos 20:27

shara opama ambeupe Tũpa potava, mbaimba añomivape.

Hechos 20:32

Ã'ẽ shyryvyre, airureshu Tũpa jyhaihupe ñyngareko pyndyrehe verã hareka ñee haikavivapy ñyngarekopyndyrehe verã. Hai ĩmereva mbaikatu hareka meẽpe verã pyrãtakue hareka heta mbai haikaviva mbeuva rãĩmi hai ña'ãpova retape meẽ verã.

Hechos 26:18

hesapea verã hareka ynteñoma vata verãre pyntuaipi, koñeĩ hendyvape, hareka ikoveama verãre Satanas ipope, koñeĩ iko verãre Tũpa ipope, hipity verãre hejareiishi verã mbai porãmba vekua hareka kyrã Tũpa ñonoshu verãre henta'ĩrũrã kyamba.

Hechos 4:28

iko verã opa mbai nde rere vekua rãĩmi.

Romano 11:34

Shara, mbavara kuaa marãra Teja pya mbijeta? Mbavarapo mbarakuaashu?

Romano 8:17

Hareka ñande hai tay retarã, ha'eĩ jyve ñande tay tynondevare; Tũpa tay tynondevare, hareka tynondeiteva Cristo hãndi, añeteĩte jahasa'asy Cristo handirã ñanymbyveteapo jyve handikui.

Romano 8:28

Hareka jaikuaa kavi opaite haihuvare Tũpa, opa mbaipe mboryshu haikavivape, hai hẽno vekuare hai potava rãĩmi.

Romano 8:29

Shara opaite Tũpa kuaamavare, õñepyrõãivive pyhỹrõ ova verãre Tay hã'anga, tyvyre hetava mbytepe ikoshi verã tynondeva.

Romano 8:30

Hãma õñepyrõãivive pyhỹrõ vekuare hẽnoshu, hareka henoshu vekuare mbyheko kavi, hareka mbyheko kavishu vekuare õmombaishu.

Romano 9:11

Hareka ndei oa retarã, nde'iave japo reta mbai haikaviva maĩrã porãmbavarã, hareka Tũpa potava ẽẽ verã hai pyhỹrõva rãĩmi hareka ẽãhe kuareta japova, koñeĩ hẽnoãva rupii.

Galatas 3:18

Tũpa hei vekua meẽ ñande verã ẽẽmba Moisés mbypara vekuaperã, haiveãmambapo ñee me'ẽãva. Ijykuaa kavi rãnga Tũpa heimbashu Abraham mbai meẽreishu verã.

Efesios 1:14

Espiritu Santo rãnga hai me'ẽã ñandeva Tũpa ña'apova meẽ verã, opama ñambapy kavi mbyhepya ñandyreheva ñanynohẽajy verã, omomba'ea vasushu verã.

Efesios 1:18

Airurejy Tũpape pyndypyape sape verã, pikuaa kavi verã mbaivara ñyhãrõ kavi pynyrẽnohavape, haikavi hĩmbipeva hareka mbai hepyva pyrỹmondo jepeva Tũpa meẽshuva heko kyambare,

Efesios 1:5

arykaivaĩ ñandyraihuiterã ñanypyhỹrõ hareka ñandyreky jaiko verã ta'yrãveite Jesucristo rupii, shara kyrã japo Hai potava rãĩmi.

Efesios 1:8

Hareka ñandyraihuiterã, ñanymynyhẽ ãrãndu hareka mbaikuaa,

Efesios 1:9

hareka kuaaka ñande mbai Hai potava kuaretare ñomiãreshia Cristo rupii, shara kyrã Hai pota.

Efesios 3:11

Kova rãnga hai Tũpa arykaivaĩ pota japorea hãrã my'ãñete Ñandeja Jesucristo rupii.

Colosenses 1:12

Hãrã pymeẽposhu pyndy'ajetekue Ñanderu. Shara piniñono kavi me'ẽãpe verã ñana'ãporã Tũpa meẽshu verã heko kyambare koĩvape vata'iare.

Colosenses 3:24

Pikuaama rãnga hekovia Tũpa meẽpope, hokava hai maĩnunga haikaviva meẽshu verã hai ryhevare. Pikuaapo pee pymba'apova Cristo pevarã, hai ãñeteĩte teja.

Tito 2:14

Hai ñymeẽ ñandyrehe mbai porãmba vekua ñandijorashi verã hareka opa kavi ñandohe, iko ñandyhevi verã henta'ĩrũre, mbai haikavivaĩ japo'i verã.

Tito 3:7

Hai, ñanymbyheko kavi verã jyhaihukue tivishava rupii, japity verã tykove opambava ñahãrõva.

Hebreos 6:17

Hãrã Tũpa potañoĩ my'añete heshaka verã opaiteva hipity verã kova ĩñee meẽ vekua, yngavamba hekyjy verãpe.

Santiago 2:5

Pyhendu, shyryvyre ahaihuva: Tũpa rãnga pyhyrõ pavetevare ko yvy'ĩãrẽ, ikokatu verã jyrojakuepy hareka me'ẽhashu verã tenta vasu mbeushuva haihuvare.

1 Pedro 1:4

Pipity verã maĩnunga Tũpa ĩmereva vate arapy, ñymbaimba verã, kyambava maĩrã jipimbava.

1 Pedro 3:9

Avy porãmba japo pyndyreheva, porãmbavaĩ pijapo jyvehe, ĩme'ẽ poshypearã avy ndyposhy jyveshu, kyrãte verã pehovasashu ñeekavipe, shara ha'erã ñanyrẽnoha japity verã ma'ẽãkavi ñandyrehevape,