Apocalipsis 8:3 - NandevaBiblia

³ Haivi oujy ĩrũ Tũpa jokueva ñymbo'y altar hỹnonde, pente mbai pishekatuva hyru ita vera ijuva ryheve, me'ẽajyshu mbai pishekatuva hetava meẽ hãndi verã Tũpa ryhevare jurureva, altar ita vera ijuva ĩãrẽ vapyhasepya hỹnonde.

Apocalipsis 8:3 Iomraidhean Croise

Lucas 1:10

Haivi hapyama'ẽ mbai pishekatuvarã, kuareta hetava ñymbaty'õ katuape jurure ñynoĩ.

Romano 8:34

Mbarapo katu jahehe reta? Cristo rãnga hai mano vekua, ĩãrẽve hai kuerajy manovare mbyteivi, hai ĩme'ẽ Tũpa jakata kyty, hareka hai jurure'ẽ ñandyrehe.

Hebreos 7:25

Hãrã katu mondojepe jyve opaite hai rupii Tũpa kyty ñymbojavare, shara hai iko opa ara, jururehe verãre Tũpape.

Hebreos 9:4

Haipe'ẽ altar ita verava ijuva hapyapy verã yvyra pishekatuva, ñee me'ẽãva hyru ita vera ijuvatei jerekue ñonoahe, haipy'ẽ kambushi mishiĩva mana ẽpya, Aarón jy'yvyra hokyjy vekua hareka mokue ita ipevare mbyparahahea opañandepo ñee japoa verã.

Apocalipsis 10:1

Hãrã aheshajy Tũpa jokueva ĩrũ ñymbaikatuva, vejy vate araivi ãvãpyntu mbytepe hareka ĩmere ñakare pente jyi. Hova hĩmbipe kuarasy rãĩmi, tymare tata puku jypotavasu'õva rãĩmi.

Apocalipsis 14:18

Hareka õhẽjy ynga Tũpa jokueva altar ẽvãivi, ĩmereva pyrãta tata hendyvare hareka hỹnatu sapukeshu kyse japa haĩmbeva ĩmerea, heishu: Minje ndykyse japa haĩmbeva hareka opa jasyja uva yvy ĩãrẽ hẽñovare shara opama uva iare javyje!

Apocalipsis 5:8

Hekyma kuatiarã, urũndy hykoveteri'iare hareka 24 kuakuavare ĩñesu Avisha Ray hỹnonde, pepenteĩ ipopere arpa hareka vaso ita vera ijuva tynyhẽ'õ mbai pishekatuva, hokava he'ise Tũpa ryhevare jurureva.

Apocalipsis 6:9

Avisha Ray peajy sello 5 hearã, ahesha altar'ipe jukahavare hykovekue Tũpa ĩñee rehe hareka mbeujyre hokava ñee rehe.

Apocalipsis 7:2

Haivi aheshajy ynga Tũpa jokueva kuarasy ohẽaivi õhẽ ouva, ĩmerea Tũpa hykove'ia isello, hãrã hỹnatu sapukeshu urũndy Tũpa jokuevare mbaikatu me'ẽãshu vekuare porãmba japohe verãre yvy hareka yyvasure:

Apocalipsis 8:4

Haivi mbai pishekatuva hãtãtĩkue jupi Tũpa jokueva ipoivi, kyambare jurureva ryheve vãhẽpeve Tũpa ẽvãpe.

Apocalipsis 8:5

Haivi Tũpa jokueva heky mbai pishekatuva hyru, mynyhẽ tatapyĩ jypotateri'õ altar ĩãrẽ'õva, hareka mombo yvy'ĩãrẽ, hãrã iko hy'apuvasu, hãseva, verava hareka yvyryry.

Apocalipsis 9:13

Tũpa jokueva 6 hea mbi'ipujy trompetarã, ahendu pente ñee ouva urũndy hahakua'õ altar ita vera ijuva, ẽvã Tũpa hỹnonde.