Apocalipsis 7:2 - NandevaBiblia

² Haivi aheshajy ynga Tũpa jokueva kuarasy ohẽaivi õhẽ ouva, ĩmerea Tũpa hykove'ia isello, hãrã hỹnatu sapukeshu urũndy Tũpa jokuevare mbaikatu me'ẽãshu vekuare porãmba japohe verãre yvy hareka yyvasure:

Apocalipsis 7:2 Iomraidhean Croise

Mateo 16:16

Simón Pedro heishu: Nde hai Cristo, Tũpa tay hykove'ia.

Mateo 26:63

Tẽvã Jesús jasakaĩ'i. Haipe pai juhuvisha hei jyshu: Tũpa hykove'ia heepe mbeu ore, ndera hai Cristo Tũpa tay?

Juan 6:27

Avy ho'uava opa verãreheĩ pymba'apo, pymba'apojyvehe ho'uava opamba verãre, hareka meẽvã tykove opambava. Hokava hai ho'uava kuareta Tay meẽpe verã, shara Tũpa Teru, kyrã ñonoshu.

2 Corintios 1:22

Hai ñande sella, kuaaha verã hai ña'ãpova ñanderã; Espiritu Santo rupii.

Efesios 1:13

Haire jyve Pee pyhendurã ñee añeteva, Ñee Kavi verupeva ojepeva ryheva, hareka pyrojarã, ñonoã pyndyrehe pynymyha'ãngahapy Espiritu Santo me'ẽã verã.

Efesios 4:30

Avy pymbyvy'ãpi Tũpa Espiritu Santo, shara Espiritu hãĩ jyve ñanymyhã'ãngapya heshakava ñande hai Tũpa ryhevarã, opava retape me'ẽha jahajepe verã.

1 Tesalonicenses 1:9

Hai retateiva mbeu marãra pee ỹrỹmyvãhẽ kavi, hareka mbeu reta marãra ta'ãnga pypoi pemombai Tũpa jykoty peijy verã, hai potava pijapo verã Tũpa manombava hareka añeteva,

2 Timoteo 2:19

Tẽvã Tũpa ñono pente jypyrã tantava, ĩmere pente ñee pyrãtava heiva: “Ñandeja opa kuaa hai ña'ãpova”; hareka “Opaite Ñandeja hee hẽno'iare, opa tijyheja tykove jyvachembavaivi”.

Hebreos 12:22

Katynga pee piñymboja yvyturusure hareka tenta Tũpa hykove'ia ña'ãpova, Jerusalén mashyãva hareka piñymboja jyvehe hetaraivi Tũpa jokuevare haipe ñymbaty pyraheshu verã Tũpa,

Apocalipsis 1:3

Vy'apo mbijetava Tũpa ĩñee hareka henduvare ko ñee iko verã, hareka japova, shara vãhẽmapo ara iko verãpe.

Apocalipsis 10:1

Hãrã aheshajy Tũpa jokueva ĩrũ ñymbaikatuva, vejy vate araivi ãvãpyntu mbytepe hareka ĩmere ñakare pente jyi. Hova hĩmbipe kuarasy rãĩmi, tymare tata puku jypotavasu'õva rãĩmi.

Apocalipsis 10:4

Ijetama 7 hy'apuva retarã, pota ambypara'are kuatia mishĩvamipe haire heiva, tẽvã vate araivi ahendu pente ñee heisheva: Avy mbeukui 7 hy'apuva heivare hareka avy ñono kuatiape.

Apocalipsis 16:12

Tũpa jokueva ovahea hakuava jykopaivi ysyryva Éufrates ĩãrẽ, haivi yy syryva opa typa, myhẽvashu verã pee mburuvisha vasure ouva kuarasy icheakyty'õ.

Apocalipsis 5:2

Haivi aheshajy pente Tũpa jokueva pyrãtaĩteveva hỹnatu ijeta pyrãnduva: “Mbavara ẽẽshu pea verã kova kuatia hareka jorashi verã 7 sello ñonoãheva?”

Apocalipsis 8:3

Haivi oujy ĩrũ Tũpa jokueva ñymbo'y altar hỹnonde, pente mbai pishekatuva hyru ita vera ijuva ryheve, me'ẽajyshu mbai pishekatuva hetava meẽ hãndi verã Tũpa ryhevare jurureva, altar ita vera ijuva ĩãrẽ vapyhasepya hỹnonde.

Apocalipsis 9:14

Ñee heishu Tũpa jokueva 6 hea, trompeta ĩmereva: “Poishi urũndy Tũpa jokuevare ñapintĩhã'õre yyvasu Éufrates hymbeyipi”.

Apocalipsis 9:4

Hãrã ijetashu reta avy porãmba japohe verãre yvyraroky yvy'ĩãrẽ'õre, yvyra retaimba, koñeĩ kuaretare Tũpa ha'ãnga mba'etyreva syvare.