Apocalipsis 7:14 - NandevaBiblia

¹⁴ She haishu: Sheja nde rãnga rikuaa. Hãrã hai heishe: Kova reta rãnga hai opa jyhasa'asy hasashi vekuare, haire johe mondeva hareka mitĩĩmba reta Avisha Ray huvype.

Apocalipsis 7:14 Iomraidhean Croise

Mateo 24:21

Hãma hetapo iko jyhasa'asy, hasa'asymbateria rãĩmi ko yvy oñepyrõrãvãĩ, hareka ko rãĩmiva jyhasa'asy maipivẽamapo jehukui.

Marcos 13:19

shara hokava arape ẽpo jyhasa'asy vasu arykai ikombava, Tũpa jypy japorãvãĩ ko yvy ã'ẽpeve, hareka ikovẽãmapo kutyve.

Juan 16:33

Opaite kova mbai ambeupe pyndypya vapy verã piroja shyreherã. Hetapo pyhasa'asy ko yvy'ĩãrẽ, tẽvã avy pykyje, shepopema rãnga'ẽ ko yvy.

Hechos 14:22

Kovare ẽvãpe mykyrẽy jyshu Jesús mboireare, ñimiñẽ'ẽrã heishu reta tantai ẽẽ vẽrãre jyrojakuepe heivape shara jaiche verã Tũpa ẽvãpe heta rãnipo jahasa asy.

Romano 5:3

Ha'ẽã kovaĩ, javya jyve jyhasa'asype, shara jaikua kova verupo ñande ñyhãrokuaa,

1 Corintios 6:11

Ĩme'ẽ aryka'e pymbytepe kyrã'i vekuare; tẽvã ã'ẽ pyndykyaveãma Ñandeja Jesús heepe hekokavivamape, hareka Espiritu ñanu Tũpa ryheva rupii.

2 Tesalonicenses 1:4

Hãrã ore jyve jyrojaha pyndyrehe opaite yngava tũpao Tũpa ryhevape, ñyhãrõkua ryheve hareka pirojakue pyheshaka opaite pyhasa pynymoñahava mbyteipi hareka jyhasa'asyipi.

Hebreos 13:12

Kyrã jyve, Jesús nohẽha tentaivi hareka mano katoape, mbyheko kavi verã hai huvy rupii hai ryhevare.

Hebreos 9:14

mbovykuerapore mbaikatukue Cristo huvykue! Hai, Espiritu opamba rupii, ñymeẽ kyamba ryheve Tũpape, johe verã ñandypyape opaite mbai japoarã manõa ryhevaivi, jaijokuekashu verã Tũpa hykove'ia.

1 Pedro 1:19

koñeĩ Cristo huvy haikavivapy, Avisha Ray mambaimbaa, kyambava hareka kapyryva.

1 Juan 1:7

Tẽvã jaiko hendyvaperã, Tũpa hendyvape ẽvã rãĩmi, pente pyapeĩmapo ñaĩ hãndi yngare, hareka Tay Jesucristo, huvy rupii opa ñandohe mbai porãmba vekuaivi.

Apocalipsis 1:5

hareka Jesucristoivi heshava jyrojaheva, tynondeite kuerajyva hareka mbaivasuveshiva mburuvisha vasu yvy ĩãrẽ'õre. Hai ñandyraihurã hareka opa ñandohe mbai porãmba vekuaaivi huvypy,

Apocalipsis 12:11

Haire jepyhe Avisha Ray huvy rupii hareka ñee mbeujyreva rupii. Tẽvã ñandyryhevare haihuãmba reta hykove, koñeĩ ĩñonoĩ timeĩ jukaha verã.

Apocalipsis 15:2

Hareka ahesha pente yyvasu vidrio rãĩmi sãkava jihiava tata, hareka jichepe ñymboy ñynoĩ akuavare jepyheva mymba ñarõva hareka ha'ãnga hareka hee papahapya, hareka opaiteva ĩmere reta arpare Tũpa ña'ãpova.

Apocalipsis 17:6

Haivi ahesha taupe savypo'ipy Tũpa ryhevare huvykue hareka jukaha vekuare Jesús hee myhỹrãkua jyrerã. Aheshama hokavarã mbyry ãmaĩ.

Apocalipsis 2:9

She aikuaa rijapo vekuare, ryhasa'asyvare hareka ndypavetekuepe, ndy espiritupe rikokatutẽva. Aikuaa marãra ijeta porãã ndyrehe Israelitare hei'i ijehevare tẽvã ha'ẽã, koñei Satanás ñymbatyse'õ retape hai.

Apocalipsis 22:14

Vy'apo mondeva joheñoĩvare, shara hipitypo yvyra'ia tykove opamba meẽva, hareka iche verã tenta hõcheipi.

Apocalipsis 5:9

Hãrã jyvache pyrahe reta pente mbyrahe py'ahuva heiva: “Ndeñõi rãngapo katu rypysy ko kuatia mbapu'ahava hareka ryhekyshi verã sellore, ndukahava rehe, hãrã nduruvype yry'ovajy Tũpa pevarã, opaite kuaretare ñymoñashia, opaite tiñeere, henta'õre hareka tentavasure.

Apocalipsis 7:9

Hokaivima amaĩrã, ahesha kuareta jahe vekua, katumbaa mbava opa papava, opaite hekyava tenta vasuivi, kuareta ñymoñashiare, henta'õre hareka opaite tiñeere, ñymbou ñynoĩ vapyhasepya Avisha Ray hỹnonde, hareka tĩĩvape ñimimondevare ipopere reta karãnday hãka.