Apocalipsis 7:12 - NandevaBiblia

¹² Hei reta: Amén! Japyraheshu hareka ñambyveteshu, ñameẽshu ãrãndu, ñameẽshu ñandy'ajetekue hareka ñamombaivasushu, ñameẽshu mbaikatu, hareka pyrãtakue ñanu Tũpa opa arapeva. Amén!

Apocalipsis 7:12 Iomraidhean Croise

Mateo 6:13

Avy ma'ẽĩhe to'aha jepyarããpe, koñeĩ porãmbaivi yryrekyshi. Shara na'ãpova hai mburuvisha vasurãrẽĩvape, mbaikatukue hareka himbipekue, opa ara pevarã. Amén.

Romano 11:36

Shara opaite Tũpaivi ouva, hai rupii hareka hai pevarã. Hĩmbipekue opa ara Tũpa pevarã! Amén.

1 Corintios 14:16

Nde espiritupeĩ Tũpa rẽmombairirã; marãĩrapo rimboivape rĩñymypente hãndi ndapisha kuãã ndyhevirãme? Katuãpo japo, shara kuãã ndyhevi rereva.

2 Corintios 4:15

Opa kova mbai jehu ore pyndyraihuharã, hetavevape hipityrã, hetave ẽẽ verã meẽva jy ajetekue, Tũpa hĩmbipekue pevarã.

Colosenses 2:7

piñymbyhapopopy hareka piñymypyrãtapohe piroja rupii, shara kyrã pynymbo'eha hareka pymeẽñoĩshu Tũpa mbai kavikue.

Colosenses 3:17

Hãma opa mba'e pijapova hareka pereva, pijapo Ñandeja Jesucristo heepe hareka pymeẽ ajetekue Tũpape, Cristo rupii.

Judas 1:25

Hãrã japyraheposhu Ñanymondojepe'ia koñeĩ'ia. Jesucristo rupii Ñandejape, opa kuaa vateve'ẽvã, ñymbaikatuva hareka hĩmbipeva. Japyraheshu Tũpa opaite kova rehe, ã'ẽ hareka opa arape. Amén.

Apocalipsis 1:18

Hykovejyva, amanotẽ vekua, tẽvã ã'ẽ manomba verãma aiko, ĩme'are mbaikatu ñymano hareka tatavasu rehe.

Apocalipsis 19:4

Hãrã 24 kuakuavare hareka urũndy hykove'iare jyroa reta yvypeve omombai reta Tũpa vapyhasepyape vapy'õ, hei: “Amén, Aleluya!”